

Lajmet
“Ji falenderues” – Fjalimi motivues i Keanu Reeves
Fjalimi ka qëllim që të jeni mirënjohës ndaj kujtdo që ju ka ndihmuar në jetën tuaj.
Published
4 years agoon
By
UBT newsMë poshtë do të mund të lexoni fjalimin e Keanu Reeves në “TLC Chinese Theatre” me titullin: “Ji falenderues”.
Është një ndër fjalimet më të bukur, i cili do t’ju motivojë pamasë për të qenë falenderues dhe mirënjohës ndaj kujtdo që ju ka ndihmuar në jetën tuaj.
“Është një nder i madh të jem këtu mes jush, në këtë vend historik dhe magjik. Arsyeja se pse unë ndodhem në këtë festival, është sepse punoj me artistë kaq të mëdhenj, sa jeni të gjithë ju këtu. Dhe nuk do të isha këtu, nëse nuk do të punoja me artistë kaq punëtorë, kaq të talentuar dhe kaq humanë sa ju.
Unë kam qenë pjesë e disa filmave, të cilat ju i keni vlerësuar, ndërkohë që mua ma kanë ndryshuar jetën totalisht. Jam falenderues ndaj të gjithë njerëzve që i kanë pëlqyer filmat e mi. Pa mbështetjen tuaj, unë nuk do të isha këtu.
E nisa rrugën time të aktrimit, kur isha 15 vjeç në Toronto, Kanada. Dua ta falenderoj nënën time, pasi kur e pyesja nëse është ok që unë të vazhdoj për aktor, ajo më thoshte gjithmonë: “Bëj çfarë të duash zemër, është jeta jote dhe mund ta jetosh si të duash”.
Kështu që, me makinën time të parë, kur isha 18 vjeç, udhëtova drejt Los Angeles në Kaliforni. Kisha vetëm një ëndërr, që bësoj e kanë pasur të gjithë artistët në fillimin e karrierës së tyre. Doja të isha nëpër foto, nëpër postera, nëpër filma, seriale, kinema. Doja të isha i njohur për artin tim. I doja dhe i dua filmat, t’i shoh dhe t’i realizoj vetë. Kjo ishte ajo që më nxiti më shumë të luftoja për karrierën time si aktor.
Sigurisht që në rrugëtimin tim, kam pasur plot njerëz që më kanë ndihmuar pamasë. Isha i ri dhe ka pasur kaq shumë persona që më kanë mbështetur pamasë. Lista është aq e gjatë, saqë unë i falenderoj të gjithë pa i përmendur, pasi jam i sigurtë se do harroj ndonjë prej tyre. Të njëjtën gjë dua t’jua kërkoj të gjithë juve. Ndoshta nuk do ta keni mundësinë të mbani fjalime përpara një publiku kaq të gjerë, siç po mbaj unë fjalim përpara jush. Por të gjithë e kemi mundësinë t’i falenderojmë personat e rëndësishëm, qoftë edhe në një takim, në një kafe me ta.
Falenderojini të gjithë ata që ju kanë ndihmuar, që ju kanë mbështetur, që ju janë gjendur pranë. Ju nuk e keni idenë sa shumë e ngroh zemrën një falenderim i sinqertë dhe i papritur. Falenderimi im për ju është shumë i përgjithësuar, por imagjinoni pak sa shumë do e gëzoni dikë të veçantë duke e falenderuar specifikisht për çfarë ka bërë për ju. Jo vetëm që ai person do e kuptojë se i jeni mirënjohës, por do të bindet se dhe ai ju ka ju si shtylla të rëndësishme mbështetjeje në jetë.
Falenderoni pa ndrojtje! Lumturojini ata që ia vlejnë për ju. Jo gjithçka ka lidhje me anën materiale, fjalët janë më të rëndësishme se gjërat e blera me lekë e që një ditë do të prishen.
Faleminderit të gjithëve!”/bota.al
You may like
Aktualitet
Lidership, strategji dhe politika publike në një program të vetëm në Master në UBT
Published
20 hours agoon
August 23, 2025By
Driton Iseni
Aftësimin analitik në bërjen e politikave publike dhe përgatitjen tuaj në rolet e lidershipit në rrafshin kombëtar dhe ndërkombëtar për një karrierë të bujshme, ua bën të mundur UBT përmes programit të nivelit master, Politika Publike dhe Menaxhim.
Ky program studimi iu ofron të gjitha mundësitë për të përmbushur synimet tuaja në vlerësimin e opsioneve dhe politikave për shërbimet publike, duke ndërthurur analizën e politikave publike, menaxhimin e financave publike, teknologjinë e informacionit, zhvillimin e lidershipit, menaxhimin e burimeve njerëzore dhe analizimin e të dhënave.
Studentët e nivelit master të programit Politika Publike dhe Menaxhim në UBT, do të kenë mundësi të përfitojnë praktikat më të njohura ndërkombëtare nga ekspertët dhe profesionistët më të mirë që ka vendi nga kjo fushë, e që gjenden në UBT.

Sekretari i përgjithshëm i NATO-s Mark Rutte ka siguruar presidentin Volodomyr Zelensky se Aleanca Veri-Atlantike do të vazhdojë të mbështesë Kievin zyrtar në përballje me agresionin ushtarak rus.
Ai në një konferencë për media në Kiev me presidentin e Ukrainës theksoi se ndihma e NATO-së do të vazhdojë të rritet.
“Tri vjet e gjysmë pas pushtimit në shkallë të plotë të Rusisë, Ukraina vazhdon të qëndrojë e fortë. Dhe miqtë dhe partnerët tuaj në NATO vazhdojnë të qëndrojnë me ju. Mbështetja jonë është e palëkundur dhe vazhdon të rritet. Përfshirë, siç thatë edhe ju, përmes Listës së re të Kërkesave me Prioritet për Ukrainën- PURL- që mbështet një rrjedhë të rëndësishme të armëve vdekjeprurëse amerikane në Ukrainë përmes financimit të ofruar nga Aleatët e NATO-s. Në më pak se një muaj, kjo tashmë ka nënkuptuar 1.5 miliardë dollarë shtesë në pajisje thelbësore, mbrojtje ajrore. Municione. Dhe më shumë. Paketa të mëtejshme do të pasojnë”, tha Rutte.
Ai shtoi se po punojnë së bashku në NSATU, komandën e NATO-s në Gjermani – për të siguruar që forcat ukrainase të kenë atë që u nevojitet.
Rutte ka folur edhe mbi takimin e së hënës në Uashington, së bashku me presidentin e SHBA-së dhe shumë udhëheqës evropianë, për të shfrytëzuar mundësinë për t’i dhënë fund kësaj lufte të tmerrshme dhe për të sjellë paqe dhe siguri pas kaq shumë vuajtjesh.
“Presidenti Trump e ka bërë këtë një përparësi – jo vetëm duke thyer bllokimin me Putin, por duke e bërë të qartë se Shtetet e Bashkuara do të përfshihen në ofrimin e garancive të sigurisë për Ukrainën. Garancitë e forta të sigurisë do të jenë thelbësore – dhe kjo është ajo që po punojmë tani për ta përcaktuar. Në mënyrë që kur të vijë koha që ju të hyni në atë takim dypalësh – të keni forcën e padyshimtë të miqve të Ukrainës pas jush. Duke siguruar që Rusia do të mbështesë çdo marrëveshje. Dhe kurrë, kurrë më nuk do të përpiqet të marrë një kilometër katror të Ukrainës”, tha Rutte.
Bota
Pekini kundërshton tarifat e SHBA-së për tarifat 50% ndaj Indisë
Published
2 days agoon
August 22, 2025By
UBT News
Ambasadori kinez në Indi, Xu Feihong, tha se Pekini kundërshton fuqimisht tarifat e larta të Uashingtonit ndaj Delhit dhe bëri thirrje për bashkëpunim më të madh midis Indisë dhe Kinës.
Xu e krahasoi SHBA-në me një ngacmues, duke thënë se ajo kishte përfituar prej kohësh nga tregtia e lirë, por tani po përdor tarifat si një “kartolinë negociuese” për të kërkuar çmime të tepruara nga vendet e tjera.
“SHBA-të kanë vendosur tarifa deri në 50% ndaj Indisë dhe madje kanë kërcënuar për më shumë. Kina e kundërshton fuqimisht këtë. Heshtja vetëm sa e trimëron ngacmuesin”, tha Xu të enjten, shkruan BBC.
Më parë këtë muaj, Trump vendosi një gjobë prej 25% ndaj Indisë, përveç tarifave prej 25% për blerjen e naftës dhe armëve nga Rusia. Shkalla e re do të hyjë në fuqi më 27 gusht.
Importet e shtuara të naftës së papërpunuar ruse të lirë nga Delhi që nga lufta në Ukrainë kanë shkaktuar një tendosje në lidhjet e saj me SHBA-në dhe kanë ndikuar në negociatat për një marrëveshje tregtare.
India ka mbrojtur blerjet e saj të naftës ruse, duke argumentuar se si një importuese e madhe e energjisë, duhet të blejë naftën më të lirë të disponueshme për të mbrojtur miliona indianë të varfër nga rritja e kostove. Ajo gjithashtu ka theksuar se administrata Biden i kishte thënë Indisë të blinte naftë ruse për të krijuar tregje botërore të energjisë.
Aktualitet
73 raste të dhunës në familje për një javë
Published
2 days agoon
August 22, 2025By
UBT News
Zyra për Mbrojtje dhe Ndihmë të Viktimave, që funksionon në kuadër të Zyrës së Kryeprokurorit të Shtetit, ka trajtuar gjithsej 78 raste të reja gjatë periudhës 15 – 22 gusht 2025, në të gjitha regjionet e Republikës së Kosovës.
Sipas të dhënave zyrtare, pjesa më e madhe e rasteve, konkretisht 73 kanë të bëjnë me dhunën në familje, duke reflektuar edhe njëherë përmasat shqetësuese të këtij fenomeni në shoqëri.
“Përveç rasteve të dhunës në familje, janë trajtuar edhe dy raste të dhunimit, një rast i ngacmimit seksual, një rast i sulmit seksual, një rast i lëndimit të lehtë trupor”, thuhet në njoftim.

Nuk dini çfarë të bëni në fundjavë? Ja disa sugjerime për ju!

Insta360 ka një kamerë të re aksioni Go Ultra

Një vit pas divorcit, ç’po ndodh me Jennifer Lopez?

Ekspertët tregojnë pse natyra e forcon përqendrimin

Zakoni i mëngjesit që ju ndihmon të reduktoni dhjamin rreth barkut

Zhvillohet pajisja e re me bazë diamanti që detekton më lehtë kancerin

Lidership, strategji dhe politika publike në një program të vetëm në Master në UBT

Taylor Swift nuk shkëlqen vetëm në skenë, Zoë Kravitz zbulon “dhuntinë e fshehtë” të saj

Nga Serie A te Liga e Kampionëve, Allegri zbulon objektivat e Milanit këtë sezon
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit