Lajmet

Jeni vazhdimisht të mavijosur? Ja pse po ju ndodh …

Published

5 years ago

on

Një plagë është një reflektim i një dëmtimi të vogël në enët e gjakut nën sipërfaqen e lëkurës, dhe nëse ndodh dëmtim, sasi më të vogla të gjakut mund të derdhen prej tyre, duke rezultuar në mavijosjet e njohura vjollcë-jeshile-të zeza.

Pse disa njerëz janë të prirë për mavijosje në duar, këmbë dhe pjesën tjetër të trupit?

Ju jeni një grua

“Nuk është e drejtë, por është e vërtetë: Gratë janë shumë më të lehta për të” fituar “mavijosje sesa burrat. Burrat kanë lëkurë më të trashë dhe më shumë kolagjen, i cili vepron si një mbrojtje më e mirë e enëve të gjakut nga dëmtimet”, tha Cory Fisher, një mjeke familjare pranë Klinikës Cleveland.

Mosha

Ndërsa plakemi, lëkura bëhet më e hollë dhe enët e gjakut bëhen më poroze, gjë që mund të shkaktojë mavijosje që nuk i prisnim. Ndërsa lëkura hollohet, kështu zvogëlohet kolagjeni dhe yndyra që mbronin enët e gjakut. Enët e gjakut gjithashtu humbin elasticitetin, kështu që dëmtohen më lehtë.

Përdorni ilaçe për hollimin e gjakut

“Këto barna përdoren për të trajtuar aritmitë dhe mpiksjen e gjakut, dhe ky është një shpjegim i thjeshtë për mavijosjet e pashpjegueshme”, shpjegon Fisher, e cila vëren se barnat e tjerë që kanë të njëjtin efekt, të tilla si aspirina ose ibuprofen, gjithashtu mund të jenë shkaku.

Merrni ilaçe kundër depresionit

Disa nga studimet kanë provuar se ilaçet e përdorura për të trajtuar depresionin dhe çrregullime të ngjashme mund të ndikojnë në procesin e mpiksjes së gjakut, thotë Fisher.

Mungesa e vitaminave

Mangësitë e vitaminës C dhe K mund të shkaktojnë mavijosje të papritur, por nëse jetoni në një zonë ku hahen ushqime cilësore, të rritura organikisht, nuk jeni në këtë grup njerëzish.

Mavijosje, ndjesi shpimi gjilpërash, dhimbje barku … Simptoma të thjeshta që ju paralajmërojnë të shihni një mjek.

Related Topics:
Continue Reading

lajme

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

1 hour ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Lajmet

Kuvendi ratifikon me 81 vota marrëveshjen me Suedinë për transferimin e të dënuarve

Published

2 hours ago

on

November 13, 2026

By

Kuvendi i Kosovës ka miratuar me 81 vota për, asnjë kundër dhe asnjë abstenim, Projektligjin për Ratifikimin e Marrëveshjes ndërmjet Republikës së Kosovës dhe Mbretërisë së Suedisë për Transferimin e Personave të Dënuar.
Gjatë prezantimit të projektligjit para deputetëve, ministrja e Drejtësisë, Donika Gërvalla, theksoi se marrëveshje të tilla përbëjnë një hap të rëndësishëm në bashkëpunimin evropian dhe forcimin e kapaciteteve shtetërore për zbatimin efektiv të ligjit.
Ajo sqaroi se, meqë marrëveshja ndërlidhet me të drejtat dhe liritë themelore të njeriut, ratifikimi i saj nga Kuvendi është i domosdoshëm në bazë të nenit 18 të Kushtetutës.
Përkrahje për këtë marrëveshje ndërkombëtare kanë dhënë edhe grupet parlamentare opozitare, përfshirë PDK-në, LDK-në dhe AAK-në, duke mundësuar kalimin e saj me konsensus të plotë në seancën plenare. /E.A/

Continue Reading

lajme

Shtyhet sërish seanca ndaj Xhevat Krasniqit, mungojnë prokurori dhe e dëmtuara

Published

3 hours ago

on

November 13, 2026

By

Ka dështuar të mbahet seanca fillestare në rastin e ish-profesorit të Universitetit të Prishtinës, Xhevat Krasniqi, i akuzuar për ngacmim seksual ndaj studenteve të Fakultetit të Mjekësisë. Seanca e radhës është caktuar për datën 24 dhjetor, në orën 09:30.

Gjykatësi i rastit, Bujar Ahmeti, ka bërë të ditur se shkak për shtyrjen ka qenë mungesa e prokurorit të Shtetit, e cila nuk ishte e arsyetuar, si dhe mungesa e njërës prej të dëmtuarave, Donika Veseli. Sipas tij, në mungesë të palëve kryesore, nuk ishin plotësuar kushtet ligjore për zhvillimin e seancës.

Kjo shënon vonesën e radhës në këtë proces gjyqësor, pasi më parë janë shtyrë edhe nëntë seanca të tjera të planifikuara gjatë muajve shtator dhe tetor, për shkak të kërkesave të ndryshme të palëve në procedurë.

Krasniqi ishte denoncuar nga 27 studente të Fakultetit të Mjekësisë për ngacmim seksual. Sipas aktakuzës së Prokurorisë së Prishtinës, ngacmimet e pretenduara kanë ndodhur përgjatë periudhës janar 2022 – dhjetor 2023, brenda hapësirave të Fakultetit të Mjekësisë.

Prokuroria pretendon se profesori Krasniqi është përfshirë në sjellje joverbale joetike të natyrës së ngacmimit seksual, me qëllim cenimin e dinjitetit të studenteve, duke shfrytëzuar pozitën e tij si profesor universitar. Në aktakuzë janë listuar katër të dëmtuara.

Krasniqi aktualisht ndodhet nën masën e pezullimit nga puna në Universitetin e Prishtinës, me vendim të rektorit Arben Hajrullahu, deri në përfundimin e hetimeve nga Prokuroria. /Ekonomia Online/

Continue Reading

Lajmet

Rrahje mes katër personave në Vushtrri: Arrestohen dy të dyshuar, dy të tjerë në arrati

Published

3 hours ago

on

November 13, 2026

By

Dy persona janë arrestuar nga Policia e Kosovës në Vushtrri nën dyshimin për përfshirje në veprat penale “Sulm” dhe “Asgjësim apo dëmtim i pasurisë së luajtshme”, pas një rrahjeje mes katër personave të ndodhur në rrugën “Ismajl Qemali”.

Sipas njoftimit zyrtar të policisë, njësitë policore kanë ndërhyrë në vendin e ngjarjes ku kanë arritur të ndalojnë dy prej të dyshuarve, ndërsa dy të tjerët janë larguar në drejtim të panjohur.

Pas ofrimit të tretmanit mjekësor dhe intervistimit në stacionin policor, me vendim të prokurorit kompetent, dy të arrestuarve u është caktuar masa e ndalimit policor prej 48 orësh. Ndërkohë, policia bën të ditur se ka identifikuar edhe dy personat e arratisur dhe të njëjtit ndodhen në kërkim policor. /E.A/

Continue Reading

Të kërkuara