Zbardhimi i dhëmbëve është dëshirë e madhe për të gjithë, ka disa mënyra për ta arritur këtë në kushte shtëpie të cilat ne do të u’a tregojmë, është e rëndësishme të kujdeseni për shëndetin e dhëmbëve e të përdorni metoda natyrale.

Një nga metodat e njohura është përdorimi i pastës së dhëmbëve me përbërës zbardhues si bikarbonati i sodës, mund të përdorni sodë buke bashkë me pastën e t’i lani dhëmbët një herë në javë. Kjo ndihmon në largimin e njollave dhe pllakës që formohet nga ushqimi dhe pija.

Tjetër mënyrë natyrale është përdorimi i peroksidit të hidrogjenit, por është e rëndësishme të përdorni një përqendrim të ulët (3%), bëni kujdes të mos e gëlltisni. Mund të bëni një shpëlarje të gojës me përzierje të vogël të peroksidit dhe ujit për disa sekonda, një herë në ditë.

Frutat si luleshtrydhet përmbajnë acid malik. që ndihmon në zbardhjen e dhëmbëve. duke i shtypur ato e duke i aplikuar direkt në dhëmbë për disa minuta, ju largoni njollave të lehta. Konsumimi i shumtë i ujit është mënyrë për t’i mbajtur dhëmbët të pastruar dhe të zbardhur natyralisht, sepse ndihmon në pastrimin e mbetjeve të ushqimit e stimulon prodhimin e pështymës, që është mbrojtëse për dhëmbët.

Megjithatë, është e rëndësishme të kujtoni se metodat natyrale janë efektive, por për zbardhje të qëndrueshme e të sigurt konsultoheni me dentistin tuaj. Kjo ju ndihmon të shmangni dëmtimin e smaltit të dhëmbëve dhe të merrni këshilla të personalizuara për nevojat tuaja. /UBT News/

Qerpikët e gjatë dhe të dendur janë ëndrra e çdo femre, kjo sepse ata theksojnë vijëzimin e syrit të grimuar duke e bërë të duket më i plotë dhe më joshës. Kjo është dhe arsyeja që i lyejmë vazhdimisht të na duken më të gjatë. Por, ndonjëherë as kjo nuk mjafton.

Ja disa disa maska natyrale për rritjen dhe forcimin e qerpikëve.

-Përdorni vajin e ullirit

Jo më kot Sophia Loren është shprehur se vaji i ullirit ka qenë sekreti i saj për një lëkurë të freskët dhe të hidratuar, por ai vepron dukshëm edhe mbi qerpikët tuaj. Aplikoni çdo mbrëmje pak vaj ulliri tek qerpikët dhe brenda muajit do të vini re ndryshime të mëdha.

-Pini çaj jeshil

Çaji jeshil është një antioksidant i rëndësishëm për organizmin tonë, i cili ka efekt edhe tek qerpikët. Ziejeni, lëreni të ftohet pak dhe më pas lyeni qerpikët.

-Përdorni vajin e kastorit

Vaji i kastorit jo vetëm që i zgjat qerpikët, por edhe i trash fijet më shumë se çdo vaj tjetër. Për ta aplikuar veproni njësoj si me vajin e ullirit. /UBT News/

Nëse nuk keni asnjë për të dalë, mos u shqetësoni, sepse ne kemi planin perfekt: relaksim dhe kujdes për veten. Bëhuni gati për një fundjavë kushtuar mirëqenies suaj! Ja disa mënyra për t’u kujdesur për veten në shtëpi këtë fundjavë.

Filloni një libër të mirë

Bëni vetes një dhuratë: gëzimin e leximit. Zgjidhni një libër, tema e të cilit të zgjoi interesin, qoftë një aventurë që do t’ju çojë në botë tjera, ose libër me ide për vetë-përmirësim që do t’ju japë stimuj të rinj. Përgatitni kafen ose çajin tuaj të preferuar, gjeni vendin më të rehatshëm në shtëpi dhe lexoni. Ky akt i vogël i kujdesit për veten mund të rinovojë energjinë tuaj dhe të ndihmojë mendjen tuaj të relaksohet.

Krijoni një atmosferë aromatike

Koha për ta transformuar shtëpinë në strehë relaksi, duke krijuar atmosferë aromatike që stimulon shqisat. Zgjidhni qirinj aromatike relaksuese ose përdorni vajra esencialë për të mbushur hapësirën me aroma të qeta. Zgjidhni livando për relaksim, mente për rigjallërim ose vanilje për ngrohtësi

Provoni meditimin

Të gjithë mund të meditojnë . Gjeni një vend të qetë në shtëpi, ndoshta një cep që ju ofron paqe mendore e merrni pak kohë për t’u fokusuar në frymëmarrjen tuaj. Praktika e meditimit është një derë drejt vetëdijes dhe një pushim i mendjes nga shqetësimet e përditshme. Edhe disa minuta mund t’ju japin një ndjenjë rinovimi dhe t’ju ndihmojnë ta përballoni javën e re me më shumë qetësi dhe fokus.

Gatuaj diçka të shëndetshme

Këtë fundjavë, bëhuni shefi i kuzhinës tuaj dhe eksperimentoni me një recetë të shëndetshme. Përfitoni nga mundësia për dietë të ekuilibruar, zbuloni shije dhe përbërës të rinj që mund të ushqejnë trupin dhe përmirësojnë disponimin. Provoni diçka me perime të freskëta të stinës, peshk të lehtë ose një pjatë që kombinon shijet e kripura dhe të ëmbla. /UBT News/

Të jesh nënë është një epitet mjaft i bukur, por dhe më sfidue. Kur këtu shohet edhe karriera e suksesshme, shumë gra ndihen të mbingarkuara, e madje mërziten nëse nuk mund t’i bëjnë të dyja rolet si duhet.

Sot ne do të ju tregojmë disa mënyra të zgjuara dhe frymëzuese për të menaxhuar të dyja anët e jetës, pa u ndjerë e lodhur apo fajtore.

Prano që nuk je superheroinë – Gratë përpiqen të bëjnë gjithçka dhe të arrijnë perfeksionin në çdo rol. Për të qenë nënë e lumtur dhe profesioniste e suksesshme, është e rëndësishme të pranosh se nuk ke pse të bësh gjithçka vetë. Delego disa nga përgjegjësitë, kërko ndihmë nga partneri dhe familja. Mos harro, të kujdesesh për veten tënde është po aq e rëndësishme sa kujdesi për të tjerët.

Bëj një plan për prioritetet e tua – Ndarja e kohës mes karrierës dhe familjes është art më vete. Bëj listë të gjërave që janë më të rëndësishme në dy fushat. Vendos se cilat janë aktiviteteT më urgjente dhe cilat mund të bëhen më vonë. Mbaj mend se përparësitë ndryshojnë nga një javë në tjetrën e kjo është normale.

Përdor teknologjinë si mjet për të kursyer kohë – Një nga përfitimet e të qenit në epokë digjitale është mundësia për të punuar nga distanca me teknologjinë për të lehtësuar jetën. Përdor aplikacione për organizimin e detyrave ditore, ‘reminders’ për takimet, për të kursyer kohë e për të shmangur stresin.

Gjej balancën mes cilësisë dhe sasisë së kohës – Shumë nëna shqetësohen se nuk po kalojnë mjaftueshëm kohë me fëmijë. Por, është cilësia e kohës që kalon me ta që ka më shumë rëndësi. Kur je me fëmijët, përpiqu të jesh e pranishme dhe e përfshirë, pa shpërqendrime nga puna ose teknologjia.

Mbro kohën dhe energjinë tënde – Kufijtë janë të domosdoshëm për të mbrojtur kohën dhe energjinë tënde. Kur je në punë, përqendrohu e përpiqu të mos lejosh që përgjegjësitë familjare të ndikojnë gjatë orarit. Kur je me familjen, largohu nga punët e zyrës, duke krijuar ndarje të qartë mes dy jetëve.

Kujdesu për veten – Të marrësh kohë për veten nuk është egoizëm, por një investim për mirëqenien tënde fizike dhe mendore. Kujdesu për gjumin, ushqimin dhe shëndetin mendor. Një nënë dhe një profesioniste e lumtur është më e aftë të përballojë sfidat dhe të gjejë zgjidhje krijuese për problemet që has gjatë ditës.

Mos kërko të jesh e përsosur – Një nga mësimet më të vlefshme që mund të marrësh është se nuk ekziston përsosmëria. Prano që do të ketë ditë kur asgjë nuk shkon sipas planit dhe është në rregull. Prano që bën gabime në punë dhe prindërim. E rëndësishme është të mbash qasje pozitive, të mësosh nga përvoja. /UBT News/