Lajmet

Junta mbyll hapësirën ajrore të Nigerit

Kjo duke përmendur kërcënimin e ndërhyrjes ushtarake nga fqinjët.

Published

on

Udhëheqësit e grusht shtetit të Nigerit kanë mbyllur hapësirën ajrore të vendit deri në një njoftimi të dytë, duke përmendur kërcënimin e ndërhyrjes ushtarake nga fqinjët.

Faqja e internetit për gjurmimin e fluturimeve “Flightradar24” tregon se aktualisht nuk ka asnjë avion në qiellin e Nigerit.

Grupi i vendeve të Afrikës Perëndimore, Ecowas, kishte paralajmëruar më herët se mund të përdorte forcë nëse presidenti Mohamed Bazoum nuk rikthehej në detyrë deri të dielën (6 gusht).

BBC raportoi se, një zëdhënës i juntës ka deklaruar se forcat e armatosura të Nigerit janë gati të mbrojnë vendin.

Bazoum u arrestua më 26 korrik dhe gjenerali Abdourahmane Tchiani, komandant i gardës presidenciale, më vonë e shpalli veten lideri i ri.

Marrja ushtarake është dënuar nga faktori ndërkombëtar duke përfshirë nga ish-fuqia koloniale Franca dhe pjesa tjetër e Bashkimit Evropian, si dhe nga Kombet e Bashkuara dhe Shtetet e Bashkuara.

Një përfaqësues i juntës së Nigerit deklaroi se kishin informacion se “një fuqi e huaj” po përgatitej të sulmonte vendin.

Pas një takimi krize në Nigeri, shefat ushtarakë të Ecowas thanë të premten (4 gusht) se kishin hartuar një plan të detajuar për përdorimin e mundshëm të forcës.

Ecowas është një bllok tregtar rajonal i 15 vendeve të Afrikës Perëndimore, duke përfshirë Nigerinë, Senegalin, Togon dhe Ganën.

Lajmet

Zëvendëskryeministri në detyrë, Besnik Bislimi, hyri në prokurori për rastin Peci

Published

on

By

Zëvendëskryeministri në detyrë, Besnik Bislimi, hyri në objektin e prokurorisë, ku është ftuar nga Prokuroria Speciale për të dhënë deklaratë për rastin e hetimeve që lidhen me kontratën për mbetjet shtazore të Ministrisë së Bujqësisë që drejtohet nga Faton Peci.

Deputeti Faton Peci ka përmendur Bislimin për çështjen e funksionalizimit të Fabrikës së Mbetjeve Shtazore.

Ai pati thënë se Bislimi i kishte thënë se pavarësisht kostos financiare, “e rëndësishme është të trajtohen mbetjet shtazore.”

Continue Reading

Lajmet

Në 24 orët e fundit, 57 aksidente në trafik dhe 16 të arrestuar në gjithë vendin

Published

on

By

Gjatë 24 orëve të fundit, në Kosovë janë regjistruar 57 aksidente trafiku. Prej tyre, 32 kanë përfunduar me të lënduar dhe 25 me dëme materiale. Fatmirësisht, nuk është shënuar asnjë aksident me fatalitet.

Policia ka shqiptuar gjithsej 2129 tiketa trafiku për shkelje të ndryshme në komunikacion, si pjesë e kontrollit të vazhdueshëm për rritjen e sigurisë rrugore.

Në të njëjtën periudhë, 16 persona janë arrestuar, ndërsa 11 prej tyre janë vendosur në mbajtje. Dy persona janë dërguar për vuajtje të dënimit.

Autoritetet e rendit bëjnë thirrje për respektim të rregullave të trafikut dhe ligjit, si mënyra më e mirë për të shmangur pasojat dhe për të ruajtur sigurinë publike.

Continue Reading

Lajmet

Arrestohet një shtetas i huaj nën dyshimin se kanosi policët pasi i shqiptuan gjobë në trafik

Published

on

By

Një shtetas i huaj është arrestuar në Prizren nën dyshimin se pas shqiptimit të një tikete në trafik, kanosi zyrtarët policorë.

Në raportin 24 orësh të Policisë, thuhet se rasti është iniciuar si “Kanosje ndaj personit zyrtar”.

“Prizren / 09:00. Është arrestuar i dyshuari mashkull shtetas i huaj pasi që, pas shqiptimit të tiketës (gjobës) të trafikut, kishte kanosur zyrtarët policor. Me vendim të prokurorit i dyshuari është dërguar në mbajtje”, thuhet në njoftim. /betimipërdrejtësi

Continue Reading

Lajmet

Arrestohet një burrë në Prishtinë për dhunë psiqike ndaj një gruaje, lirohet në procedurë të rregullt

Published

on

By

Sipas raportit 24 orësh të Policisë së Kosovës, një burrë është arrestuar në Prishtinë nën dyshimin se kishte ushtruar dhunë psiqike ndaj një gruaje, shtetase e Kosovës.

Më tutje, Policia ka bërë të ditur se i dyshuari mashkull është liruar në procedurë të rregullt.

DHUNË NË FAMILJE – Prishtinë. Viktima femër kosovare ka njoftuar se i dyshuari mashkull kosovar është duke ushtruar dhunë psiqike ndaj saj. Viktima ka kërkuar urdhër mbrojtje. I dyshuari është arrestuar dhe me vendim të prokurorit lirohet në procedurë të rregullt.”, thuhet në raportin 24 orësh të Policisë.

 

Continue Reading

Të kërkuara