Lajmet

Izraeli refuzon kërkesën e Ukrainës për të blerë sistemin mbrojtës “Kupola e Hekurt”

Sipas Eyal, kjo është për të shmangur zemërimin e Rusisë.

Published

4 years ago

on

Tel Avivi është i kujdesshëm që të mos përfshihet në konflikt sepse “vendosja e Rusisë në Siri do të thotë që të dy vendet në fakt ndajnë një kufi”, pretendon autori izraelit Nadav Eyal.

Gazetari dhe autori i njohur izraelit, Nadav Eyal, pretendon se Izraeli ka refuzuar që t’ia shesë Izraelit sistemin e mbrojtjes raketore Kupola e Hekurt (Iron Dome), transmeton Anadolu Agency (AA).

Në një kolumnë të shkruar për të përditshmen izraelite Yedioth Ahronoth, Eyal tha se refuzimi i Izraelit për të furnizuar Ukrainën me teknologji është për të shmangur zemërimin e Rusisë.

“Në përpjekje për të shmangur me çdo kusht përfshirjen izraelite në krizën midis Rusisë dhe Ukrainës, Izraeli refuzoi t’i shiste Kievit sistemin e mbrojtjes raketore Kupola e Hekurt për të mos i zemëruar rusët”, shkruan autori i librit “Revoltë: Kryengritja botërore kundër globalizimit” (Revolt: The Worldwide Uprising Against Globalization).

Tel Avivi është i kujdesshëm që të mos përfshihet në konflikt sepse “vendosja e Rusisë në Siri do të thotë që të dy vendet në fakt ndajnë një kufi”, shkruan ai.

Ukraina fillimisht paraqiti kërkesën e saj në SHBA pasi sistemi i mbrojtjes “u zhvillua bashkërisht nga Izraeli me Pentagonin”, shtoi Eyal.

“Kievi filloi një fushatë presioni ndaj ligjvënësve në Washington për të lehtësuar një marrëveshje. Ukrainasit gjithashtu zyrtarisht kërkuan nga SHBA të vendosë sistemet raketore amerikane Patriot dhe Kupola e Hekurt në territorin e tyre pranverën e kaluar, përpara se një pushtim rus të bëhej një mundësi reale”, pretendon gazetari.

Megjithatë, marrëveshja midis dy aleatëve “nuk lejon shitjen e teknologjisë palëve të treta pa pëlqimin e ndërsjellë”, shtoi ai.

Përkundër kësaj, disa anëtarë të Kongresit “kanë përfshirë një amendament të bashkangjitur në projektligjin e mbrojtjes të vitit 2022 që do të bënte presion ndaj Shtëpisë së Bardhë për të shitur ose transferuar sisteme të mbrojtjes ajrore dhe raketore në Ukrainë, duke përfshirë Kupolën e Hekurt”, pretendon Eyal, duke shtuar se situata e vendos Izraelin në një “pozicion të komplikuar”.

Izraeli “mund të refuzojë kërkesën e SHBA-së për të furnizuar Ukrainën me teknologjinë, ose të rrezikojë konfrontimin me Rusinë”, shkruan ai.

Izraeli përdori sistemin mbrojtës Kupola e Hekurt për të ndaluar raketat me rreze të shkurtër dhe raketat e lëshuara nga grupet e rezistencës palestineze nga Rripi i Gazës majin e vitit të kaluar.

Tensionet midis Rusisë, Ukrainës dhe Perëndimit janë përshkallëzuar kohët e fundit për shkak të një pushtimi të mundshëm të Ukrainës nga Rusia.

Moska, sipas zyrtarëve ukrainas, kohët e fundit ka grumbulluar më shumë se 100.000 trupa pranë Ukrainës, duke shkaktuar frikën se Kremlini mund të planifikojë një tjetër ofensivë ushtarake kundër fqinjit të tij ish-sovjetik.

Rusia ka mohuar se po përgatitet për pushtim dhe ka akuzuar vendet perëndimore për rrezikimin e sigurisë së saj përmes zgjerimit të NATO-s drejt kufijve rusë./AnadolyAgency

Related Topics:
Continue Reading

Botë

Turqia do të bisedojë me Hamasin për planin amerikan të Gazës

Published

32 minutes ago

on

September 30, 2025

By

Presidenti turk, Recep Tayyip Erdogan, vlerësoi më parë “përpjekjet dhe lidershipin” e Donald Trump për t’i dhënë fund luftës në Gaza.

Përfaqësuesit turq do të marrin pjesë në diskutimet me delegacionin e Hamasit mbi planin e Presidentit të SHBA-ve Donald Trump për t’i dhënë fund luftës në Gaza, tha një zëdhënës i Ministrisë së Jashtme të Katarit.

Presidenti turk, Recep Tayyip Erdogan, vlerësoi më parë “përpjekjet dhe lidershipin” e Donald Trump për t’i dhënë fund luftës në Gaza, pasi udhëheqësi amerikan siguroi mbështetjen e kryeministrit izraelit Benjamin Netanyahu për një propozim paqeje të sponsorizuar nga SHBA-të.

“Unë përgëzoj përpjekjet dhe lidershipin e presidentit amerikan Donald Trump që synojnë ndalimin e gjakderdhjes në Gaza dhe arritjen e një armëpushimi”, tha Erdogan, i cili u takua me Trump në Shtëpinë e Bardhë për herë të parë në gjashtë vjet javën e kaluar.

Turqia do të vazhdojë të kontribuojë në proces “me qëllim krijimin e një paqeje të drejtë dhe të qëndrueshme të pranueshme për të gjitha palët”, shtoi ai në X.

Një burim nga Ministria e Jashtme turke tha vonë të hënën se ministri i Jashtëm Hakan Fidan kishte diskutuar propozimin e Trump me homologët e Arabisë Saudite, Katarit dhe Jordanisë në një telefonatë./D.B/EO

Continue Reading

Lajmet

Zyra e BE-së bën thirrje për një proces të drejtë në zgjedhjen e një anëtari të ri të Këshillit Prokurorial të Kosovës

Published

37 minutes ago

on

September 30, 2025

By

Zyra e BE-së në Kosovë përmes një komunikate për media, kanë kërkuar që anëtari i ri i Këshillit Prokurorial të zgjidhet përmes një procesi të drejtë që tërheq kandidat të mirë për të njejtën pozitë.

“Pas njoftimit të Këshillit Prokurorial të Kosovës për një anëtar të ri, BE-ja në Kosovë bën thirrje për një proces të drejtë që tërheq kandidatë të fortë dhe siguron zgjedhjen e një anëtari, integriteti dhe profesionalizmi i të cilit do të forcojë sistemin prokurorial të Kosovës në dobi të publikut”, thuhet në njoftimin e Zyrës.

Nga Zyra e BE-së kanë thënë se do ta monitorojnë procesin e përzgjedhjes së anëtarit të ri të KPK-së.

“Duke pasur parasysh rëndësinë e reformës së vazhdueshme të Këshillit, siç përcaktohet në ndryshimet e fundit në Ligjin për KPK-në, BE-ja do të monitorojë nga afër procesin e përzgjedhjes.Procedurat transparente dhe të bazuara në meritë janë thelbësore për përparimin e vazhdueshëm të Kosovës në rrugën e saj të integrimit në BE.”, përfundon reagimi./D.B/EO

Continue Reading

Lajmet

Dugolli intervistohet nga Prokuroria Speciale

Published

57 minutes ago

on

September 30, 2025

By

Enver Dugolli nga Lëvizja Vetëvendosje ka bërë të ditur se është intervistuar sot në Prokurorinë Speciale të Republikës së Kosovës si i pandehur për akuza të “nxitjes së urrejtjes”.

Padi kundër tij është ngritur nga pjesëtari i Policisë së Kosovës, Shpend Istogu, i biri i Ajet Istogut.

Dugolli thotë se gjatë viteve ’80 ka qenë viktimë e dhunës fizike, psikike dhe emocionale nga Ajet Istogu dhe se kjo dhunë ka lënë pasoja edhe në shëndetin e tij.

“Padia është ngritur nga një pjesëtar i Policisë së Kosovës, Shpend Istogu, djali i ish-oficerit famëkeq të UDB-së, Ajet Istogu, i njohur për torturat e rënda ndaj të rinjve, intelektualëve dhe punëtorëve shqiptarë gjatë viteve ’80”, ka shkruar Dugolli.

Ai ka shtuar se për familjarët që ngrenë padi, nuk ka kërkuar të mbrojnë krimet e të afërmit të tyre, por të tregojnë pak dinjitet, qoftë edhe në formën e heshtjes.

“Unë nuk kam çfarë të tërheq nga ajo që kam deklaruar. Përkundrazi, kam bërë denoncime publike dhe do të vazhdoj t’i bëj. Unë prisja të intervistohesha si viktimë dhe dëshmitar i krimeve të rënda të kryera ndaj të burgosurve politikë. Nuk e kam pritur kurrë të intervistohem për këso lloj pretendime”, ka shkruar Dugolli.

Në të kaluarën, Dugolli ka përmendur emrat e disa shqiptarëve që sipas tij kanë punuar për UDB-në dhe kanë kryer tortura. Ndër emrat që ka përmendur janë: Ajet Istogu, Isa Bunjaku, Lutfi Ajazi, Hamëz Hajra dhe Tahir Shala./D.B/EO

Continue Reading

Botë

Sulmi me dronë rus vret një familje të tërë ukrainase

Published

59 minutes ago

on

September 30, 2025

By

Një familje e tërë, një çift i martuar dhe dy djemtë e tyre të vegjël janë vrarë në një sulm me dron rus gjatë natës në rajonin verilindor Sumy të Ukrainës, thanë zyrtarët lokalë.

Kreu rajonal Oleh Hryhorov tha se një ndërtesë banimi u godit në fshatin Chernechchyna. Trupat e dy fëmijëve, të moshës katër dhe gjashtë vjeç, dhe të prindërve të tyre u nxorën më vonë nga rrënojat, shkruan BBC.

Forca ajrore e Ukrainës tha se njësitë e saj qëlluan 46 nga 65 dronë rusë në të gjithë vendin – por pati 19 goditje të drejtpërdrejta në gjashtë vende.

Ushtria ruse nuk ka komentuar. Në një deklaratë, tha se 81 dronë ukrainas u shkatërruan gjatë natës në pesë rajone ruse./D.B/KP

Continue Reading

Të kërkuara