Lajmet

Italia fajëson grupin Wagner për rritjen e emigracionit

Grupi Wagner besohet se vepron në disa vende afrikane, sikurse Libi, Mali dhe në Republikën e Afrikës Qendrore.

Published

4 years ago

on

Ministri italian i Mbrojtjes, Guido Crosetto tha se numri në rritje i emigrantëve që kalojnë Mesdheun vjen si pasojë e “luftës hibride” që u zhvillua nga Rusia duke përdorur mercenarë si përfaqësues të vendeve që mbështesin Ukrainën.

“Unë mendoj se tani është e domosdoshme të thuhet se rritja eksponenciale e fenomenit migrator që niset nga brigjet afrikane është gjithashtu, në një masë jo të parëndësishme, pjesë e një strategjie të qartë të luftës hibride që divizioni Wagner po zbaton, duke përdorur peshën e saj të konsiderueshme në disa vende afrikane”, njoftoi Crosetto përmes një deklarate.

Besohet se grupi Wagner vepron në disa vende afrikane, sikurse Libi, Mali dhe në Republikën e Afrikës Qendrore. Ky grup u përfshi jashtëzakonisht shumë gjatë përpjekjeve të Rusisë për ta kapur qytetin e Bakhmutit, në Ukrainën lindore.

“Ashtu si BE, NATO dhe Perëndimi e kanë kuptuar se sulmet kibernetike ishin pjesë e konfrontimit global që hapi lufta në Ukrainë, ato gjithashtu duhet të kuptojnë se edhe fronti i Evropës Jugore po bëhet çdo ditë më i rrezikshëm”, tha Crosetto.

Rritja e emigrantëve nga Afrika

Diku 20 mijë njerëz kanë hyrë në Itali këtë vit, krahasuar me 6 mijë e 100 në periudhën e njëjtë të vitit 2022, tregojnë të dhënat e Ministrisë së Brendshme të Italisë. Vetëm gjatë javës së kaluar, diku 1 mijë e 200 njerëz arritën në brigjet italiane.

Ky është një problem për qeverinë e kryeministres Giorgia Meloni, e cila krijoi një platformë për emigracionin. Në fillim të këtij muaji ajo u bëri thirrje liderëve të BE-së që të bëjnë më shumë për të ndaluar emigracionin e paligjshëm. Ajo tha se bandat kriminale dhe trafikantët e njerëzve nuk duhet të kontrollojnë fluksin e emigrantëve dhe paralajmëroi për presion të paprecedentë nga numri i njerëzve që përpiqen të arrijnë në Evropë./UBTNews/

Related Topics:
Continue Reading

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

8 hours ago

on

October 30, 2026

By

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Continue Reading

Lajmet

Akil Gjakova mbyll garën pa medalje në Abu Dhabi

Published

9 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

9 hours ago

on

October 30, 2026

By

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/

Continue Reading

Lajmet

Laura Fazliu fiton të bronztën në Grand Slam

Published

9 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Të kërkuara