Aktualitet

Izraeli dhe Maroku thellojnë bashkëpunimin

Published

4 years ago

August 12, 2021

UBT news

Ministrat e jashtëm të Izraelit dhe Marokut nënshkruan tri marrëveshje. të cilat pasojnë normalizimin e raporteve mes dy vendeve vitin e kaluar.

Ministri i Jashtëm i Izraelit, Yair Lapid po qëndron në Marok dhe me homologun i tij, Nasser Bourita nënshkruan marrëveshje për konsultimet politike, aviacionin dhe kulturën.

“Marrëveshjet do t’iu sjellin vendeve tonë mundësi për të mirën e fëmijëve tanë”, tha ministri Lapid.

Izraeli dhe Maroku arritën një marrëveshje vitin e kaluar pasi presidenti i atëhershëm amerikan Donald Trump njohu sovranitetin e kontestuar të Marokut në Saharën Perëndimore.

“Sot, ne po rivendosim paqen dhe po rikthejmë miqësinë”, tha Lapid.

Maroku ishte shteti i katërt arab që normalizoi raportet me Izraelin vitin e kaluar pas Emirateve të Bashkuara Arabe, Bahreinit dhe Sudanit.

Të enjten, Lapid do të hapë zyrtarisht përfaqësimin diplomatik të Izraelit në kryeqytetin Rabat.

Sekretari amerikan i Shtetit, Antony Blinken, e quajti vizitën e ministrit izrealit në Marok si “domethënëse për Izraelin, Marokun dhe rajonin”.

“Shtetet e Bashkuara do të vazhdojnë të punojnë me Izraelin dhe Marokun për të forcuar të gjitha drejtimet e partneriteteve tona dhe për të krijuar një të ardhme më paqësore, të sigurt dhe të begatë për të gjithë njerëzit e Lindjes së Mesme”, tha Blinken përmes një deklarate./REL

Aktualitet

Tentimvrasja në Pejë, i dyshuari në arrati

Published

21 hours ago

April 23, 2025

Albina Zeneli

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Aktualitet

Seanca konstituive vazhdon të premten në ora 10:00

Published

22 hours ago

April 23, 2025

Albina Zeneli

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

Aktualitet

Burimet e Vatikanit zbulojnë detaje të momenteve të fundit të Papës

Published

22 hours ago

April 23, 2025

Albina Zeneli

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.