Sport

Jovic refuzoi Milanin për shkak të Ibrahimovicit

Published

6 years ago

January 22, 2021

Betim Gashi

Sipas gazetës gjermane BILD, Luka Jovic refuzoi një lëvizje në Milan për shkak të Zlatan Ibrahimovicit.

Kjo pasi sulmuesi serb kishte frikë se nuk do të kishte minutazhë të mjaftueshme për shkak të suedezit.

23-vjeçari u bashkua me Eintracht Frankfurt si huazim nga Real Madrid në afatin kalimtar të janarit, por Milani gjithashtu kishte bërë një përpjekje për ta nënshkruar atë në një marrëveshje të përkohshme deri në fund të sezonit.

Sipas raportit, West Ham dhe Wolverhampton kishin hyrë në garë për të nënshkruar me përfaqësuesin e Serbisë, i cili përfundimisht u kthye në Gjermani.

Bild thekson se Jovic refuzoi mundësinë për të lëvizur në Milano pasi kishte frikë se nuk do të luante përpara Zlatan Ibrahimovicit.

Suedezi humbi një muaj e gjysmë për shkak të një dëmtimi të muskujve, por në fillim të kësaj jave ai shënoi dy gola në ndeshjen e parë në Serie A që e nisi nga fillimi që nga nëntori.

39-vjeçari ka 13 gola në po aq paraqitje me “Rossonerët” deri më tani këtë sezon, duke u treguar i jashtëzakonshëm përkundër moshës.

Milani përfundimisht nënshkroi me ish-sulmuesin e Juventusit, Mario Mandzukic për të mbështetur suedezin në fazën e sulmit.

Up Next

Vazhdojnë lajmet e këqija për Realin, lëndohet ylli i skuadrës

Don't Miss

Zidane infektohet me virusin COVID-19

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

17 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

2 days ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

2 days ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L