Aktualitet

Jeta në Mariupolin e Ukrainës pas rrethimit

Presidenti ukrainas, Volodymyr Zelensky, e ka përshkruar Mariupolin si të shkatërruar plotësisht

Published

on

Njerëzit kanë filluar të kthehen ngadalë në rrugët e qytetit jugor të Ukrainës, Mariupol, të goditur nga granatimet prej javësh nga forcat ruse dhe tashmë plotësisht nën kontrollin rus.

Të hënën, banorët vendas ngarkuan pajisjet elektrike nga gjeneratorët dhe shkëmbyen ushqim e rroba në tregje të improvizuara rrugore, ndërsa në një stacion bosh autobusi televizioni shtetëror rus shpërtheu nga një ekran gjigant i sjellë nga zyrtarët.

Lyuba, një ukrainase, e veshur me syze dielli dhe një kapele për ta mbrojtur nga dielli, tha se po karikonte telefonin e saj. Ajo kishte vendosur të mos largohej nga qyteti, ndonëse apartamenti i ishte dëmtuar.

Nuk ka energji elektrike, nuk ka ujë, gjërat janë vërtet të vështira, natyrisht“, tha ajo.

Një burrë i quajtur Nikolai tha se ai kishte ardhur gjithashtu për të karikuar telefonin e tij, pasi nuk kishte energji elektrike në stacionin e trenit ku ai jeton tani.

Disa banorë mund të shiheshin duke mbledhur produkte esenciale në kuti të zbukuruara me simbolin pro-rus ‘Z’. Të tjerë kishin ngritur tezgat e tyre për të shitur ose shkëmbyer produkte, përfshirë perime dhe këpucë. Një grua e cila nuk e dha emrin e saj, tha se pak produkte kishin mbetur pasi plaçkitjet e pllakosën qytetin.

Rusia kapi kontrollin e plotë të Mariupolit në fillim të këtij muaji, kur më shumë se dy mijë e 400 luftëtarë ukrainas që kishin qëndruar në këmbë u dorëzuan në fabrikën e çelikut të rrethuar Azovstal. Kapja e Mariupolit nga Moska e ndihmoi atë të siguronte kontrollin e plotë të bregdetit të Detit Azov dhe të krijonte një urë tokësore që lidh Rusinë kontinentale me Krimenë, të cilën e aneksoi nga Ukraina në vitin 2014.

Presidenti ukrainas, Volodymyr Zelensky, e ka përshkruar Mariupolin si të shkatërruar plotësisht, por Moska është zotuar ta rindërtojë atë.

Të dyja palët kanë akuzuar njëra-tjetrën për shënjestrimin e zonave të banuara dhe përfundimisht janë përgjegjës për blloqet e banesave të djegura, kryesisht të pabanueshme, që tani përbëjnë pjesën më të madhe të qytetit.

Rusia dërgoi dhjetëra mijëra trupa ushtarak në Ukrainë më 24 shkurt, në atë që ajo e quajti një operacion special për të çmilitarizuar fqinjin e saj jugor. /UBTNews/

Aktualitet

Regjistrohu tani në Gjuha Angleze në UBT dhe përfito bursë 20%

Published

on

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

on

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Aktualitet

U përurua çerdhja e re për 60 fëmijë në Fushë Kosovë

Published

on

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

on

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Të kërkuara