Aktualitet

Izraeli: Është një ‘mundësi e madhe’ që gazetarja Abu Akleh të jetë goditur nga një ushtar i yni

Autoritetet izraelite publikuan rezultatet e hetimit të tyre për vrasjen.

Published

on

Izraeli thotë se nuk do të nisë një hetim penal për vrasjen e gazetares së Al Jazeera-s, Shireen Abu Akleh.

Izraeli ka thënë se ka një “mundësi të madhe” që gazetarja e vrarë e Al Jazeera-s, Shireen Abu Akleh, të jetë “goditur aksidentalisht” nga zjarri i ushtrisë izraelite, por shtoi se nuk do të nisë një hetim penal.

Autoritetet izraelite publikuan rezultatet e hetimit të tyre për vrasjen. Dëshmitarët, Al Jazeera dhe hetime të shumta nga Kombet e Bashkuara, grupet e të drejtave të njeriut dhe organizatat mediatike kishin thënë të gjithë se një ushtar izraelit vrau gazetaren, Abu Akleh.

Hetimi izraelit pretendoi se ushtarët izraelitë ishin sulmuar nga luftëtarët palestinezë në vendngjarje, një pretendim që nuk është vërtetuar nga pamjet e incidentit.

“Nuk është e mundur të përcaktohet pa mëdyshje burimi i të shtënave që goditi dhe vrau zonjën Abu Akleh”, thuhet në raport, duke shtuar se mbetet një “mundësi” që ajo “të jetë goditur nga plumbat e qëlluara nga persona të armatosur palestinezë”.

“Pas ekzaminimit gjithëpërfshirës të ngjarjes dhe bazuar në të gjitha konstatimet, Avokati i Përgjithshëm Ushtarak konstatoi se në rrethanat e rastit nuk dyshohet për vepër penale që justifikon hapjen e hetimit të Policisë Ushtarake”, thuhet në raport.

Në një konferencë për gazetarët përpara publikimit të rezultateve, zyrtarë të lartë të ushtrisë izraelite thanë se e kishin takuar ushtarin dhe se “nëse ai e bëri atë, e bëri gabimisht”.

Ata gjithashtu thanë vazhdimisht se ishin “shumë krenarë për sjelljen e ushtarëve tanë” dhe se ushtarët “ishin informuar dhe vepruan sipas procedurës”.

Abu Akleh, gazetarja 51-vjeçare, u qëllua për vdekje nga forcat izraelite më 11 maj, ndërsa mbulonte një sulm të ushtrisë në Jenin, në Bregun Perëndimor të pushtuar verior.

Hetime të shumta të detajuara duke përfshirë Kombet e Bashkuara, Autoritetin Palestinez (PA) dhe disa media, si CNN dhe Associated Press (AP), zbuluan se Abu Akleh u qëllua përfundimisht nga zjarri izraelit dhe se nuk kishte luftëtarë palestinezë në vendngjarje, kur ajo u vra.

Gazetarët që qëndruan pranë saj dhe dëshmuan vrasjen thanë gjithashtu se nuk kishte asnjë luftëtar palestinez./UBTNews/

Vendi

​Digjet një autobus në Duhël të Suharekës, nuk ka të lënduar

Published

on

Një autobus nën rrethana të pasqaruara ka marrë flakë ditën e djeshme gjatë lëvizjes në Duhël të Suharekës.

Shaqir Bytyqi, zëdhënës i policisë në Prizren, ka konfirmuar, se rasti ka ndodhur rreth orës 16:16 dhe se njësitet e policisë dhe zjarrfikësit kanë dalë menjëherë në vendngjarje.

“Zjarri është lokalizuar dhe shuar me sukses. Sipas të dhënave fillestare, si pasojë e zjarrit janë shkaktuar dëme materiale, ndërsa persona të lënduar nuk ka”, tha ai.

Rasti është duke u hetuar nga njësitë përkatëse policore për të përcaktuar shkaqet./S.K/KP/

Continue Reading

Aktualitet

Mot me shi e borë, ja parashikimi për ditën e hënë

Published

on

Gjatë kësaj jave, vendi ynë do të ndikohet nga masa ajrore të paqëndrueshme me origjinë perëndimore dhe veriperëndimore, të cilat do të kushtëzojnë mot të ndryshueshëm dhe me reshje.

Siç njofton, Instituti Hidrometeorologjik i Kosovës, në zonat e ulëta pritet shi me intensitet mesatar deri në të lartë, ndërsa në viset e larta malore reshjet do të jenë të përziera – shi dhe borë, veçanërisht në lartësitë mbi 1 mijë e 500 metra mbi nivelin e detit.

Sot moti do të jetë kryesisht i vranët dhe me riga shiu, temperaturat minimale sillen nga 5-7°C.

Kurse, ato maksimalet pritet të jenë nga 8 deri në 11°C. /A.Z/UBT News/

Continue Reading

Aktualitet

Rënie të temperaturave, ja parashikimi i motit

Published

on

Fillimi i tetorit ka shënuar një rënie të ndjeshme të temperaturave, ndërsa në disa vende të Kosovës kanë pasur edhe reshje bore.

Sot mbi vendin tonë do të mbajë mot pjesërisht i vranët e me mundësi të reshjeve.

Temperaturat e ditës do të luhaten nga 1°C deri në 5°C, ndërsa ato të natës mund të zbresin deri në -1°C.

Moti me shi dhe reshje bore do të vazhdojë deri javën e ardhshme, ndërsa më pas pritet një rritje e temperaturave. /A.Z/UBT News/

 

Continue Reading

Rajoni

Rektori Hajrizi: Studentët e UBT-së, të gatshëm për tregun global të punës

Published

on

UBT ka dëshmuar se është institucioni lider në arsim, shkencë dhe inovacion në Kosovë e rajon, duke nxjerrë kuadro profesionale që sot kontribuojnë në kompani e industri të nivelit botëror. Në një intervistë në FIVE të Dukagjinit, Rektori i UBT-së, Prof. Dr. Edmond Hajrizi, thekson se përmes programeve moderne dhe industrive të krijuara brenda institucionit, studentët përgatiten jo vetëm për tregun e punës vendor, por edhe për atë global.

“Ne prodhojmë 400 arkitektë në vit, dhe nuk është se ka aq kompani vendore për t’i absorbuar. Ata punojnë për kompani globale. Po ashtu, ne përgatisim 1.000 programerë çdo vit, dhe kërkesa nuk është vetëm në Kosovë. Janë të mjaftueshme për tregun vendor, por ka kërkesa edhe në nivel botëror”, tha Rektori Hajrizi.

Ai nënvizoi se UBT ka arritur të harmonizojë kërkesat e tregut të punës me programet akademike, duke krijuar kushte që studentët të kenë qasje në teknologjitë më të reja, sikurse universitetet dhe industritë më të zhvilluara të botës.

“Studenti ynë ka mundësi të mësojë e të punojë me teknologjitë më të fundit, njësoj sikur studentët e universiteteve elitare në botë. Ne kemi krijuar edhe industri të brendshme, kompani ku studentët përjetojnë të gjithë ciklin organizativ të teknologjive dhe të kompanive moderne, në mënyrë që kur të dalin në treg të jenë të gatshëm menjëherë”, u shpreh Rektori.

Ai veçoi si shembull programet e arkitekturës dhe urbanizmit, ku studentët përgatiten me koncepte moderne të projektimit, por edhe fushën e “smart cities”, ku UBT është shembull ndërkombëtar për ndërtimin e qyteteve të mençura.

“Smart cities janë e ardhmja e qyteteve dhe e organizimit modern. Ne kemi treguar se edhe nga Kosova mund të ndërtohen modele të tilla të suksesshme. Nuk ka teknologji që e gjen në Amerikë, Gjermani apo Japoni, e që nuk mund ta hasësh edhe në UBT”, theksoi Hajrizi.

Duke folur për rolin e UBT-së në rajon, Rektori nënvizoi se institucioni ka qenë gjithmonë pararojë me programe unike dhe inovative, duke filluar që nga viti 2001 me menaxhimin inxhinierik, mekatronikën dhe më pas me teknologjitë e reja.

“Besoj se për Ballkanin gjithmonë kemi qenë një lloj lidershipi. Ne kemi qenë të parët që kemi hapur programe moderne, kemi krijuar qendra kërkimore dhe jemi pozicionuar ndërkombëtarisht, nga Londra, Vjena, deri në Finlandë. Ky është tregues se UBT është institucion proaktiv dhe inovativ në nivel global”, theksoi ai.

Në fund, Rektori Hajrizi potencoi se studentët e UBT-së nuk duhet të kenë kompleks inferioriteti, sepse tashmë kanë dëshmuar se janë të barabartë, madje shpesh më të mirë se bashkëmoshatarët e tyre në universitete ndërkombëtare.

“Shumë prej tyre sot punojnë në Zvicër, Gjermani, Amerikë, e më gjerë, duke kontribuar në zhvillime globale. Ky është konfirmim se UBT po udhëheq në Ballkan, duke prodhuar dije e kuadro të nivelit botëror”, përfundoi Rektori Hajrizi.

Continue Reading

Të kërkuara