Lajmet

​Izraeli paralajmëron palestinezët që të mos lëvizin në veri të Gazës gjatë pauzës humanitare

Sipas një gazetari të Anadolu në terren, ushtria izraelite hodhi fletëpalosje në pjesët jugore të Gazës.

Published

on

Ushtria izraelite të premten paralajmëroi palestinezët që të mos lëvizin në pjesët veriore të Rripit të Gazës gjatë pauzës humanitare që hyri në fuqi herët në mëngjes.

Sipas një gazetari të Anadolu në terren, ushtria izraelite hodhi fletëpalosje në pjesët jugore të Gazës, duke përfshirë qytetin Rafah, duke urdhëruar që të mos lëviznin në veri mes thirrjeve të palestinezëve për të lëvizur atje pasdite.

“Për banorët e Rripit të Gazës, lufta nuk ka përfunduar ende, pauza humanitare është e përkohshme dhe rajoni verior i Gazës është një zonë lufte”, thuhet në fletëpalosje, shkruan Anadolu Agency.

Aty gjithashtu sqarohet se lëvizja lejohet vetëm nga veriu në jug përmes rrugës Salahuddin në anën lindore të enklavës së vogël.

“Kthimi në veri është i ndaluar dhe i rrezikshëm, fati juaj dhe i familjes suaj janë në duart tuaja”, thuhet në përfundimin e fletëpalosjes.

Katari më herët të enjten tha se një marrëveshje për pauzë humanitare midis Izraelit dhe Hamasit në Rripin e Gazës do të fillojë në orën 7 të mëngjesit sipas orës lokale (0500 GMT) të premten.

Izraeli nisi sulme të pamëshirshme ajrore dhe tokësore në Rripin e Gazës pas një sulmi ndërkufitar nga grupi palestinez Hamas më 7 tetor.

Numri i palestinezëve të vdekur nga sulmet izraelite në Rripin e Gazës është rritur në 14,854, tha të enjten zyra për mediave qeveritare në enklavën e bllokuar.

Numri zyrtar i të vdekurve në Izrael është 1 mijë e 200.

Lajmet

Sot fillon zyrtarisht fushata elektorale për balotazh

Published

on

By

Sot ka nisur edhe zyrtarisht fushata elektorale për raundin e dytë të zgjedhjeve lokale në Kosovë.

Pas përfundimit të raundit të parë të zgjedhjeve me 12 tetor, shumica e komunave të Kosovës mësuan kryetarin e ardhshëm të tyre, kurse në 18 komuna do të votohet në balotazh për të përcaktuar kryetarin e ri.

Fushata elektorale përfundon të dielën në ora 06:59, teksa qendrat e votimit zyrtarisht pritet të hapen nga ora 07:00.

Kujtojmë se LVV është në balotazh në 12 komuna të Kosovës, LDK në 9 komuna, PDK në 6 komuna teksa AAK në 5 komuna./KP

Continue Reading

Lajmet

​Real Madridi i hapur të dëgjojë ofertat për yllin e skuadrës

Published

on

E ardhmja e Eduardo Camavinga-s te Real Madridi është vënë në dyshim, sepse sipas “Fichajes.net”, klubi spanjoll është i gatshëm të dëgjojë ofertat për mesfushorin francez, i cili nuk ka qenë titullar i rregullt që nga ardhja e trajnerit Xabi Alonso.

Liverpooli ka ringjallur interesin për 22-vjeçarin dhe po përgatit një ofertë prej rreth 60 milionë eurosh, ndërsa Real Madridi pritet të kërkojë më shumë, ndoshta deri në 80 milionë euro.

Camavinga, që ka kontratë deri në vitin 2029, ka treguar shumë fleksibilitet në fushë, por me Valverden dhe Tchouaménin si titullarë, ai po has vështirësi për të gjetur hapësirë.

Liverpooli e sheh francezin si përforcim ideal për mesfushën, duke vlerësuar fuqinë fizike dhe përvojën e tij në Ligën e Kampionëve.

Megjithatë, largimi i tij gjatë dimrit duket i vështirë, pasi Real Madridi dëshiron ta mbajë skuadrën të plotë deri në fund të sezonit. Situata pritet të rishqyrtohet në verë, nëse Camavinga vazhdon të ketë pak minuta në Bernabeu./S.K/KP/

Continue Reading

Lajmet

Spiropali vizitë zyrtare në Hagë

Published

on

By

Ministrja për Europën dhe Punët e Jashtme në Shqipëri, Elisa Spiropali ka mbërritur për një vizitë zyrtare në Hagë të Mbretërisë së Holandës.

Në Hagë, Spiropali do të pritet nga Ministri i Jashtëm holandez, David van Weel, me të cilin do të firmosin një deklaratë të përbashkët për fuqizimin e partneritetit në kontekstin e mbështetjes për integrimin europian të vendit.

Gjatë ditës së sotme, ajo do të vizitojë Ish-presidentin Hashim Thaçi, në institucionin e Paraburgimit të Gjykatës Speciale.

Ministrja do të mbajë një leksion të hapur në Universitetin e Shkencave të Aplikuara të Hagës, me studentët dhe akademikët e Programit të Studimeve Europiane rreth agjendës së angazhimeve që Shqipëria ka ndërmarrë për të garantuar standardet europiane./TCh/EO

Continue Reading

Lajmet

Izraeli konfirmon kthimin trupave të tre ushtarëve nga Hamasi

Published

on

Izraeli ka konfirmuar identitetin e tre pengjeve të vdekur, trupat e të cilëve i mori nga Hamasi nëpërmjet Kryqit të Kuq në Gaza të dielën.

Testet mjeko-ligjore treguan se mbetjet ishin ato të ushtarëve izraelitë Kolonel Asaf Hamami, 40 vjeç, Kapiten Omer Neutra, 21 vjeç, dhe Rreshterit të Shtabit Oz Daniel, 19 vjeç, tha zyra e kryeministrit.

Konfirmimi do të thotë se tetë pengje të vdekur izraelitë dhe të huaj janë ende në Gaza.

Sipas fazës së parë të marrëveshjes së armëpushimit të ndërmjetësuar nga SHBA-të me Izraelin, e cila filloi më shumë se tre javë më parë, Hamasi pranoi të kthejë të 20 pengjet e gjallë dhe 28 pengjet e vdekur që mbante./S.K/KP/BBC/

Continue Reading

Të kërkuara