

Teknologji
Jeff Bezos do të shkojë në hapësirë në fluturimin e parë të raketave me ekuipazh
Published
4 years agoon
By
Betim GashiJeff Bezos do të fluturojë në hapësirë në fluturimin e parë me ekuipazh të New Shepard, anija me raketa e bërë nga kompania e tij hapësinore, Blue Origin. Fluturimi është planifikuar për në 20 korrik, vetëm 15 ditë pasi ai është vendosur të japë dorëheqjen si CEO i Amazon.
Blue Origin tha se vëllai i vogël i Bezos, Mark Bezos, gjithashtu do të i’u bashkohet me fluturimin.
“Që kur isha pesë vjeç, kam ëndërruar të udhëtoj në hapësirë“, tha Bezos, 57, në një postim të hënën në mëngjes në Instagram. “Më 20 korrik, unë do të bëj atë udhëtim me vëllain tim. Aventura më e madhe, me mikun tim më të mirë“.
Nëse gjithçka shkon sipas planit, Bezos – personi më i pasur në botë – do të jetë i pari nga manjatët miliarderë që do të përjetojë një udhëtim në teknologjinë e raketave që ai ka shpenzuar miliona në zhvillimin.

Fluturimi me ekuipazh i Blue Origin do të shohë kapsulën gjashtë vendëshe të kompanisë dhe fluturimi 11 minutësh do të arrijë më shumë se 60 milje mbi Tokë. Pas gjashtë vitesh provë të gjerë dhe shpesh sekrete të raketës dhe kapsulës, të quajtur New Shepard, Blue Origin njoftoi në maj se po përgatitej të vendoste pasagjerët e parë.
Blue Origin u themelua nga Bezos në vitin 2000, dhe kompania kreu fluturime të shumta provë pa askënd në bord në pjesën rurale Teksas, rreth 70 milje larg Marfa.

Blue Origin gjithashtu shpresonte të përfshihej në planin e NASA-s për t’i kthyer njerëzit në hënë deri në vitin 2024, megjithëse kjo u arrit nga SpaceX që do të bëjë transferimin e astronautëve nga orbita e hënës poshtë në sipërfaqe.
Bezos e ka quajtur Blue Origin “punën më të rëndësishme që po bën”, megjithëse ai nuk ka qenë më parë i hapur nëse personalisht do të dëshironte të udhëtonte në hapësirë./UBTNews
Teknologji
OpenAI gjeneron mbi 4 miliardë dollarë të ardhura në gjysmën e parë të 2025-ës
Published
46 minutes agoon
September 30, 2025By
UBT News
OpenAI gjeneroi rreth 4.3 miliardë dollarë të ardhura në gjysmën e parë të vitit 2025 – një rritje prej afro 16% krahasuar me të gjithë vitin e kaluar, raportoi të hënën The Information, duke cituar dokumente financiare të shpërndara aksionarëve.
Sipas raportit, kompania ka shpenzuar rreth 2.5 miliardë dollarë gjatë kësaj periudhe, kryesisht për kërkime dhe zhvillim të inteligjencës artificiale dhe për operimin e platformës ChatGPT.
Në gusht, Reuters njoftoi se OpenAI ishte në bisedime të hershme për një raund të ri shitjeje aksionesh, i cili do t’u mundësonte punonjësve të likuidonin pjesë të aksioneve të tyre, një marrëveshje që mund ta vlerësojë kompaninë deri në 500 miliardë dollarë.
Ndërkohë, Nvidia njoftoi javën e kaluar se planifikon të investojë deri në 100 miliardë dollarë në OpenAI dhe do ta furnizojë atë me çipa të fuqishëm për qendrat e të dhënave. /A.Z/UBT News/
Magazinë
Tilly Norwood – Aktorja e krijuar nga Inteligjenca Artificiale që po trondit Hollivudin
Published
6 hours agoon
September 30, 2025By
UBT News
Inteligjenca artificiale ka depërtuar në shumë industri, dhe kinemaja nuk bën përjashtim.
Shembulli më i fundit është rasti i Xicoia, kompani në pronësi të studios Particle 6, e cila ka krijuar nga e para një aktore që nuk ekziston në realitet: Tilly Norwood.
Ky personazh virtual ka ngjallur kuriozitet dhe debat në Hollywood për shkak të pasojave që sjellë në të ardhmen e industrisë së filmit.
“Ajo nuk zëvendëson një qenie njerëzore, është një krijim artistik, një vepër arti”, theksojnë producentët e saj në rrjetet sociale, duke iu përgjigjur polemikave të shumta.
Një aktore e gjeneruar, me personalitet të plotë
Sipas Eline Van der Velden, producente dhe pronare e Particle 6, Tilly Norwood nuk është krijuar si një fytyrë digjitale. Qëllimi ishte t’i jepnin karakter dhe personalitet, duke e bërë të duket si artiste e vërtetë. “Në fillim askush nuk e mori seriozisht. Në shkurt thanë se nuk do të ndodhte kurrë, por në maj nisën të na kërkonin takime. Tani, jemi gati të njoftojmë agjencinë që përfaqëson”, u shpreh ajo për Deadline.
Aktorë të tillë virtualë kanë potencial të pakufizuar: mund të interpretojnë çdo lloj roli, të punojnë pa pushim 24 orë në ditë dhe të përshtaten menjëherë me kërkesat e çdo skenari ose kompanie.
DeepFame dhe ndërveprimi me publikun
Tilly Norwood, falë motorit DeepFame, mund të jetë aktive edhe në rrjet duke komunikuar me ndjekësit si aktore reale. Karakteri i saj është i ndryshueshëm, pasi në thelb mbetet një produkt i krijuar me kujdes nga teknologjia.
Një epokë e re për industrinë e argëtimit
Ky fenomen nuk është i izoluar. Në gusht 2024 Higgsfield Records prezantoi Kion, i cili nënshkroi kontrata me vlerë miliona dollarëshe.
“Është fillimi i një epoke të re në muzikë”, deklaruan krijuesit e tij.
Nëse projektet si Tilly Norwood do të funksionojnë afatgjatë, mbetet për t’u parë. Por një gjë është e qartë: inteligjenca artificiale po ndryshon mënyrën se si krijohet dhe perceptohet arti në industrinë e filmit dhe muzikës. /A.Z/UBT News/
Teknologji
Sony zyrtarizon një model të ri të PS5 Pro
Published
21 hours agoon
September 29, 2025By
UBT News
Sipas një burimi të besueshëm, konsola e re PlayStation 5 Pro e Sony mund të marrë rishikimin e saj të parë të harduerit para fundit të shtatorit. Megjithatë, nuk priten ndryshime të mëdha në dizajn ose përditësime të jashtme të harduerit.
PS5 Pro pritet të lansohet në nëntor 2024 si konsola kryesore e PlayStation, duke sjellë përmirësime të konsiderueshme në performancë për shkak të GPU-së së përmirësuar dhe teknologjisë së re të imazhit PlayStation Spectral Super Resolution (PSSR), e bazuar në AI.
Shumë lojëra të optimizuara për PS5 Pro kanë përfituar nga përmirësimet, ndërsa kritikat janë minimale, përveç çmimit dhe mungesës së një disku si standard. Një raport i Dealabs sugjeron se modeli i ri, me numrin e modelit CFI-7121, do të lansohen në Evropë më 30 shtator dhe nga jashtë duket identik me versionin aktual.
Ndërsa nuk pritet një version “Slim”, Sony mund të ketë modifikuar harduerin për efikasitet më të mirë të energjisë, duke ulur nxehtësinë dhe përmirësuar funksionimin e qetë të konsolës.
PS5 Pro i rishikuar do të ruajë SSD-në 2TB, gjë që është një lajm i mirë duke pasur parasysh ndryshimin e memorjes nga 1TB në 825GB që u pa te PS5 i rregullt. Çmimi pritet të mbetet 799.99 euro, pa ndryshime.
Ndryshimet e mundshme përfshijnë optimizime të radiatorit dhe paraqitjes së motherboard-it për të ruajtur performancën dhe për të zvogëluar përdorimin e materialeve, duke rritur në të njëjtën kohë marzhet e fitimit për Sony. /A.Z/UBT News/
Teknologji
YouTube rikthen përdoruesit e ndaluar për përhapje të keqinformimit
Published
22 hours agoon
September 29, 2025By
UBT News
YouTube planifikon të rikthejë disa llogari që ishin ndaluar për shkelje të rregullave për keqinformim të vazhdueshëm për pandeminë Covid-19 dhe zgjedhjet amerikane të vitit 2020.
Njoftimi erdhi përmes një letre nga avokati i kompanisë mëmë, Alphabet, në përgjigje të një hetimi të republikanëve se administrata e mëparshme Biden kishte detyruar kompanitë e mëdha teknologike që të fshinin disa lloje përmbajtjesh.
Youtube, ashtu si platforma të tjera, ka lehtësuar moderimin e përmbajtjes në vitet e fundit.
“Youtube vlerëson zërat konservatorë në platformë dhe pranon se këta përdorues kanë ndjekje të gjerë dhe luajnë një rol të rëndësishëm në diskutimin publik. Kompania e pranon se këta përdorues janë mes atyre që sot formësojnë konsumin online duke siguruar intervista që duhen parë dhe u japin mundësinë shikuesve që të dëgjojnë politikanë, të famshëm, biznesmenë etj”, thuhet në letër.
Ndërsa në një postim në X, platforma tha:
“Kemi marrë shumë pyetje për një rikthim në Youtube për disa përdorues të ndaluar më parë që të krijojnë një kanal të ri. Ky do të jetë një projekt i kufizuar pilot, i disponueshëm për disa përdorues, llogaritë e të cilëve janë fshirë nga politika që tanimë janë rrëzuar.”
Programi i rikthimit do të prezantohet zyrtarisht brenda pak javësh. /A.Z/UBT News/

Ndryshohet lokacioni, derbi Prishtina-Ballkani luhet në Hajvali

Premiera e “Bukuria e gomarit” në Festivalin e Filmit në Cyrih

Kushtetuesja vendos për ankesën e Listës Serbe, Kuvendi s’është konstituuar

Fati i Amorim në duart e Granit Xhakës

OpenAI gjeneron mbi 4 miliardë dollarë të ardhura në gjysmën e parë të 2025-ës

Studim i ri: Mikroplastikat lidhen me dobësimin e kockave

Shenja të fshehura! Si u kuptua fundi i martesës së Kidman dhe Urban?

Turqia do të bisedojë me Hamasin për planin amerikan të Gazës

Zyra e BE-së bën thirrje për një proces të drejtë në zgjedhjen e një anëtari të ri të Këshillit Prokurorial të Kosovës
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega