Lajmet

“Jo vaksinë, jo shërbim”, në Florida, mbyllen baret e restorantet për të pavaksinuarit

Published

4 years ago

August 9, 2021

Betim Gashi

“Patrons of Martha”, një restorant në Filadelfia, duket se e kanë gjetur zgjidhjen për të mos lejuar përhapjen e covidit në ambientet e saj, duke aplikuar politikën më të re: “Jo vaksinë, jo shërbim”.

Në hyrje të restorantit, menaxheri kërkon nga çdo klient, pasaportën e vaksinimit, me kartën e identitetit, për të qenë të sigurt, që janë vaksinuar dhe nuk përbëjnë rrezik, për stafin, por edhe për klientët e tjerë.

Ky vendim, që po ndiqet kudo edhe në Florida, kryesisht në bare restorante, si dhe klube nate, ka nxitur debat mes vendasve.

Eksperti i sëmundjeve infektive, Anthony Fauci edhe njëherë përsërit thirrjen për vaksinim, duke paralajmëruar jo vetëm një valë më të ashpër të pandemisë në vjeshtë, por edhe variante të reja, më të forta.

“Në qoftë se i jepni virusit mundësinë që të vazhdojë të ndryshojë, atëherë mund të infektohesh me një variant më të rëndë, që do të prekë jo vetëm të pavaksinuarit, por edhe të vaksinuarit. Ka pasur studime të qarta kohët e fundit që tregojnë se në qoftë se jeni me covid, jeni të mbrojtur. Por kur variante të reja të pikasen, atëherë mund të riinfektoheni. Studimet e fundit tregojnë se në qoftë se infektoheni, shëroheni dhe merrni së paku një dozë vaksinë, jeni dyfish të mbrojtur. Vetëm të vaksinuar, do të jeni më të mbrojtur ndaj varianteve të reja. Kjo është arsyeja përse ne fuqimisht rekomandojmë vaksinën”, deklaroi Fauci.

Shtetet e Bashkuara kanë raportuar mbi 100 mijë raste të reja ditore, këtë fundjavë, niveli më i lartë në 6 muajt e fundit. Thuajse 400 vetë kanë humbur jetën në 24 orë, ndërsa shtrimet në spitale janë në nivelin më të lartë që nga muaji shkurt. Epiqendër e shpërthimit të virusit raportohet të jetë pikërisht Florida, me thuajse 40 mijë raste vetëm këtë fundjavë./A2

Lajmet

Ekstradohen nga Gjermania dhe Franca dy persona të kërkuar nga Kosova

Published

20 seconds ago

December 24, 2025

UBTnews

Dy persona të kërkuar me urdhërarrest ndërkombëtar janë ekstraduar për në Kosovë, në kuadër të bashkëpunimit ndërkombëtar policor.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, më 23 dhjetor 2025 ka realizuar ekstradimin e dy shtetasve kosovarë, L.V. (1990) dhe A.M. (1991). Njëri prej tyre është ekstraduar nga Gjermania, ndërsa tjetri nga Franca.

Sipas njoftimit zyrtar, ekstradimi është bërë falë bashkëpunimit të ngushtë me autoritetet e këtyre dy shteteve. Të dyshuarit ishin arrestuar nga autoritetet gjermane dhe franceze, pasi kërkoheshin me urdhërarrest ndërkombëtar të lëshuar nga institucionet e drejtësisë së Republikës së Kosovës.
Të njëjtit dyshohen se kanë qenë të përfshirë në vepra penale të ndara dhe se i janë shmangur drejtësisë.

Pas ekstradimit, ata u janë dorëzuar njësive përkatëse të Policisë së Kosovës në rajonin e Prishtinës, përkatësisht atë të Gjilanit, për vazhdimin e procedurave të mëtejme ligjore.

Lajmet

Punëtorët e KEK-ut në protestë, kërkojnë rritje pagash

Published

10 minutes ago

December 24, 2025

UBTnews

Sindikatа e Re e Korporatës Energjetike të Kosovës (SRKEK) sot po organizon një protestë paqësore me punëtorët e KEK-ut, para zyrave qendrore të ndërmarrjes në sheshin “Nëna Terezë” në Prishtinë.

Kjo protestë po mbahet si reagim ndaj kërkesës për rritje pagash, ku punëtorët kërkojnë trajtim më të drejtë dhe përmirësim të kushteve ekonomike në përputhje me përgjegjësitë dhe rrezikun e punës së tyre. Protesta po vazhdon, e cila ka nis nga ora 11:00.

Lajmet

Energjia gjatë sezonit të dimrit, KOSTT mban konferencë për media

Published

58 minutes ago

December 24, 2025

UBTnews

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Lajmet

Arb Manaj lojtari më i vlefshëm në Superligë, i afrohet vlerës së milionëshit

Published

1 hour ago

December 24, 2025

UBT News

Sulmuesi i Dritës, Arb Manaj të dielën e kaluar e fitoi “Topin e Artë” në futbollin e Kosovës, si futbollisti më i mirë i Superligës, i cili iu dha nga Federata e Futbollit e Kosovës.

Manaj tashmë është edhe futbollisti më i vlefshëm i Superligës së Kosovës, së bashku me futbollistin e Ballkanit, Giovannin.

Sipas “Transfermarkt”, dy lojtarët vlerësohen me 800 mijë euro, me Manajn që me përditësimin e fundit ka arritur këtë shifër dhe është vendosur si i pari në listë.

Manaj këtë sezon ka shënuar tre gola në Superligën e Kosovës, teksa dy të tillë i ka shënuar në Ligën e Konferencës, në fazën e ligës.

Top 5-shen e futbollistëve më të vlefshëm e mbyllin Muhamet Hyseni (650 mijë euro), Senad Jarovic (600 mijë euro) dhe Raddy Ovouka (600 mijë euro)./S.K/EO/