Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/

Akil Gjakova ka shënuar fitore në Grand Slamin në Abu Dabi.

Ai në xhiron e tretë e mposhti bartësin e parë dhe nënkampionin në fuqi të botës, Makhmadbek Makhmadbekovin.

Ndaj tij dominoi prej fillimit, ndërsa fitoi me “Ippon” të bukur në kohën shtesë.

Është kjo fitorja më e madhe e Akilit në vitin e fundit. Ai po garon në kategorinë deri 73 kilogramë, dhe po duket në ditë të mirë. /D.L/

Interi dhe Milani kanë zbuluar projektin e përbashkët për stadiumin e ri, i cili do të ndërtohet në zonën e San Siros. Gjatë prezantimit, arkitekti i njohur David Manica ka deklaruar se arena e re, e cila do të mbajë emrin “Generali Stadium”, është konceptuar për të ruajtur shpirtin dhe atmosferën e stadiumit legjendar, duke siguruar një përvojë edhe më afër fushës për tifozët.

Impianti i ri do të ketë një kapacitet prej rreth 71,500 ulësesh, ndërsa tribunat tradicionale të tifozëve më të zjarrtë, të njohura si “Curva”, do të kenë nga 11,700 vende secila. Projekti, në të cilin janë angazhuar edhe studio të njohura si ajo e Norman Foster dhe David Manica, parashikon ndërtimin e stadiumit në hapësirën që aktualisht shërben si parking, pas marrëveshjes së blerjes së tokës nga dy klubet në nëntor të vitit 2025.

Përveç tribunave afër fushës dhe hapësirave premium, stadiumi i ri do të dallohet edhe për nga aspekti i qëndrueshmërisë mjedisore, ku kulmi i tij do të mbulohet me 27,500 metra katrorë panele diellore. Kjo nismë vjen pak ditë para derbit të madh të qytetit, duke shënuar një hap të rëndësishëm drejt modernizimit të infrastrukturës së dy klubeve italiane. /Tutosport/

Liverpooli ka shprehur vendosmëri të plotë për të mos lejuar largimin e talentit të tij, Rio Ngumoha, pavarësisht interesimit të madh nga Bayern Munichu. Sipas raportimeve nga gazetari i The Telegraph, Sam Dean, gjiganti gjerman ishte i gatshëm të ofronte rreth 60 milionë funte për shërbimet e futbollistit.

Klubi anglez ka refuzuar çdo mundësi për hapjen e negociatave, duke e konsideruar Ngumohan si një pjesë kyçe të projektit të tij afatgjatë. Paraqitjet e tij kanë tërhequr vëmendjen e disa prej klubeve më të mëdha evropiane, por Liverpooli po punon për t’i blinduar shërbimet e tij.

Aktualisht, përfaqësuesit e lojtarit janë në bisedime me drejtuesit e klubit nga “Anfield” për nënshkrimin e një kontrate të re. Kjo marrëveshje do të pasqyronte statusin e tij në rritje dhe do t’i mbyllte përfundimisht dyert për interesimin nga skuadrat e tjera.

/D.L/