Gazeta The New York Times ka botuar sot një kabllogram që sipas saj po qarkullon prej disa kohësh në qendrat e ndryshme të CIA-s nëpër botë, ku disa prej drejtuesit e shërbimeve sekrete amerikane paralajmërojnë agjentë te tyre për një valë të kundërt, ku dhjetëra agjentë dhe veçanërisht informatorë po zbulohen dhe në disa raste janë ekzekutuar në pikat më të nxehta të planetit.
Arsyet janë nga më të ndryshmet. Në dekadat e fundit, aksioni i kundërspiunazhit amerikan është përqendruar tek lufta kundër organizatave terroriste në Lindjen e Mesme, duke anashkaluar deri diku sektorë tradicionalisht të mbuluar si Rusia dhe Kina, por që sot duken problematikë për sa i përket rekrutimit dhe veçanërisht sigurisë që rekrutimi nuk do të japë si rezultat një lojë të dyfishtë.
Ndryshimet marramendëse në teknologji, që kanë mundësuar modernizimin e kundër inteligjencës edhe në vende që më parë kishin një diferencë shumë të madhe mjetesh me Shtetet e Bashkuara, dhe që sot mund t’i lejojnë vetes përdorimin e mjeteve si skanimet biometrike, teknologjitë e njohjes së fytyrës dhe të tilla, e bën më të vështirë për agjenci si CIA që të mos lej gjurmë në misionet e veta.
Talebanë në ish-bazën e CIA në Kabul të Afganistanit, tashmë e shkatërruar
Përdorimi i hakerave nga ana e vendeve rivale kohët e fundit, sipas burimeve, ka zbuluar mesazhe të koduara që kanë mundësuar kapjen e të paktën dy informatorëve të CIA-s në Kinë dhe Iran, dhe në të dy rastet personat janë ekzekutuar.
Madje, sipas kabllogramit sekret që po qarkullon, nga pozicioni i “sulmit” CIA-s mund t’i duhet të luajë në ”mbrojtje”, me rrezikun faktik që shumë agjentë të saj, operativë ose të paktën në pension, mund të vendosin të punojnë për shtete ose organizata të huaja dhe aspak miqësore, siç paralajmërohet në kabllogram. Si në rastin e Jerry Chun Shing Lee, një ish-agjent i CIA-s që u dënua me 19 vjet burgim sepse kishte kaluar informacione qeverisë kineze.
Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.
Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”
Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.
Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.
Çmimet e naftës regjistruan një rënie të ndjeshme më 3 prill 2025, pas masave të reja tregtare të presidentit amerikan, Donald Trump. Rënia e çmimeve është lidhur me shqetësimet e tregjeve financiare për ndikimin që mund të ketë këto tarifa mbi rritjen ekonomike globale dhe kërkesën për naftë.
Çmimi i një fuçie nafte “West Texas Intermediate” (WTI), standardi amerikan, për dërgesë në maj, ra me 5,15%, duke arritur në 68,02 dollarë. Ndërkaq, çmimi i një fuçie nafte “Brent” të Detit të Veriut për dorëzimin e qershorit ra me 4,78%, duke u ulur në 71,37 dollarë.
Përveç pasigurisë nga tarifat e reja të Trump, OPEC-u njoftoi një rritje më të mprehtë të prodhimit të naftës se sa ishte pritur, që gjithashtu ka kontribuar në uljen e çmimeve të naftës.
Sekretari i Shtetit, Marco Rubio, ka deklaruar se Shtetet e Bashkuara të Amerikës do të vazhdojnë të jenë pjesë e NATO-s dhe ka theksuar rëndësinë e forcimit të aleancës. Gjatë një fjalimi në Bruksel, Rubio ka hedhur poshtë spekulimet dhe mendimet negative që janë shprehur në disa media lidhur me angazhimin e SHBA-së në NATO, duke theksuar se Presidenti Trump e ka mbështetur gjithmonë NATO-n dhe ka bërë të qartë se Shtetet e Bashkuara do të qëndrojnë në aleancë.
Ai ka theksuar se kërcënimi më i madh për sigurinë e vendit është “nga brenda” dhe ka përdorur këtë mundësi për të kritikuar politikanët evropianë. Rubio ka shprehur dëshirën që NATO të jetë më e fortë dhe më e qëndrueshme, duke theksuar se kjo mund të arrihet vetëm nëse shtetet aleate kanë më shumë aftësi dhe mundësi. Ai gjithashtu ka bërë thirrje për një angazhim më të madh nga shtetet e pasura dhe ato me ekonomi të forta që mund të kontribuojnë më shumë në fuqizimin e NATO-s.
Rubio është aktualisht në Bruksel për takime me zyrtarë të NATO-s dhe për të diskutuar mbi përforcimin e kësaj aleance të rëndësishme për sigurinë ndërkombëtare.
Prokuroria e Stambollit ka nisur hetime ndaj protestuesve që bënë thirrje për bojkot të blerjeve më 2 prill, duke i akuzuar për “urrejtje dhe diskriminim” dhe “nxitje të publikut në urrejtje dhe armiqësi”. Bojkoti erdhi si reagim ndaj arrestimit të kryebashkiakut të Stambollit, Ekrem İmamoğlu, dhe ishte mbështetur nga studentë, figura politike dhe personalitete të njohura.
Deri më tani, janë lëshuar 16 urdhër-arreste, nga të cilat 11 persona janë ndaluar, përfshirë aktorin Cem Yiğit Üzümoğlu. Po ashtu, Korporata e Radio-Televizionit Turk (TRT) ka shkarkuar aktoren Aybüke Pusat nga seriali “Teşkilat” për mbështetjen e saj ndaj bojkotit, dhe skenaristi Ali Aydın ka parë projektin e tij “Rumi” të hiqet nga platforma dixhitale e TRT-së si masë ndëshkuese. Kreu i CHP-së, Özgür Özel, ka deklaruar se bojkoti ishte një formë proteste demokratike dhe ka ftuar qytetarët të përdorin fuqinë e tyre përmes konsumit.