Lajmet

Japoni: Mungesa e shtretërve në spitalet Covid-19 bën që pacientët vdesin para se të trajtohen

Published

5 years ago

on

Japonia po zgjeron gjendjen e jashtëzakonshme në tetë prefektura të tjera, duke e çuar totalin në 21 gjithsej, për të frenuar rritjen e shpejtë të infeksioneve me koronavirus, njoftoi të mërkurën ministri përgjegjës për kundërmasat kundër COVID-19, transmeton UBT News.

Qeveria deri më tani ka vendosur 13 nga 47 prefekturat e Japonisë, përfshirë kryeqytetin, Tokion, nën kufizime emergjente që do të zgjasin deri më 12 shtator për të luftuar rastet e variantit Delta që kanë ngritur presion mbi sistemin e kujdesit shëndetësor.

Kufizimet në Japoni kanë qenë më të lehta se sa bllokimet që shihen në disa vende dhe janë përqendruar në kriteret që restorantet të mbyllen herët dhe të ndalojnë shërbimin e alkoolit në këmbim të një subvencioni. Gjithashtu ka pasur kërkesa që kompanitë të kenë më shumë staf që punojnë nga shtëpia.

Të martën, vendi raportoi 21,500 raste të reja ditore COVID-19 dhe 42 vdekje të tjera në të gjithë vendin të martën, sipas ministrisë së shëndetësisë, përcjell UBT News.

Në shkallë vendi, numri i përgjithshëm ka arritur në 1.34 milion.

Edhe pse shkalla e fatalitetit nga Covid-19 në Japoni qëndron më ulët në krahasim me Britaninë dhe ShBA-në, rreth 90% e shtretërce të kujdesit kritik në Tokio janë të zënë, pas rritjes së rasteve.

Kjo nënkupton që shumë njerëz detyrohen të shërohen në shtëpi, dhe shumë prej tyre, vdesin para se të jenë në gjendje të trajtohen.

Sipas të dhënave të fundit, rreth 25,000 pacientë po shërohen në shtëpi në mungesë të shtretërve në qendra të kujdesit./UBTNews

Related Topics:
Continue Reading

Vendi

Inspektorati Qendror i Punës ndalon punimet në 12 vendpunishte në pesë komuna

Published

17 minutes ago

on

August 21, 2026

By

Inspektorati Qendror i Punës (IQP) ka ndërprerë punimet në 12 vendpunishte në komunat Skenderaj, Mitrovicë, Vushtrri, Prizren dhe Ferizaj, pas kontrolleve të kryera për zbatimin e legjislacionit të punës dhe sigurisë në punë.

Gjatë inspektimeve, zyrtarët konstatuan shkelje të rënda ligjore që vinin në rrezik të drejtpërdrejtë jetën dhe shëndetin e punëtorëve. Për këtë arsye, punimet janë bllokuar deri në eliminimin e plotë të parregullsive dhe plotësimin e standardeve të sigurisë.

Sipas njoftimit, ky aksion synon parandalimin e aksidenteve në punë, ndërsa rifillimi i punimeve do të lejohet vetëm pas verifikimit të ri nga inspektorët. Inspektorati paralajmëroi se kontrollet do të vazhdojnë me intensitet të lartë në të gjithë vendin./E.A/

Continue Reading

Kronikë e zezë

Gjashtë muaj burgim për kanosjen e Albin Kurtit, Xhemaili pranon fajësinë

Published

34 minutes ago

on

August 21, 2026

By

Kadri Xhemaili është dënuar me gjashtë muaj burgim për kanosjen e kryeministrit në detyrë, Albin Kurti.

Në seancën gjyqësore të mbajtur të premten, Xhemaili e ka pranuar fajësinë dhe ka kërkuar falje. Gjykata ka aprovuar marrëveshjen për pranimin e fajësisë të arritur mes Prokurorisë dhe mbrojtjes.

Prokurori Bekim Kodraliu tha se marrëveshja është arritur me vullnet të lirë dhe pa presion, ndërsa mbrojtësi i të pandehurit, avokati Rinor Arifi, konfirmoi se mbrojtja qëndron prapa marrëveshjes.

Në seancë ka munguar i dëmtuari Albin Kurti. Sipas gjyqtarit Rrahman Beqiri, Kurti e kishte pranuar ftesën, por mungesën nuk e kishte arsyetuar.

Sipas aktakuzës, më 22 tetor 2025, Xhemaili, me qëllim të frikësimit të Kurtit lidhur me pozitën e tij zyrtare si kryeministër, e kishte kanosur publikisht përmes rrjetit social Facebook, duke i thënë se do ta privonte nga jeta./A.K/

Continue Reading

Lajmet

Dy të dyshuar për “Vrasje në tentativë” dorëzohen në polici, njëri me pistoletë në dorë

Published

44 minutes ago

on

August 21, 2026

By

Sipas raportit të Policisë së Kosovës, dy persona të dyshuar janë vetëdorëzuar në polici lidhur me një rast të “Vrasjes në tentativë” të raportuar më 9 gusht në sheshin “Isa Boletini” në Mitrovicë.

Vetëdorëzimi i tyre është bërë më 20 gusht, ndërsa njëri prej të dyshuarve ka dorëzuar edhe një pistoletë, e cila dyshohet se është përdorur në rast.

Pas intervistimit, me vendim të prokurorit, të dy të dyshuarit janë dërguar në mbajtje./A.K/

Continue Reading

Vendi

Plagoset një grua nga plumbi qorr në Lipjan, dërgohet në QKUK

Published

47 minutes ago

on

August 21, 2026

By

Një grua është plagosur nga një plumb qorr mbrëmjen e së enjtes në Lipjan.

Sipas raportit 24-orësh të Policisë së Kosovës, ngjarja ka ndodhur rreth orës 21:00, ku e dëmtuara është qëlluar në trup.

Për shkak të lëndimeve të marra, ajo është dërguar menjëherë për tretman mjekësor në Qendrën Klinike Universitare të Kosovës (QKUK).

Policia e ka cilësuar rastin si “Shkaktim i rrezikut të përgjithshëm” dhe po punon për zbardhjen e plotë të ngjarjes. /E.A/

Continue Reading

Të kërkuara