

Botë
Izraeli sulmon caqe të Hezbollahut në Liban 6 minuta më herët
Published
8 months agoon
By
UBTnewsUshtria izraelite tha më 31 janar se ka sulmuar “disa” caqe të Hezbollahut në Luginën Beka të Libanit, dy muaj pas hyrjes në fuqi të armëpushimit me grupin libanez, me të cilin zhvilloi luftime vitin e kaluar.
Hezbollahu, i cili e kontrollon Libanin jugor, është shpallur organizatë terroriste nga Shtetet e Bashkuara, ndërsa Bashkimi Evropian e ka vendosur në listën e zezë krahun e tij të armatosur, por jo edhe partinë e tij politike.
“Caqet që u sulmuan përfshijnë një ndërtesë të Hezbollahut që ka infrastrukturë nëntokësore e cila përdoret për të zhvilluar dhe prodhuar armatim dhe infrastruktura të tjera terroriste në kufirin Siri-Liban që përdoren nga Hezbollahu për të kontrabanduar armë në Liban”, tha ushtria izraelite përmes një deklarate.
Në njoftim u tha se sulmet e kryera gjatë natës shënjestruan caqet “që paraqisnin rrezik” për Izraelin dhe trupat izraelite.
Një ditë më herët, ushtria izraelite tha se kishte rrëzuar një dron vëzhgues të Hezbollahut i cili po i afrohej territorit izraelit. Sipas ushtrisë, kjo paraqet “shkelje të armëpushimit mes Izraelit dhe Libanit”.
“Ushtria vazhdon të jetë e përkushtuar në armëpushimin mes Izraelit dhe Libanit dhe nuk do të lejojë asnjë aktivitet terrorist të këtij lloji”, tha Izraeli.
Ushtria izraelite nuk ka respektuar afatin e tërheqjes së plotë nga Libani që ishte deri më 26 janar. Tani, afati për tërheqjen e ushtrisë izraelite është 18 shkurti.
Megjithatë, Izraeli e kishte bërë të qartë se nuk synonte të përmbushte afatin e 26 janarit, duke akuzuar ushtrinë libaneze se nuk kishte respektuar pjesën e saj të marrëveshjes.
Sipas marrëveshjes së armëpushimit, që hyri në fuqi më 27 nëntor 2024, ushtria libaneze do të dislokohet në jug, teksa Hezbollahu do të tërheqë forcat në veri të lumit Litani, rreth 30 kilometra larg nga kufiri.
Grupi libanez, që mbështetet nga Irani, po ashtu duhet të shkatërrojë çdo infrastrukturë ushtarake që ka në jug të Libanit.
Hezbollahu dhe Izraeli fillimisht kishin këmbyer zjarr në vijën kufitare, pas nisjes së luftës në Gazë në tetor të vitit 2023 mes Izraelit dhe Hamasit, grupit palestinez të shpallur organizatë terroriste nga SHBA-ja dhe BE-ja.
Luftimet më pas u përshkallëzuan në tetor të vitit të kaluar, kur Izraeli nisi një ofensivë tokësore në Liban.
Gjatë luftimeve, Izraeli vrau pothuajse gjithë udhëheqjen e Hezbollahut, përfshirë udhëheqësin e kamotshëm të grupit, Hassan Nasrallahun, dhe shkatërroi arsenalin ushtarak të grupit./REL/
Botë
Dronë të paidentifikuar detyrojnë Danimarkën dhe Norvegjinë të mbyllin aeroportet
Published
12 hours agoon
September 23, 2025By
UBTnews
Danimarka dhe Norvegjia u detyruan të mbyllin aeroportet e tyre kryesore të hënën në mbrëmje për shkak të vëzhgimeve të dronëve, raporton BBC.
Policia daneze nuk ishte në gjendje të konfirmonte llojin ose numrin e dronëve të parë rreth Aeroportit të Kopenhagës, por u tha gazetarëve të martën në mëngjes se me shumë gjasa ato u fluturuan nga një “operator i aftë” që donte të “shfaqej”.
Policia konfirmoi se forcat e armatosura u aktivizuan në përgjigje të këtij incidenti, por theksoi se nuk kishte asgjë që të tregonte se dronët synonin të shkaktonin dëme.
Operacionet në Aeroportin e Kopenhagës rifilluan në orën 00:30 me orën lokale (23:30 GMT) pasi fluturimet u pezulluan për gati katër orë për shkak të vëzhgimit të dronëve. Aeroporti i Oslos gjithashtu u rihap pas katër orësh mbyllje të hapësirës ajrore.
Policia daneze tha gjithashtu se “një sërë masash do të zbatohen” si pjesë e hetimit, por nuk konfirmoi se cilat mund të jenë këto masa.
Ajo konfirmoi se rreth 20,000 pasagjerë u prekën nga mbyllja e aeroportit.
Të hënën në mbrëmje, sipas autoriteteve, dy deri në tre dronë të mëdhenj u raportuan duke fluturuar në zonën përreth Aeroportit të Kopenhagës.
Nisjet dhe uljet në aeroport u pezulluan për rreth katër orë.
Në një deklaratë, aeroporti paralajmëroi për vonesa dhe anulime të vazhdueshme dhe u bëri thirrje pasagjerëve të kontrollonin statusin e fluturimit të tyre pranë linjave ajrore.
I pyetur nga gazetarët të hënën nëse dronët ishin me origjinë ruse, Zëvendësinspektori i Policisë Jakob Hansen tha se nuk mund ta konfirmonte apo mohonte këtë.
Më vonë, në një postim në rrjetet sociale, presidenti ukrainas Volodymyr Zelensky përmendi “shkeljen e Rusisë” të hapësirës ajrore të NATO-s në Kopenhagë më 22 shtator, por nuk dha ndonjë burim për informacionin.
Liderët e BE-së dhe të NATO-s nuk kanë bërë një atribuim publik.
Në konferencën për shtyp të së martës, policia daneze tha se nuk kishte asgjë që “i lidhte menjëherë” incidentet me dronë në Norvegji dhe Danimarkë me njëra-tjetrën.
Një zëdhënës i Aeroportit të Kopenhagës konfirmoi se hapësira ajrore mbi aeroport u mbyll rreth orës 20:30 me orën lokale të hënën për shkak të dronëve të paidentifikuar.
“Asnjë avion nuk mund të ngrihet apo të ulet në aeroport, dhe si rezultat, disa fluturime po devijohen në aeroporte të tjera”, thanë ata në një deklaratë.
“Policia po heton çështjen dhe për momentin nuk kemi një afat kohor për rihapjen”.
Faqja e gjurmimit të fluturimeve, Flightradar24, raportoi se të paktën 35 fluturime të destinuara për Kopenhagë ishin devijuar si rezultat i mbylljes së aeroportit.
Në Oslo, një dron u zbulua gjithashtu pranë aeroportit kryesor të hënën në mbrëmje, konfirmoi policia norvegjeze për median vendase NRK.
Një zëdhënës i aeroportit i tha transmetuesit publik NRK se hapësira ajrore mbi aeroport u mbyll në orën 00:00 me orën lokale për shkak të “vëzhgimit të dronëve” dhe të gjitha fluturimet do të devijoheshin në aeroportin më të afërt.
Rreth orës 04:30 me orën lokale, zëdhënësi tha se Aeroporti i Oslos ishte rihapur./D.B/KP
Aktualitet
I dërguari i ShBA-së në OKB: Amerika do ta mbrojë çdo centimetër të territorit të NATO-s
Published
16 hours agoon
September 23, 2025By
UBT News
I dërguari i ri i ShBA-së në Kombet e Bashkuara, Mike Waltz, dha mendimin e tij mbi akuzat e fundit për shkelje të hapësirës ajrore ruse.
Ai i tha Këshillit të Sigurimit të OKB-së se ShBA-të e kishin paralajmëruar Rusinë të ndalonte veprimet që mund ta rrezikonin atë të përshkallëzohej në një konflikt më të gjerë pasi dronët e saj shkelën hapësirën ajrore polake nëntë ditë më parë.
Pavarësisht këtij paralajmërimi, tha theksoi se Rusia shkeli përsëri hapësirën ajrore të një anëtari të NATO-s.
“Dua të shfrytëzoj këtë mundësi të parë për të përsëritur dhe theksuar se Shtetet e Bashkuara dhe aleatët tanë do të mbrojnë çdo centimetër të territorit të NATO-s. Rusia duhet të ndalojë urgjentisht një sjellje të tillë të rrezikshme”, vijoi ai.
Ai shton se edhe një herë i bën thirrje Rusisë, si anëtare e përhershme e këtij Këshilli, të mbështesë paqen dhe sigurinë ndërkombëtare, të respektojë sovranitetin e fqinjëve të saj, të ndalojë shkeljen e hapësirës së tyre ajrore.
Gjithashtu, Waltz tha se i bën thirrje Rusisë të negociojë drejtpërdrejt me Ukrainën për t’i dhënë fund luftës/S.K/EO/Skynews/
Botë
Hamas i shkruan Trumpit: Na garanto një armëpushim në këmbim të lirimit të pengjeve
Published
17 hours agoon
September 23, 2025By
UBT News
Grupi militant islamik palestinez, Hamas i ka shkruar presidentit amerikan, Donald Trump duke i kërkuar atij të garantojë një armëpushim në Gaza në këmbim të lirimit të gjysmës së pengjeve.
”Hamasi i kërkon presidentit Trump që të garantojë një armëpushim 60-ditor në Gaza në këmbim të lirimit të gjysmës së pengjeve të mbajtura atje”, sipas ”Fox News” duke cituar një zyrtar të lartë të administratës Trump dhe një burim të përfshirë në negociata.
Letra aktualisht mbahet nga Katari dhe do t’i dorëzohet Trumpit më vonë këtë javë.
Lajmi u konfirmua edhe nga ”Times of Israel”./S.K/KP/ATSh/
Aktualitet
Macron: Franca e fokusuar tek zgjidhja paqësore me dy shtete në Lindjen e Mesme
Published
17 hours agoon
September 23, 2025By
UBT News
Presidenti i Francës, Emmanuel Macron riafirmoi thirrjen për zgjidhje paqësore me dy shtete teksa edhe zyrtarisht kanë deklaruar njohjen e shtetit të Palestinës në Asamblenë e Përgjithshme të OKB-së në Nju Jork.
“Ajo që dëshiron Franca janë dy shtete që jetojnë në paqe krah për krah: një shtet i Izraelit që njeh një shtet të Palestinës, një shtet i Palestinës që njeh një shtet të Izraelit”, tha Macron në një video në X.
Ai vuri në dukje dhimbjn, vuajtjen dhe shqetësimin e të gjithë njerëzve në Rripin e Gazës dhe atyre që jetojnë nën bombardimet pa qasje në ndihmë humanitare.
“Thellë-thellë, të gjitha jetët janë të barabarta. Dhe pas gjithë kësaj, ne kemi vjedhur jetë, kemi marrë jetë, njerëz që vuajnë. Dhe ajo që duam, ajo që dëshiron Franca, është paqja”, tha Macron.
Ministria e Jashtme palestineze e mirëpriti njohjen nga Franca, duke e cilësuar si një hap historik dhe të guximshëm që mbështet përpjekjet për arritjen e paqes dhe zbatimin e zgjidhjes me dy shtete./S.K/KP/ATSh

UBT dhe Policia e Kosovës nënshkruajnë marrëveshje bashkëpunimi për forcimin e kapaciteteve në teknologji dhe siguri publike

Ish-lojtari i Arsenalit në koma pas dëmtimit të rëndë në tru

Neymar për Topin e Artë: Vendi i pestë për Raphinhan është shaka

Camila Cabello befasoi fansen, i këndoi live në dasmën e saj

Si e përkeqëson stresi shëndetin e syve?

Dembele merr urimin e veçantë nga Leo Messi

Cardi B përqafon kulturën shqiptare: Moment i veçantë me flamurin kuqezi

Fordi zhvendos selinë kryesore për herë të parë pas 70 vitesh

Nxënësit e UBT International Smart Schools fitues të çmimit “Best Youth-Led Initiative” në Balkan International Youth Summit 2025
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës