Teknologji

​Jeff Bezos do të shesë 5 miliardë dollarë të tjera aksione të Amazon

Publikuar

Themeluesi i Amazon, Jeff Bezos thotë se do të shesë 25 milionë aksione të tjera në gjigantin e teknologjisë, me vlerë rreth 5 miliardë dollarë (3.9 miliardë paund).

Kjo vjen pasi vlera e tregut të aksioneve të kompanisë arriti një rekord të lartë të mërkurën.

Kjo shënoi herën e parë që nga viti 2021 që Bezos kishte shitur aksione të Amazon. Aksionet e kompanisë janë rritur me më shumë se 30% këtë vit.

Muajin e kaluar, vlerësimi i tregut të aksioneve të Amazon arriti në 2 trilion dollarë për herë të parë.

Megjithatë, kjo është ende prapa firmave të tjera të mëdha të teknologjisë Nvidia, Apple dhe Microsoft, të cilat të gjitha kanë kaluar kufirin prej 3 trilion dollarësh.

Bezos dha dorëheqjen si shefi ekzekutiv i kompanisë në vitin 2021 dhe aktualisht është kryetari i saj ekzekutiv dhe mbetet aksionari më i madh i saj.

Ai themeloi Amazon në vitin 1994 në një garazh në Bellevue, Washington, kur interneti ishte ende në fillimet e tij.

Kompania filloi si një shitës librash në internet, duke reklamuar koleksionin më të madh në botë të librave elektronikë.

Që atëherë, Amazon është bërë një nga kompanitë kryesore në botë të shitjes me pakicë dhe kompjuterave cloud.

Ai gjithashtu themeloi kompaninë e raketave Blue Origin, e cila në maj dërgoi gjashtë klientë në hapësirë.

Bezos është personi i dytë më i pasur në botë, sipas listës së miliarderëve të Forbes, me një vlerë neto të vlerësuar prej rreth 214 miliardë dollarë. /BBC/

AI

Washington Post lanson chatbotin e saj

Publikuar

nga

The Washington Post ka lansuar chatbotin e saj të mundësuar nga Inteligjenca Artificiale, për t’iu përgjigjur pyetjeve rreth klimës.

E qasshme në internet, “përgjigjet e mjetit “eksperimental” bazohen vetëm në raportimet e publikuara nga gazetarët e Washington Post”. Kjo gazetë ka mbuluar raportimet mbi klimën dhe mjedisin për më shumë se dy dekada. Megjithatë, mjeti kërkon vetëm nëpër artikuj nga tetë vjetët e fundit.

Chatbot mundësohet nga një model i madh gjuhësor (LLM), një sistem i trajnuar në sasi të mëdha të dhënash për të gjeneruar tekst në gjuhë të kuptueshme për njerëzit.

“Në cilin vend rriten nivelet e detit më shpejt në SHBA”, “Si ndikon ngrohja globale në biodiversitet” dhe “A mund të ricikloni kuti picash”, janë ndër pyetjet e sugjeruara nga Washington Post./UBTNews/

Vazhdo të lexosh

Teknologji

Punonjësit e Samsungut në grevë për një periudhë të pacaktuar

Publikuar

nga

Një sindikatë që përfaqëson punëtorët e gjigantit të teknologjisë koreano-jugore, Samsung Electronics, u ka bërë thirrje rreth 30 mijë anëtarëve të saj që të dalin në grevë për një kohë të pacaktuar, në kuadër të fushatës së saj për paga dhe përfitime më të mira.

Njoftimi erdhi në ditën e fundit të grevës së përgjithshme tri ditore që po mbahet nga Unioni Kombëtar i Samsung Electronics (NSEU).

Sindikata tha se e ka marrë këtë vendim pasi menaxhmenti nuk shfaqi synimet për të zhvilluar bisedime lidhur me kërkesat e sindikatës.

NSEU, e cila përfaqëson gati një të katërtën e punëtorëve të Samsung Electronics në Korenë e Jugut, tha se veprimet e saj e kanë ndërprerë prodhimin. Samsung i ka kundërshtuar këto pretendime.

“Samsung Electronics do të sigurohet që të mos ketë ndërprerje në linjat e prodhimit. Kompania mbetet e përkushtuar për t’u angazhuar në negociata të mirëbesimit me sindikatat”, tha kompania për BBC News.

Megjithatë, sindikata tha: “Kompania nuk ka ndërmend të angazhohet në dialog as pas grevës së parë të përgjithshme, kështu që ne shpallim një grevë të dytë të përgjithshme duke filluar nga 10 korriku, me kohëzgjatje të pacaktuar”./UBTNews/

Vazhdo të lexosh

Teknologji

Meta dhe Vodafone bashkëpunojnë për të reduktuar trafikun e videove në rrjetet sociale si Instagram dhe Facebook

Publikuar

nga

Meta ka bashkëpunuar me Vodafone për të liruar kapacitetin në 11 rrjetet e saj celulare në Europë duke optimizuar dërgimin e videove me metrazh të shkurtër pa kompromentuar eksperiencën e shikueshmërisë.

Kërkesa për video në Instagram, TikTok dhe YouTube ka rritur përdorimin në rrjetet mobile. Trafiku global në 12 muajt e fundit është rritur me 25 përqind sipasnjë raporti të Erikson dhe videot përbënin 73 përqind të trafikut mobil deri në fund të 2023.

Operatorët e telekomunikacionit përfshirë Vodafone janë ankuar se ata duhet të mbulojnë kostot e përditësimit të rrjeteve ndërsa kompanitë teknologjike gjenerojnë fitime.

Një përpjekje e Bashkimit Europian vitin e kaluar për të detyruar Big Tech të kontribuojë në investimet 5G dështoi dhe nuk ka gjasa të ringjallet përpara fundit të vitit.

Vodafone tha se bashkëpunimi me platforma si Meta ishte një mënyrë pragmatike për të adresuar këtë lloj debati.

Kompania tha se optimizimi i aplikuar rezultoi me reduktim dyshifror të trafikut nga aplikacionet e Meta në rrjetin e saj Britanik gjatë testimeve në Prill. Një kapacitet i konsiderueshëm u lirua në hapësira të ngjeshura si qendrat tregtare dhe të transportit.

Edhe operatorit Spanjoll Telefonica është duke punuar me Meta për optimizimin e trafikut të videove në rrjetet e saj.

Optimizimi i rrjetit është aplikuar në 11 vende, duke përfshirë Shqipërinë, Çekinë, Gjermaninë, Greqinë, Irlandën, Italinë, Holandën, Portugalinë, Rumaninë, Spanjën dhe Britaninë e Madhe. Niveli i reduktimit të trafikut të rrjetit ndryshon bazuar në disa faktorë duke përfshirë ngarkesën e rrjetit dhe pajisjet e përdoruesit fundor./PCWorld Albanian

Vazhdo të lexosh

Lajmet

Perspektiva e Abazit: Kosova rreshtohet krah Evropës për ndalimin e TikTok-ut

Publikuar

nga

Në një vendim të fundit të qeverisë së Kosovës, përdorimi i aplikacionit TikTok në institucionet publike është ndaluar për të parandaluar rrezikun e dezinformatave dhe sulmeve kibernetike. Ky veprim vjen në kontekstin e masave të ngjashme të marra nga vende të Bashkimit Evropian për të mbrojtur sigurinë dhe integritetin e të dhënave.

Blerton Abazi, dekan në Fakultetin Sisteme të Informacionit në UBT vendimin e përshkruan si të rëndësishëm dhe në përputhje me praktikat e vendeve të Bashkimit Evropian.

“Vendimi i fundit i qeverisë për të ndaluar përdorimin e TikTok-ut në institucionet publike mendoj se është një vendim i duhur dhe shumë i rëndësishëm. Ky vendim është në përputhje me masat e marra nga vendet e Bashkimit Evropian si Belgjika, Holanda, Suedia dhe vende të tjera, me qëllim parandalimin e rrjedhjes së informacionit nga brenda, sulmeve kibernetike dhe shpërndarjes së dezinformatave”, shprehet Abazi.

Deklarata e Abazit, reflekton shqetësimet e përhapjes së informacioneve të rreme dhe mundësinë e sulmeve kibernetike nëpërmjet këtyre platformave, gjë që ka shtuar ndjeshmërinë e qeverive dhe institucioneve për të rritur masat e sigurisë dhe kontrollit të tyre.

“Ky është një përfundim i arritur nga shumë vende që konsiderojnë se përdorimi i TikTok-ut apo aplikacioneve të ngjashme ndikon shumë në përhapjen e dezinformatave, në sigurinë kibernetike dhe në rrjedhjen e të dhënave”, vlerëson profesori.

Profesori Abazi, gjithashtu diskutoi për përfitimet dhe rreziqet e përdorimit të aplikacioneve të rrjeteve sociale në vendet e punës, duke theksuar se menaxhimi i tyre duhet të bëhet me kujdes për të parandaluar dëmtimet potenciale në reputacion dhe produktivitet.

“Në vendet e punës, kryesisht kompanitë private e përdorin TikTok-un në fushën e marketingut dhe promovimit të produkteve dhe shërbimeve të tyre. Kjo praktikë ka mangësitë dhe përparësitë e veta, por mendoj se përdorimi i çdo vegle të rrjeteve sociale, nëse menaxhohet mirë, mund të përdoret deri në një masë të caktuar për përfitime. Nëse tejkalohet apo bëhet viral në pika dhe procese të caktuara, mund të jetë i dëmshëm dhe mund të ndikojë në reputacion, produktivitet dhe në procese të tjera”, vë në theks Abazi.

Fokus Abazi i dha edhe vendimit duke konsideruar se përmes tij do të synohet të parandalohen dhe reduktohen rreziqet e dezinformatave dhe potencialisht sulmet ndaj të dhënave të ndjeshme të qytetarëve.

“Ky është kryesisht qëllimi pse është ndaluar përdorimi i TikTok-ut, për të parandaluar dhe minimizuar mundësinë e dezinformatave dhe potencialisht ndonjë sulm ndaj të dhënave të ndjeshme të qytetarëve”, përfundon Abazi./UBTNews/

Dionesa Ebibi

Vazhdo të lexosh

Të kërkuara