Shëndeti

Ja shenjat që keni nevojë urgjent për syze!

Published

on

Keni apo jo nevojë për syze? Kjo është një pyetje që i’a bëjmë vetës në rast që sytë tanë kanë problem për të lexuar, por në artikullin e mëposhtëm do të kuptoni se cilat janë shenjat kryesore që na  paralajmërojnë se shikimi po venitet.

Gati 60% e popullsisë në botë ka nevojë për korrigjim të shikimit, fatmirësisht, 80% e të gjitha problemeve me shikimin mund të shmangen ose korrigjohen.

Shikim i turbullt, nëse nuk arrini ta njihni një shok 10 hapa larg, është duke u zhvilluar çrregullimi i të parit si miopia ose hipermetropia. Nëse keni vështirësi t’i shihni objektet afër e larg, mund të jetë duke u zhvilluar problemi viziv astigmatizmi. Këto probleme vizive korrigjohen me anë të lenteve cilindrike.

Vështirësi të të parit gjatë natës, nëse shikimi juaj po venitet sa nuk mund ta shihni as qenin në oborr kur është natë, po i përjetoni shenjat e para të kataraktit, që duhet të ekzaminohen sa më shpejt të jetë e mundur.

Mospërshtatjen e shikimit kur kalon nga errësira në dritë, nëse syve ju duhet kohë të përshtaten pasi keni parë drita të gjata në autostradë, do të thotë se muskujt që ndihmojnë në kontraktimin e zgjerimin e irisit po dobësohen. Kjo ndodh për shkak të moshës, siç edhe shumë probleme tjera me shikimin.

Vështirësi të leximit të shkronjave në kompjuter, dritat e kompjuterit janë ata që e dëmtojnë më shumë shikimin. Nëse qëndroni para kompjuterit, merrni syze, edhe nëse mendoni se nuk keni asnjë problem me shikimin. Për ta vërtetuar, lexoni çdo ditë të njëjtën faqe dhe uluni në distanca të ndryshme, për të parë nëse shikimi fillon të përkeqësohet.

Tendosje apo lodhje të syrit, ju lodhet shpejt syri, edhe pse keni pak minuta që keni filluar të lexoni? Lodhja vjen si rezultat i shikimit të turbullt ose kur i picërroni shpesh sytë për t’u fokusuar te libri, ekrani i telefonit ose kompjuterit. Përpiquni të bëni pushime të shkurtra ose ulni ndriçimin tek telefoni.

Dhimbje të vazhdueshme të kokës, mekanizmi që ndihmon kornean e lentet të fokusohen te imazhet venitet dhe muskujt e vegjël në sy detyrohen të punojnë më fort, shkakton tendosje të syrit e dhimbje koke. Me terma më të thjeshta: Kur picërroni sytë, keni dhimbje koke, prandaj keni nevojë për syze.

Vizione të dyfishta, vizionet e dyfishta çojnë në probleme serioze. Ato tregojnë për probleme me kornean ose muskujt e syve. Mund të jenë shenjë e kataraktit.

Shikim i valëzuar, ju duken perdet e dritares së kuzhinës sikur kanë hyrë në ujë? Kur vijat e drejta duken si të valëzuara, ose kur ngjyrat duken si të venitura, mund të jetë një shenjë e degjenerimit makular, një nga shkaktarët kryesor të humbjes së shikimit.

Të parit e një rrethi drite gjatë gjithë kohës, nëse shihni një rreth drite përreth objekteve është shenjë që po zhvillohet katarakti ose probleme me shikimin në errësirë. Këto drita zakonisht shfaqen në errësirë dhe përreth objekteve.

Tension të syrit, nëse ndieni tension para syrit, është shenjë e zhvillimit të glaukomës. Nuk duhet të krijoni panik, trajtohet lehtë. Tensioni mund të dëmtojë nervin optik që transmeton imazhet në tru, jo të gjitha ata që ndiejnë tension tek sytë kanë glaukoma. Gjithsesi, duhet të bëni një kontroll të syve. /UBT News/

Shëndeti

A keni migrenë të shpeshtë? Mund ta lehtësoni atë me ndihmën e kësaj erëze

Published

on

Migrena është një lloj dhimbjeje koke që shfaqet papritur, me dhimbje të forta dhe simptoma shoqëruese si të përziera, ndjeshmëri ndaj dritës dhe zhurmës, si dhe lodhje. Për shumë njerëz, mund të prishë aktivitetet e përditshme e të zgjasë për orë të tëra ose ditë.

Edhe pse migrena trajtohet me ilaçe, ekzistojnë metoda natyrale që mund të lehtësojnë simptomat në fazat e hershme të sulmit. Midis tyre, një qasje e thjeshtë por efektive mund të ndihmojë në uljen e intensitetit të dhimbjes dhe shqetësimit.

Një nga këto metoda është të konsumoni gjysmë luge çaji kripë të tretur në ujë. Ky kombinim ndihmon në stabilizimin e trupit kur shfaqen simptomat e para. Tretësira e kripës ndikon në ekuilibrin e elektroliteve sidomos të natriumit, që luan rol të rëndësishëm në funksionimin e sistemit nervor dhe enëve të gjakut.

Kur ky ekuilibër prishet, shfaqen simptoma si dhimbje koke, marramendje ose të përziera – pikërisht ato që shpesh shoqërojnë një migrenë. Në këto raste, një tretësirë kripe mund të ndihmojë në lehtësimin e shqetësimit dhe të ofrojë lehtësim të shpejtë.

Është e rëndësishme të theksohet se kjo metodë duhet të përdoret me kursim dhe me kujdes, veçanërisht tek njerëzit që kanë probleme me tensionin e gjakut ose veshkat.

Continue Reading

Shëndeti

Përfitimet e shumta të çajit japonez

Published

on

Nuk është çaj, por përgatitet si një infuzion. Nuk përmban kafeinë, por jep energji. Vjen nga Japonia, por po fiton gjithnjë e më shumë vend edhe në kuzhinat perëndimore.

Quhet soba cha, dhe nuk është thjesht një pije, është ritual i vogël i përditshëm që bashkon mirëqenie, shije dhe thjeshtësi.

Çfarë është soba cha?

Me origjinë nga zonat malore të Japonisë, soba cha është infuzion i përgatitur me kokrra hikërre të pjekura. “Soba” i referohet hikrrës, përbërës përmes “soba noodles”, “cha” do të thotë çaj, përkthehet si “çaji i hikrrës”, s’është çaj në kuptimin tradicional, pasi nuk përmban gjethe të bimës Camellia sinensis.

Në kulturën japoneze, soba cha trajtohet me të njëjtin respekt si çaji i zakonshëm: përgatitet me kujdes, pihet ngadalë dhe shërbehet gjatë momenteve të qeta.

Pija ka shije të ngrohtë të pjekur, me nuanca ajthie e aromë të ngjashme me bukën e sapo pjekur. Ngjyra varion nga ari në amber, është pjesë e përvojës shumëdimensionale që pija ofron. Hikërra, pa gluten, e pasur në vlera ushqyese e rezistente, ka qenë për shekuj me radhë një bazë në dietën e rajoneve rurale të Japonisë. Sot, soba cha përfaqëson një kombinim perfekt mes thjeshtësisë tradicionale dhe një qasjeje moderne ndaj shëndetit dhe mirëqenies.

Në vitet e fundit, soba cha ka kaluar nga një produkt i veçantë etnik në fenomen mirëqenieje, edhe në vende si Italia. Njerëzit e kërkojnë në dyqanet bio, në restorantet autentike japoneze, apo menu të konceptuara me fokus shëndetin.

Arsyeja? Soba cha ofron një alternativë natyrale dhe efektive për ata që duan të kujdesen për trupin dhe mendjen, pa përdorur suplemente artificiale.

Kokrra e hikrrës është e pasur me rutina, një flavonoid me veti të fuqishme antioksiduese dhe mbrojtëse për sistemin kardiovaskular. Studimet ndërkombëtare sugjerojnë se rutina ndihmon në forcimin e kapilarëve, uljen e tensionit të gjakut dhe përmirësimin e qarkullimit të gjakut. Në mjekësinë popullore japoneze, soba cha shpesh këshillohet edhe për të moshuarit si mbështetje natyrale për shëndetin e zemrës.

Për më tepër:

Nuk përmban kafeinë, ndaj mund të konsumohet edhe në mbrëmje
Është i pasur me minerale si magnez, mangan dhe zink
Ndihmon në funksionimin e sistemit nervor dhe në menaxhimin e stresit
Ka veti diuretike dhe përmirëson tretjen
Është gluten free, ndaj i përshtatshëm për celiakët ose për ata që ndjekin një dietë pa gluten

Si përgatitet soba cha?

Shtoni një lugë gjelle hikërr të pjekura në filxhan me ujë të valuar, lërini për rreth 5 minuta Filtroni dhe është gati për ta shijuar.

Soba cha mund të pihet i ngrohtë ose i ftohtë (duke e ftohur më pas ose duke bërë përgatitje me ujë të ftohtë gjatë verës).

Shija mund të ndryshojë në varësi të shkallës së pjekjes: më e lehtë për një aromë delikate, më e errët për një shije më të thellë dhe të pasur.

 

Continue Reading

Shëndeti

Pse shfaqen strijat në lëkurë?

Published

on

Strijat shfaqen si pasojë e tendosjes së tepërt të lëkurës. Shtresa e mesme e lëkurës, derma, është e ndërtuar nga indi lidhor dhe fijet e kolagjenit e të elastinës. Këto fije i japin lëkurës tonus dhe elasticitet.

Në rast se këto fije tërhiqen jashtë mundësive të elasticitetit për arsye të ndryshme, këputen. Këputja shfaqet në sipërfaqe, në trajtën e strijeve të lëkurës.

Shfaqja e strijeve është e zakonshme në situata të ndryshme, si për shembull:

Grave gjatë shtatzënisë u shfaqen strijat për shkak të tërheqjes së lëkurës për t’i bërë vend bebit që po zhvillohet.

Strijat ndonjëherë shfaqen kur shtoni menjëherë në peshë ose kur bini nga pesha. Adoleshentët mund të vënë re shenja të strijave për shkak të zhvillimit të tyre të menjëhershëm.

Mundësia juaj për të pasur strija rritet nëse:

Jeni grua;

Keni në familje njerëz që kanë strija;

Jeni shtatzënë;

Jeni mbipeshë;

Keni pasur një rënie ose shtim drastik në peshë.

Këshillë: Merrni disa lloj ilaçesh që ulin elasticitetin e lëkurës. /UBT News/

Continue Reading

Shëndeti

Buka në dietën tonë, e nevojshme apo rrezik për shëndetin?

Published

on

Buka ka qenë për mijëra vite një ushqim bazë në tryeza, por në kohët moderne ajo është kthyer në qendër të debateve shëndetësore.

Ndërsa shumë e konsiderojnë të domosdoshme, të tjerë e shohin si shkaktare të shtimit në peshë apo problemeve me sheqerin në gjak.

Një nga çështjet më të diskutuara është cilësia e bukës. Buka e bardhë, ndonëse e shijshme dhe e butë, përmban më pak fibra dhe proteina, ka indeks të lartë glicemik (IG), çka nënkupton se rrit nivelin e sheqerit në gjak më shpejt dhe më lart se shumë ushqime të tjera.

Kjo mund të ndikojë negativisht në nivelet e energjisë, kontrollin e urisë dhe madje të rrisë rrezikun për diabet të tipit 2 në disa individë.

Nga ana tjetër, buka integrale, sidomos ajo e bërë nga drithërat, ofron më shumë përfitime shëndetësore. Ajo është e pasur me fibra, proteina, minerale dhe karbohidrate komplekse që treten ngadalë, duke ndihmuar në mbajtjen e sheqerit në gjak të qëndrueshëm dhe në ndjesinë e ngopjes për një kohë më të gjatë.

Një alternativë tjetër është buka e thekrës, e cila rekomandohet për shkak të përmbajtjes së lartë të fibrave dhe mungesës së grurit. Ajo ndihmon në reduktimin e fryrjes dhe shqetësimeve në sistemin tretës. Prodhimi industrial i bukës shpesh përfshin konservues dhe aditivë, ekspertët bien dakord se konsumimi i bukës nuk është i dëmshëm në vetvete përkundrazi, varet nga lloji i bukës, përbërësit e saj dhe sasitë e konsumuara.

Udhëzimet dietike amerikane lejojnë deri në gjashtë feta bukë në ditë në një regjim prej 1,800–2,000 kalorish, por theksojnë rëndësinë e zgjedhjes së bukës me drithëra të plota dhe me përmbajtje të ulët të kripës e sheqerit të shtuar.

Continue Reading

Të kërkuara