Magazinë

Janë yje të Hollywood, por këta shtatë personazhe u refuzuan në filmin “Wicked“

Published

on

Duket se shumë yje të njohur kërkuan të luanin në “Wicked”, pasi konkurenca për rolet kryesore ishte e ashpër. Siç e dimë, rolet kryesore: Elphabës, Glindës dhe Fiyeros shkuan për Cynthia Erivo, Ariana Grande dhe Jonathan Bailey. E duke qenë se Wicked është një nga muzikalet më të dashura të kohëve të fundit, ndaj konkurrenca ishte patjetër e fortë.

Filmi ka qenë në qendër të diskutimit për kaq shumë kohë, sa që besohej se yjet origjinale të Broadway-t, Idina Menzel dhe Kristin Chenoweth, do të riktheheshin në rolet e tyre për filmin.

Por, kush mori pjesë në audicione nga personazhet mjaft të njohur e të suksesshëm në mbarë botën? UBT News ju sjell listën e personazheve që fatkeqësisht janë refuzuar.

Roli i Elphaba: Lady Gaga

Emri i Gagas ishte lidhur me rolin e Elphabas kur filmi Wicked nisi të diskutohet, nën drejtimin e regjisorit Stephen Daldry. Kur drejtimi i filmit kaloi në duar të John M. Chu, roli i Elphabës i’u dha Cynthia Erivo.

Roli i Glindas: Amanda Seyfried 

Seyfried, e njohur për rolet në Les Miserables dhe Mamma Mia!, ishte e “etur” për rolin e Galindës. Gjatë xhirimeve të rolit fitues të çmimit “Emmy” në “The Dropout”, ajo po merte pjesë në audicione për Glindën, madje tha se e donte aq shumë rolin saqë dedikoi të gjithë fundjavën për audicionin, duke e quajtur këtë një sakrificë të madhe.

Dove Cameron

Pas interpretimit të vajzës së Kristin Chenoweth në një version të “Hairspray”, Cameron dukej si zgjedhja e duhur për Glindën e Chenoweth. Ai e ka mbështetur për këtë rol, edhe pse arriti larg në audicion, Cameron se fitoi rolin, por ishte e lumtur që Ariana Grande e mori atë.

Renee Rapp

Ylli i Mean Girls, Renee Rapp, ka marrë pjesë në audicion për rolin e Glindës. Megjithatë, ajo ishte e gëzuar që roli i shkoi Ariana Grandes, duke thënë: “Ariana do të jetë… mund të shprehem? Do të jetë thjesht e mrekullueshme.”

Roli i Fiyeron: Shawn Mendes

Pavarësisht se duket e pabesueshme, Mendes e kërkoi këtë rol. Megjithatë, roli i Fiyeros shkoi për Jonathan Bailey.

Nick & Joe Jonas

Dy nga vëllezërit Jonas morën pjesë në audicion për rolin e Fiyeros. Edhe pse Nick ka eksperiencë të madhe në skenën muzikore dhe ka luajtur në “Broadway” si fëmijë, vëllezërit u konsideruan për këtë rol, por ai u dha Jonathan Bailey.

Këto audicione tregojnë konkurencë për rolet në një prodhim filmik të pritur, dhe është e qartë se talente të njohura kërkonin të ishin pjesë e Wicked në ekranin e madh.

Lajmet

Alix Earle kërkon deri në 500 mijë dollarë për një postim reklamues

Published

on

Influencuesja amerikane Alix Earle kërkon nga 250 mijë deri në 500 mijë dollarë për një postim të vetëm në kuadër të bashkëpunimeve me marka të ndryshme, raporton revista “The Hollywood Reporter”.

Sipas revistës, për 25-vjeçaren, e cila ka ndërtuar një audiencë të madhe në TikTok, një nga kriteret kryesore për pranimin e bashkëpunimeve është nëse i pëlqen vërtet produkti që i ofrohet për promovim.

Babai i saj, Thomas Earle, ka treguar se kur vajza e tij e pëlqen mjaftueshëm një produkt, ndonjëherë është e gatshme ta promovojë edhe pa pagesë.

“Duket e çmendur të shpenzosh kaq shumë para, por unë vërtet besoj te jetëgjatësia dhe te ruajtja e besimit që kam ndërtuar me audiencën time”, është shprehur Earle.

Përveç bashkëpunimeve reklamuese, influencuesja ka nisur të investojë edhe në kompani të ndryshme. Ajo ishte ndër investitorët e hershëm në kompaninë e pijeve me bazë prebiotike Poppi, të cilën PepsiCo e bleu vitin e kaluar për 1.95 miliardë dollarë.

Earle zotëron gjithashtu aksione në markën e produkteve të mirëqenies Cymbiotika, ndërsa është investitore dhe ambasadore e markës së koktejeve të gatshme SipMARGS.

Në mars, ajo prezantoi edhe markën e saj të produkteve për kujdesin e lëkurës, Reale Actives, duke zgjeruar aktivitetin në industrinë e bukurisë.

Gjatë intervistës, Earle foli edhe për kritikat që kishte marrë pas deklaratës se nuk kishte lexuar asnjë libër gjatë jetës së saj.

“Le ta bëjmë të qartë: E kam lexuar patjetër librin, por jo, nuk lexoj në mënyrë aktive. Për momentin nuk jam duke lexuar asgjë”, u shpreh ajo.

Alix Earle u bë e famshme gjatë pandemisë së COVID-19, përmes videove në TikTok, ku fitoi miliona ndjekës me përmbajtje rreth përditshmërisë, bukurisë dhe stilit të jetesës.

Vitin e kaluar, ajo arriti në vendin e dytë në sezonin e 34-t të spektaklit “Dancing with the Stars”. Ndërkohë, në shtator, në Netflix debutoi reality show i familjes së saj, “Earle Meets World”, i cili, sipas raportimeve, është rinovuar për një sezon të dytë./A.K/

Continue Reading

Lajmet

GTA 6 vjen për PS5 dhe Xbox, zbulohet çmimi në Evropë

Published

on

Loja e shumëpritur “Grand Theft Auto VI” (GTA 6) është paralajmëruar për PlayStation 5 dhe Xbox Series X|S, ndërsa përdoruesit e PC-së do të duhet të presin për një version të veçantë.

Loja është zhvilluar për gjeneratën aktuale të konzolave, çka do të thotë se nuk do të jetë e disponueshme për PlayStation 4 dhe Xbox One. Ndërkohë, Rockstar Games ende nuk ka konfirmuar datën e lansimit për PC, ndërsa Nintendo Switch 2 nuk figuron në listën e platformave të mbështetura.

Sipas kompanisë kërkimore Enders Analysis, versioni për PC mund të publikohet në muajin shkurt, por ky informacion mbetet i pakonfirmuar.

Sa i përket çmimeve, loja ofrohet në dy versione, Standard dhe Ultimate. Në Evropë, versioni Standard kushton 79.99 euro, ndërsa Ultimate 99.99 euro. Në SHBA, çmimet janë 79.99 dhe 99.99 dollarë, ndërsa në Britaninë e Madhe 69.99 dhe 89.99 funte.

Çmimet përfundimtare mund të ndryshojnë varësisht nga rajoni dhe taksat./A.K/

Continue Reading

Lajmet

Filmi “Zero A.D.: The Birth of Christ” me buxhet prej 44 milionë dollarësh, producent ekzekutiv shqiptari Noli Molla

Published

on

“Zero A.D.: The Birth of Christ” është një nga filmat më të shumëpritur të këtij viti, i cili pritet të shfaqet në kinema gjatë muajit dhjetor.

Përveç emrave të njohur të kinematografisë botërore që janë pjesë e kastit, si Jim Caviezel, Deva Cassel dhe Sam Worthington, filmi veçohet edhe për përfshirjen e shqiptarit nga Kosova, Noli Molla, në rolin e producentit ekzekutiv.

I pranishëm së fundmi në pre-premierën e filmit në CineStar, Molla ka ndarë detaje rreth produksionit, buxhetit dhe përfshirjes së tij në këtë projekt ndërkombëtar.

“Buxheti i filmit ka qenë 44 milionë dollarë”, ka deklaruar ai në një intervistë për Telegrafi.com.

Filmi trajton ngjarjen e Lindjes së Krishtit, ndërsa një nga veçoritë e tij është përzgjedhja e aktores Deva Cassel në rolin e Shën Mërisë. Ajo është vajza e aktorëve të njohur Vincent Cassel dhe Monica Bellucci.

Molla ka treguar se për këtë rol kishin audicionuar më shumë se 3 mijë aktore dhe se regjisori e kishte përzgjedhur Deva Cassel pa e ditur fillimisht se kush ishin prindërit e saj.

Ai ka theksuar se përfshirja e saj në projekt ishte veçanërisht emocionuese për të, duke kujtuar edhe rolin e Monica Belluccit në filmin “The Passion of the Christ”.

Gjatë intervistës, producenti kosovar ka folur edhe për planet e tij të ardhshme në industrinë e filmit. I pyetur nëse synon të realizojë një projekt ndërkombëtar për historinë e Kosovës, Molla ka zbuluar se është duke shqyrtuar dy ide: një film për Skënderbeun dhe një tjetër për Adem Jasharin.

Ai ka thënë se realizimi i këtyre projekteve kërkon skenar të fuqishëm dhe përzgjedhje të aktorëve që mund t’u japin atyre jehonë ndërkombëtare./A.K/

Continue Reading

Lajmet

Brad Pitt shpreh dëshirën të luajë rolin e keqbërësit në filmin e ri të James Bond

Published

on

Aktori amerikan Brad Pitt ka thënë se do të dëshironte të luante një personazh negativ në filmin e ri të James Bond, ku Robert Pattinson pritet të marrë rolin e agjentit 007.

Pitt foli për “Extra TV” gjatë premierës së filmit “The Further Mis-Adventures of Cliff Booth”, të hënën në Los Angeles, ku vlerësoi edhe përzgjedhjen e Pattinsonit për rolin e spiunit britanik.

“Robert… E di çfarë, do të më pëlqente shumë. Javieri im e bëri një punë të shkëlqyer. Standardet janë të larta, por unë do ta bëja”, deklaroi Pitt.

Aktori iu referua bashkëpunëtorit të tij në filmin “F1”, Javier Bardem, i cili luajti personazhin negativ Raoul Silva në filmin e James Bond “Skyfall”, të vitit 2012.

Pitt shprehu gjithashtu mbështetje për zgjedhjen e Pattinsonit si agjenti i ri 007.

“Më pëlqen kjo ide. Më pëlqen ajo që bën dhe çfarë lloj rolesh zgjedh. Mendoj se është i duhuri. Është një vendim i mirë”, tha ai.

Pattinson u njoftua të hënën si aktori i shtatë që do të interpretojë James Bondin. Ai do të jetë protagonist në filmin e 26-të të kësaj serie, i cili do të drejtohet nga Denis Villeneuve, me skenar të Steven Knight.

Ai merr rolin nga Daniel Craig, i cili e interpretoi për herë të fundit agjentin 007 në vitin 2021.

Ndërkohë, në filmin e ri, Pitt rikthehet në rolin e kaskaderit Cliff Booth nga filmi i Quentin Tarantinos “Once Upon a Time in Hollywood”. Për këtë rol, ai fitoi çmimin Oscar për aktorin më të mirë në rol dytësor në vitin 2020./A.K/

Continue Reading

Të kërkuara