Aktualitet

Johnson zotohet për rimëkëmbjen e ekonomisë britanike

Johnson u shpreh se vendi është në rrugën e një “drejtimi të ri”, ku sipas tij do të ketë “paga të larta.

Published

on

Kryeministri britanik, Boris Johnson, u zotua se do të nisë një ndryshim të ri të drejtimit “që ka vonuar prej kohësh në ekonominë e Britanisë së Madhe.

Duke folur në konferencën e Partisë Konservatore në Manchester, Johnson tha se vendi “nuk do të kthehet në të njëjtin model të vjetër të prishur, me paga të ulëta, rritje të ulët, aftësi të ulëta dhe produktivitet të ulët, të gjitha të mundësuara dhe të ndihmuara nga emigracioni i pakontrolluar”.

“Përgjigja ndaj streseve dhe tendosjeve të tanishme, të cilat janë kryesisht një funksion i rritjes dhe ringjalljes ekonomike, nuk është të arrihet niveli i njëjtë i vjetër i migrimit të pakontrolluar për t’i mbajtur pagat e ulëta”, tha ai.

Johnson u shpreh se Britania e Madhe është në rrugën e një “drejtimi të ri”, ku sipas tij do të ketë “paga të larta, aftësi të larta, produktivitet të lartë dhe ekonomi me taksa të ulëta”.

“Përgjigja është të kontrollosh emigracionin për të lejuar njerëzit me talent që të vijnë në këtë vend, por jo për të përdorur imigrimin si një justifikim për dështimin për të investuar në njerëz, në aftësi dhe në pajisjet ose makineritë që ata kanë nevojë për të bërë punën e tyre”, theksoi Johnson.

Johnson tha se Mbretëria e Bashkuar ka “një nga shoqëritë më të çekuilibruara dhe ekonomitë e gabuara të të gjitha vendeve më të pasura”.

“Nuk është vetëm se ekziston një hendek midis Londrës dhe Juglindjes dhe pjesës tjetër të vendit, ka boshllëqe të dhimbshme brenda vetë rajoneve”, tha ai, duke shtuar se nuk ka “asnjë arsye pse banorët e një pjese të vendit duhet të përcaktohet gjeografikisht për të qenë më të varfër se të tjerët”.

Ai gjithashtu tha se nivelimi “punëve për të gjithë vendin” është një “politikë e drejtë dhe e përgjegjshme”.

“Kjo ndihmon për të hequr presionin nga pjesët e mbinxehjes në juglindje, ndërsa njëkohësisht ofron shpresë dhe mundësi për ato zona që janë ndjerë nuk janë lënë pas dore”, tha Johnson.

Financat publike

Kryeministri britanik tha se ka një “vrimë të madhe” në financat publike për shkak të pandemisë së koronavirusit.

“Ne kemi shpenzuar 407 miliardë funte për mbështetje nga COVID dhe borxhi ynë tani është mbi 2 trilionë funte”, shtoi ai.

Duke folur për listën e pritjes të shërbimit shëndetësor kombëtar të shkaktuar nga pandemia, ai tha: “Listat e pritjes pothuajse me siguri do të rriten para se të shënojë ulje”, duke vënë në dukje se qeveria e tij do të krijojë fonde për të zgjidhur këtë problem.

“Mund t’ju them diçka: (Ish-kryeministrja) Margaret Thatcher nuk do ta kishte injoruar këtë meteorit që sapo ka rënë mbi financat publike. Ajo do të kishte tundur gishtin dhe do të thoshte se më shumë huamarrje tani nënkuptojnë norma më të larta interesi dhe taksa akoma më të larta më vonë”, theksoi Johnson.

Krimi

Duke folur gjithashtu për krimin në vend, Johnson tha se nivelimi nënkupton gjithashtu luftimin e krimit, vënien në lëvizje të më shumë policëve, ashpërsimin e dënimeve dhe luftimin e rrjeteve të drogës.

“Dekriminalizimi i drogave të fuqishme, lirimi i gangsterëve me kusht. Një përgjigje që vjen drejtpërdrejt nga ‘dhomat e pluhurit’ nga darkat në Londrën veriore dhe nuk ka të bëjë me nevojat reale të këtij vendi”, u shpreh ai.

Kryeministri më pas tha se shkalla e krimit ka rënë, duke thënë në shaka se “kjo nuk është vetëm për shkak të masave paraprake të mbylljes” shkaku i koronavirusit.

Rrjedha e migrimit nga Afganistani

Johnson u tha delegatëve konservatorë se ai është nipi i dikujt që iku nga Turqia në Mbretërinë e Bashkuar për të qenë i sigurt, duke iu referuar stërgjyshit të tij Ali Kemal, një ministër osman që u arratis në Britaninë e Madhe.

Johnson tha se Mbretëria e Bashkuar do të mirëpresë refugjatët nga Afganistani pasi qeveria është zotuar të pranojë 20.000 refugjatë nga vendi, por gjithashtu u zotua se do të luftojë trafikimin e qenieve njerëzore. /os/atsh/

Aktualitet

Nga inteligjenca artificiale te bujqësia: Hajrizi tregon pse UBT-ja është zgjedhja kryesore e studentëve

Published

on

Rektori i UBT-së, Prof. Dr. Edmond Hajrizi, ka thënë se arsyeja kryesore pse studentët zgjedhin të studiojnë në këtë institucion është qasja moderne dhe programet inovative që ofrohen.

Në një intervistë në FIVE të Dukagjinit, Hajrizi ka theksuar se UBT dallon nga universitetet e tjera për shkak të orientimit drejt së ardhmes dhe temave bashkëkohore, si Inteligjenca Artificiale.

Sipas tij, një element tjetër që i tërheq studentët është mënyra ndërmarrësore e funksionimit të UBT-së, e cila, duke qenë e vetëfinancuar, ka si obligim që çdo student të arrijë sukses.

“Mendoj që qasja e re, ne kemi programe të reja dhe moderne. Dhe janë programe të së ardhmes, nuk e kemi asnjë old fashion në program. Kjo është tema kryesore që asnjëherë nuk ke pas një tematik që ne e trajtojmë për të kaluarën, por flasim Inteligjencës Artificiale. Apo flasim sot për IA, po, cili është universiteti më i mirë në regjion për IA? Dihet. Ose po flet për zhvillim të qëndrueshëm, dihet kush tregon rolin. Po flet për mjekësi, dihet kush. Po flet për energji, bujqësi.

Domethënë thjesht jemi duke garuar për t’i ofruar ato kompetenca të cilat atij i duhen. Jemi shumë aktivë me qenë shumë të kujdesshëm në suksesin e tij. Se ne vetëfinancohemi, ne jemi një qasje ndërmarrësore, e kemi obligim atë me ngrit deri te suksesi. Ai e ndjen atë mbështetje. E ndjenë atë cilësi e infrastrukturë. E ndjenë atë ndërkombëtarizmin dhe vjen”, ka thënë Hajrizi.

Continue Reading

Aktualitet

Fillon fushata sensibilizuese kundër kancerit të gjirit

Published

on

Me rastin e fillimit të Muajit të Ndërgjegjësimit Kundër Kancerit të Gjirit, Ministria e Shëndetësisë në bashkëpunim me Institutin Kombëtar të Shëndetësisë Publike të Kosovës fillon fushatën sensibilizuese kundër Kancerit të Gjirit.

Në këtë ngjarje do të marrin pjesë Kryeministri në detyrë i Republikës së Kosovës, Albin Kurti, ministri në detyrë i Shëndetësisë, Arben Vitia, përfaqësues të shoqërisë civile dhe profesionistë shëndetësorë.

“Mamografia është metoda më e rëndësishme diagnostikuese për zbulimin e hershëm të kancerit të gjirit. Si një ekzaminim radiologjik, ajo mundëson identifikimin e ndryshimeve shumë të vogla në indin e gjirit, shpesh para se këto të jenë të dukshme klinikisht. Zbulimi i hershëm ka rëndësi thelbësore, pasi rrit ndjeshëm mundësinë e trajtimit efektiv dhe ul vdekshmërinë nga kjo sëmundje. Mamografia rekomandohet si mjet skriningu për gratë mbi 40 vjeç, ose më herët për ato me faktorë rreziku, duke qenë një procedurë të thjeshtë, të shpejtë dhe të sigurt për ruajtjen e shëndetit të grave. Gjatë këtij muaji, Mamografi Mobil do të jetë në qytetet e parashikuara në kalendar, sipas datave të specifikuara, nga ora 10:00 deri në 16:00”, thuhet në njoftim të MSH-së.

Me rastin e fillimit të Muajit të Ndërgjegjësimit Kundër Kancerit të Gjirit, Ministria e Shëndetësisë njofton se nga data 1 deri më 31 tetor 2025, Mamografi Mobil do të jetë në qytetet e Kosovës./S.K/EO/

Continue Reading

Aktualitet

​”Paketa e Maleve”, Elbasani miraton 4 zona të reja zhvillimi

Published

on

Këshilli Bashkiak i Elbasanit aprovoi shpalljen e 4 zonave malore prioritare për zhvillim si pjesë e nismës qeveritare “Paketa e Maleve”, për të nxitur zhvillimin ekonomik dhe investimet në zonat malore të Shqipërisë.

Ky vendim bazohet në ligjin “Për Paketën e Maleve” si dhe në udhëzimet përkatëse të miratuara nga Ministria e Pushtetit Vendor, duke synuar nxitjen e zhvillimit të qëndrueshëm, turizmit rural e natyror.

Kryetari i Bashkisë Elbasan, Gledian Llatja, tha se zonat e përzgjedhura janë njësitë administrative Gjinar, Funar, Tregan dhe Shushicë të cilat përbëjnë një potencial të rëndësishëm ekonomik, turistik e mjedisor për qytetin dhe rajonin.

Ai u shpreh se prioritet mbetet zhvillimi i qëndrueshëm dhe shfrytëzimi i burimeve natyrore në shërbim të qytetarëve dhe rajonit.

“Elbasani ka gjithçka për t’u kthyer në një destinacion të rëndësishëm turistik, dhe ne po i hapim rrugë këtij zhvillimi”, tha Llatja.

Gjinari, i njohur si “xhevahiri natyror” i Elbasanit, ofron potencial për zhvillimin e turizmit malor, ekoturizmit dhe përpunimit të bimëve mjekësore.

Funari, me pyjet e pasura dhe liqenet e tij natyrale, shihet si një destinacion i ardhshëm për turizëm kulturor, rural dhe sporte e aventurës.

Ndërsa Tregani, me ujërat termale, mbetet një atraksion i veçantë për turizmin shëndetësor e relaksues dhe aktualisht është zona më e frekuentuar e Elbasanit me mbi 9 mijë vizitorë çdo vit.

Ndërsa Shushica, vetëm pak kilometra nga qyteti, konsiderohet një zonë me potencial për turizëm familjar, bujqësi dhe kulinari tradicionale.

Sipas të dhënave zyrtare, deri në fillim të gushtit në qarkun e Elbasant ka pasur 348 aplikime. Aplikimet mbeten të hapura deri në fund të vitit 2025, ndërsa 500 aplikantët e parë do të përfitojnë lehtësira fiskale për 10-vjet, thuhet në njoftim./S.K/KP/ElbasaniNews/

Continue Reading

Aktualitet

Ali Ahmeti nderohet me titullin “Doctor Honoris Causa” nga Universiteti Europian i Tiranës

Published

on

Kryetari i BDI-së, Ali Ahmeti ka pranuar titullin “Doctor Honoris Causa” nga Universiteti Europian i Tiranës.

Përmes rrjeteve sociale, Ahmeti tha se ky vlerësim lidhet ngushtë me rrugëtimin e përbashkët për sigurimin e të drejtave të shqiptarëve, ndërtimin e paqes dhe përparimin drejt integrimit euroatlantik të Maqedonisë së Veriut.

“Sot pata nderin e veçantë të pranoj titullin “Doctor Honoris Causa” nga Universiteti Europian i Tiranës. Ky vlerësim lidhet ngushtë me rrugëtimin tonë të përbashkët për sigurimin e të drejtave të shqiptarëve, ndërtimin e paqes dhe përparimin drejt integrimit euroatlantik të Maqedonisë së Veriut”, ka shkruar Ahmeti.

Ahmeti u shpreh mirënjohës për këtë nderim duke thënë se ky çmim nuk i përket vetëm atij por të gjithë atyre që kanë ndarë të njëjtën rrugë, sakrificë dhe përpjekje.

“Ky çmim nuk është vetëm për mua, por për të gjithë ju, për çdo sakrificë, çdo përpjekje dhe çdo hap që kemi bërë së bashku në këtë rrugë të gjatë.Jam mirënjohës për këtë nderim dhe i vendosur që të vazhdojmë punën për çështjen kombëtare dhe për të ardhmen evropiane të vendit tonë”, shkruan ai.

“Doctor Honoris Causa” është një titull nderi i lartë akademik që një universitet i jep një individi për arritje të jashtëzakonshme në një fushë të caktuar, për të nderuar kontributin ose ndikimin e madh të një personi./S.K/KP/

 

Continue Reading

Të kërkuara