Lajmet

Javën e ardhshme Kuvendi mban tri seanca

Të hënën mbahet seancë për përvjetorin e Epopesë së UÇK-së.

Published

3 years ago

on

Kuvendi i Kosovës gjatë javës së ardhshme do t’i mbajë tri seanca plenare. Kështu ka njoftuar shefja e grupit parlamentar të LVV-së, Mimoza Kusari Lila, pas mbledhjes së kryesisë së kuvendit, ku theksoi se të hënën do të mbahet seanca që shënon përvjetorin e Epopesë së UÇK-së.

Para gazetarëve, shefja e deputetëve të shumicës parlamentare ka deklaruar se pozicioni i Kosovës në dialog është të ketë qasjen konstruktive.

“Historikisht Kosova ka qenë e bashkërenduar në hapat e saj, në proces me Serbinë me ndërmjetësit, në këtë rast SHBA-të, BE-në në kuadër të së cilës janë shtetet që e mbështetin këtë proces. Prandaj edhe në këtë fazë të procesit të dialogut, kjo është qasja e Kosovës që të nxjerr maksimumin nga hapësira e ngushtë e cila është krijuar ndër vite, më shumë se një dekadë në procesin e dialogut me Serbinë. Dhe natyrisht të sigurohen të gjithë mekanizmat garantues për ngritjen e subjektivitetit të Kosovës. Ajo çka për ne është shumë me rëndësishme, e cila fatkeqësisht është komprometuar në proceset e mëhershme, është anëtarësimi në organizatat ndërkombëtare, njohja nga shtetet mos-njohëse, ngritja e mirëqenies dhe rritja e volumit ekonomik të Kosovës dhe vendeve të BE-së me rritjen e brendshme”, ka deklaruar Kusari-Lila.

Shefja e grupit parlamentar të Lëvizjes Vetëvendosje, Mimoza Kusari-Lila tregoi edhe për tri seancat e caktuara për javën e ardhshme.


“Sot u vendos që javën e ardhshme të mbahen tri seanca. E para, është të hënën me 6 mars me fillim në orën 12:00, seancë kjo e veçantë që e shënon përvjetorin e Epopesë së UÇK-së. E dyta është me 8 mars, ditën e mërkurë me fillim në orën 12:00 që është e caktuar si seancë me vazhdimin e pikave të papërfunduara të seancave të mëhershme, me agjendën e njëjtë, të cilën e kishim edhe ditën e djeshme, por për shkak të kërkesës për debatin parlamentar për dialogun Kosovë-Serbi, pikat mbeten të pa trajtuara. Dhe seanca e re e kuvendit e cila është caktuar për ditën e enjte, me fillim në orën 10:00, përveç deklarimeve jashtë rendit të ditës dhe pyetjeve parlamentare në shqyrtim të dytë janë dy projektligje, ai për pyjet dhe për sigurinë e përgjithshme të produkteve”, ka njoftuar Kusari-Lila.

Në seancën e së enjtes, ajo ka shtuar se në rend të ditës është edhe shqyrtimi në parim i Projektligjit për Shëndetin Riprodhues dhe Fertilizimit të Asistuar Mjekësor dhe ai për Minierat dhe Mineralet. Ajo ka komentuar edhe grumbullimin e shumë pikave të papërfunduara nga seancat e kaluara.

“Është e vërtetë që në dy seancat e fundit të cilat ishin të caktuara për të trajtuar pikat e pa përmbyllura nga seancat e mëhershme, ndodhën plotësim-ndryshime apo kërkesa të dy partive opozitare për plotësim-ndryshim të agjendës. Herën e kaluar arritëm të votojmë vetëm marrëveshjet ndërkombëtare të cilat ishin të dërguara nga qeveria nga procesi i Berlinit. Ndërsa, kësaj radhe jemi dakorduar, kemi biseduar edhe dje në seancën maratonike që e kishim gjatë ditës së djeshme që të mërkurën nga ora 12:00 të fillojmë me agjendën e njëjtë, siç e kishim”, ka shtuar shefja e deputetëve të shumicës.

Ajo tha se sa i përket marrëveshjes ndërkombëtare për reformën e skemës sociale dhe pensionale, kanë konfirmimin nga dy parti opozitare, por jo edhe nga Lidhja Demokratike e Kosovës. 

Related Topics:
Continue Reading

Lajmet

Ahmeti reagon pas bllokadës në Trafikun Urban

Published

35 minutes ago

on

November 25, 2025

By

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Continue Reading

Lajmet

Rahovec: Vajza e mitur largohet nga shtëpia, raportohet e zhdukur në polici

Published

38 minutes ago

on

November 25, 2025

By

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Continue Reading

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

39 minutes ago

on

November 25, 2025

By

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Continue Reading

Lajmet

Dhjetë raste të dhunës në familje raportohen brenda një dite, viktimë gratë

Published

41 minutes ago

on

November 25, 2025

By

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

·         Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar  tretman mjekësor. Me vendim të prokurorit i dyshuari është dërguar në mbajtje.

·         Prishtinë  24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

·         Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

·         Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës.  E dyshuara është arrestuar dhe pas intervistimit me vendim të prokurorit është liruar në procedurë të rregullt.

·         Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar  tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

·         Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

·         Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

·         Pejë  24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

·         Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.

Continue Reading

Të kërkuara