Lajmet

Ja pse duhet të mendoni dy herë para se të konsumoni “Haribo”

Jo shumë njerëz e dijnë se ato zakonisht përgatiten duke përdorur pjesë të ndryshme të kafshëve.

Published

on

Karamelet prej xhelatine që njihen gjerësisht edhe si “Haribo”, pëlqehen shumë nga njerëzit në mbarë botën.

Ato preferohen për strukturën e tyre të butë xhelatinoze, aromën dhe shijen delikate.

Megjithatë, jo shumë njerëz janë të vetëdijshëm se këto ëmbëlsira zakonisht përgatiten duke përdorur pjesë të ndryshme të kafshëve.

Nga se përbëhen ëmbëlsiat prej xhelatine?

Xhelatina është një substancë organike që përbëhet kryesisht nga kolagjeni, i cili nxirret nga zierja e kockave, lëkurës dhe brirëve të kafshëve.

Pikërisht kjo përzierje që përftohet është përbërësi i përsosur për të përgatitur këto karamele me teksturë gome, pasi u jep atyre elasticitet.

Ky përbërës është gjithashtu pa shije dhe aromë, gjë që ndihmon për të krijuar lehtësisht variante të ndryshme shijesh.

Edhe pse mënyra e nxerrjes së xhelatinës nuk është një nga proceset më të këndshme për t’u parë, ky përbërës sigurisht që nuk është i pashëndetshëm për t’u konsumuar.

Për më tepër është zbuluar se xhelatina përmban aminoacide të ndryshme që gjenden në kolagjen, të cilat zakonisht nuk i konsumojmë, pasi jo shumë njerëz konsumojnë kockat dhe organet e tjera të kafshëve, të cilat janë të pasura me kolagjen.

Xhelatina është gjithashtu një përbërës i rëndësishëm për disa lloje kosi, djathërash, disa perimeve të ngrira, ilaçeve etj.

A duhet t’i evitoni?

Shumë prej produkteve që përmbajnë xhelatinë mund të mos jenë të përshtatshme për konsum, veçanërisht nga popullata vegane.

Por edhe nëse nuk jeni vegan dhe dëshironi të mos t’i konsumoni këto lloj karamelesh prej xhelatine, mjafton të gjeni ato që përmbajë zëvendësues të saj.

Agari për shembull është një zëvendësues popullor për xhelatinën me bazë shtazore, pasi e ka burimin nga algat.

Pra, edhe nëse jeni apo jo vegan, mund të vazhdoni të shijoni ëmbëlsirat tuaja të preferuara. /AgroWeb.org

Continue Reading

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara