Prishtinë – Në fushën e kirurgjisë së përgjithshme dhe veçanërisht të kirurgjisë abdominale, Prof. Ass. Dr. Bedri Braha përfaqëson një profil profesional të lidhur me përvojën klinike, mësimdhënien universitare dhe përdorimin e teknikave bashkëkohore kirurgjikale. Si specialist i Kirurgjisë së Përgjithshme, subspecialist i Kirurgjisë Abdominale dhe laparoskopist, Dr. Braha ushtron veprimtarinë profesionale në United Hospital, duke ofruar vlerësim dhe trajtim kirurgjikal për një gamë të gjerë patologjish.

Një ndër fushat me rëndësi të veçantë në kirurgjinë abdominale është trajtimi i tumoreve të zorrës së trashë, përfshirë pjesën rektosigmoide. Në rastet kur diagnostikohet një tumor i tillë, trajtimi përcaktohet në bazë të lokalizimit, stadit të sëmundjes dhe karakteristikave histopatologjike.

Në shumë raste, ndërhyrja kirurgjikale është pjesë qendrore e trajtimit, ku synohet heqja e segmentit të prekur së bashku me nyjet limfatike përreth, ndërsa pas ndërhyrjes mund të rekomandohen trajtime shtesë, si kimioterapia apo radioterapia, në varësi të stadit dhe vlerësimit të ekipit mjekësor.

Një rëndësi të veçantë ka diagnostikimi në kohë. Ndryshimet e vazhdueshme në zakonet e jashtëqitjes, prania e gjakut në jashtëqitje, dhimbjet ose ngërçet e përsëritura të barkut, fryrja e vazhdueshme, humbja e pashpjegueshme e peshës dhe lodhja e zgjatur janë simptoma që nuk duhet të neglizhohen. Ato nuk nënkuptojnë domosdoshmërisht praninë e një tumori, por kërkojnë vlerësim mjekësor, veçanërisht kur janë të vazhdueshme ose përsëriten.

Në praktikën moderne kirurgjikale, qasja laparoskopike mund të ofrojë alternativa më pak invazive për pacientë të përzgjedhur, gjithmonë në varësi të diagnozës, gjendjes së pacientit dhe indikacionit kirurgjikal. Vendimmarrja duhet të bazohet në ekzaminimin klinik, imazherinë, analizat përkatëse dhe vlerësimin multidisiplinar.

Prof. Ass. Dr. Bedri Braha është gjithashtu profesor i kirurgjisë në UBT, anëtar i Shoqatës së Kirurgëve të Përgjithshëm të Kosovës dhe anëtar i Bordit në Kolegjin Kosovar të Kirurgëve. Kjo ndërthurje e aktivitetit klinik me atë akademik e vendos profesionin e tij në një dimension ku kujdesi për pacientin, edukimi mjekësor dhe zhvillimi i praktikave bashkëkohore kirurgjikale plotësojnë njëri-tjetrin.

Në një kohë kur ndërgjegjësimi shëndetësor dhe diagnostikimi i hershëm kanë rëndësi gjithnjë e më të madhe, mesazhi kryesor mbetet i qartë: simptomat e pazakonta dhe të vazhdueshme nuk duhen injoruar. Konsultimi me mjekun specialist dhe vlerësimi profesional janë hapat e parë drejt një diagnoze të saktë dhe një plani të përshtatshëm trajtimi.

Prof. Ass. Dr. Bedri Braha, Dr. Sci.
Specialist i Kirurgjisë së Përgjithshme
Subspecialist i Kirurgjisë Abdominale | Laparoskopist
Profesor i Kirurgjisë në UBT

United Hospital
📍 M2 Prishtinë–Ferizaj, Km 7, Prishtinë
📞 038 60 70 70 / 046 60 70 70

Të rinjtë nga Kosova dhe rajoni po tregojnë interesim të madh për studimet Master në UBT, duke zgjedhur programe të orientuara drejt specializimeve, zhvillimit profesional dhe ndërtimit të një karriere të qëndrueshme, duke përfituar njëkohësisht nga fleksibiliteti i studimeve dhe përshtatja e tyre me angazhimet profesionale.

Me një ofertë të gjerë akademike, UBT u mundëson studentëve të zgjedhin ndërmjet fushave të ndryshme, nga biznesi dhe teknologjia, deri te inxhinieria, drejtësia, arkitektura, shkencat politike, psikologjia, shëndetësia, ushqimi, bujqësia dhe fushat e tjera profesionale.

Programet në nivelin Master në UBT: 

• Menaxhment, Biznes dhe Ekonomi
• FinTech dhe Menaxhimi i Inovacionit
• Inxhinieri e Ndërtimit dhe Infrastrukturë
• Shkenca Kompjuterike dhe Inxhinieri
• Inxhinieria e Trafikut dhe Transportit
• Sistemet e Informacionit dhe Menaxhment
• Inxhinieri e Mekatronikës
• Arkitekturë dhe Planifikim Hapësinor
• Inxhinieri e Energjisë dhe Mjedisi
• E Drejta Penale
• E Drejta Civile dhe Pronës
• E Drejta Komerciale
• Gjuhë, Media dhe Komunikim
• Politika Publike dhe Menaxhim
• Shkenca Politike
• Studime të Sigurisë
• Psikologji
• Shkencat dhe Teknologjia e Ushqimit
• Shëndet Publik dhe Menaxhim
• Biokimi
• Shkencat Paramjekësore
• Agrikulturë dhe Mjedis
• Shëndet dhe Aktivitet Fizik

Veçantia e ofertës akademike të UBT-së qëndron edhe në ndërthurjen e njohurive teorike me përgatitjen praktike, duke synuar që studentët të jenë të gatshëm për sfidat e tregut bashkëkohor të punës. Programet janë të konceptuara për t’u mundësuar studentëve avancimin në profesionin e tyre, ndryshimin e fushës së karrierës apo përgatitjen për studime të mëtejshme akademike.

Përmes qasjes në teknologji moderne, infrastrukturës bashkëkohore, stafit akademik vendor dhe ndërkombëtar dhe mundësive për bashkëpunime me industri dhe kompani prestigjioze botërore, studentët kanë mundësi të zgjerojnë njohuritë dhe të zhvillojnë aftësitë e nevojshme për profesionet e së ardhmes.

Programet Master në UBT ofrojnë diplomë të njohur ndërkombëtarisht, ndërsa gama e gjerë e specializimeve u jep mundësi studentëve që të zgjedhin programin në përputhje me interesat, profesionin dhe objektivat e tyre të karrierës.

APLIKO TANI ONLINE!

Në raportin njëditor të Policisë së Kosovës është raportuar për një lëndim të rëndë trupor në Fushë Kosovë.

Sipas raportit policor, tre burra kanë pësuar lëndime të renda trupore pasi janë sulmuar fizikisht nga një person, i cili gjatë incidentit ka shtënë edhe me armë zjarri.

Ndërsa në vendin e ngjarjes janë gjetur dhe sekuestruar dy gëzhoja.

Viktimat kanë pranuar trajtim mjekësor, ndërsa i dyshuari është në kërkim të policisë. /E.A/

Ministri i Punëve të Jashtme dhe Diasporës së Kosovës, Glauk Konjufca, ka shprehur keqardhje për deklaratën e presidentit ukrainas Volodymyr Zelensky në Beograd, ku ai rikonfirmoi mosnjohjen e pavarësisë së Kosovës gjate qëndrimit te tij në Serbi.

Përmes një reagimi në rrjetin X, Konjufca ka rikujtuar se që nga dita e parë e agresionit rus, Kosova ka qëndruar pa hezituar krah Ukrainës duke vendosur sanksione ndaj Rusisë, duke ofruar ndihmë humanitare e ushtarake, si dhe strehim për gazetarët ukrainas, përkundër faktit që Ukraina nuk e njeh shtetësinë e Kosovës.

“E bëmë këtë me gjithë mosnjohjen e shtetit tonë nga Ukraina, sepse solidariteti me një popull që mbron lirinë, sovranitetin dhe integritetin e tij territorial është çështje parimi”, thuhet në reagimin e Konjufcës.

Në reagim vihet në pah se përderisa Kosova i është bashkuar plotësisht sanksioneve të BE-së kundër Rusisë, Serbia nuk e ka bërë një gjë të tillë. Po ashtu, theksohet se shtetësia e Kosovës është produkt i çlirimit nga regjimi i Millosheviqit dhe procesit ndërkombëtar të udhëhequr nga OKB-ja, i konfirmuar edhe nga Gjykata Ndërkombëtare e Drejtësisë (GJND).

“Përpjekjet e Rusisë për ta përdorur Kosovën si precedent apo arsyetim për pushtimin, okupimin apo tentim-aneksimin e territorit ukrainas janë historikisht dhe ligjërisht të rreme. Asnjë paralelizëm i tillë nuk ekziston”, shkruan Konjufca.

MPJD-ja i ka bërë thirrje Ukrainës për njohjen e Republikës së Kosovës, duke nëvizuar se Kosova e refuzon me vendosmëri çdo kornizim të shtetësisë së saj përmes prizmit të integritetit territorial të Serbisë.

“E mirëpresim njohjen e Republikës së Kosovës nga Ukraina. Një vendim i tillë do të fuqizonte vetë parimet e lirisë, demokracisë dhe të drejtës ndërkombëtare që vetë Ukraina po i mbron sot”, përfundoi ministri Konjufca. /E.A/