

Lajmet
Itali: Rojet bregdetare shpëtojnë 573 emigrantë pranë Sardenjës
Përfshirë 59 fëmijë, shumë prej të cilëve të pashoqëruar.
Published
3 years agoon
By
UBT newsRoja bregdetare e Italisë ka shpëtuar rreth 600 emigrantë pasi dy anije peshkimi u përballën me shumë vështirësi në mot të keq të martën, përcjell UBT News.
Operacioni i shpëtimit u zhvillua rreth 100 kilometra larg bregut jugor të Sardenjës, thanë autoritetet.
Një total prej 573 personash u sollën të sigurt në breg, duke përfshirë 59 fëmijë, shumë prej të cilëve të pashoqëruar.
Trupi i një emigranti – i cili thuhet se kishte vdekur disa ditë më parë – u gjet gjithashtu në bordin e një prej anijeve.
Emigrantët e shpëtuar do të zbresin në portin sicilian të Augustas, u tha në një deklaratë.
Sipas Organizatës Ndërkombëtare për Migracionin (IOM), rreth 10,570 emigrantë kanë mbërritur në brigjet evropiane nga deti që nga fillimi i vitit, ndërsa të paktën 229 kanë vdekur gjatë tentativës për kalim.
Ndërkohë, anija e OJQ-së Sea Watch po pret gjithashtu në det pavarësisht kushteve të këqija atmosferike me 129 emigrantë të tjerë që shpëtoi të shtunën e kaluar./UBTNews/
Lajmet
Policia në Pejë realizoi 87 urdhёresa tё gjykatave për arrestime
Published
12 minutes agoon
August 7, 2025By
UBTnews
Drejtoria Rajonale e Policisё nё Pejё, Stacionet Policore, nga data 01.07.2025 deri me datё 31.07.2025, kanё realizuar 87 urdhёresa tё gjykatave kompetente.
“Personat e arrestuar, tё dyshuar pёr vepra tё ndryshme penale, nёntёmbёdhjetё (19) nga tё dyshuarit janё dёrguar nё vuajtje tё dënimit nё qendrat e paraburgimit, ndёrsa tё tjerёt janё dёrguar nё seanca gjyqёsore dhe pas kryerjes së obligimeve janë liruar. Drejtoria Rajonale e Policisё nё Pejё, do tё vazhdoj me realizimin e urdhёresave tё lёshuara nga Gjykatat kompetente”, njoftoi Policia e Kosovës.
Lajmet
Përditësohen të dhënat në pikat kufitare, 20 minuta pritje për të hyrë në Kosovë
Published
53 minutes agoon
August 7, 2025By
UBTnews
Janë përditësuar të dhënat mbi fluksin në kufi, nga Qendra Kombëtare për Menaxhim Kufitar.
Sipas të dhënave të publikuara në faqen zyrtare, aktualisht pritjet për të hyrë në Kosovë janë të shkurtra, transmeton KosovaPress.
Pritjet më të gjata raportohen në pikën kufitare në Dheu i Bardhë ku pritjet për të hyrë në Kosovë shkojnë deri në 20 minuta, kurse në pikat tjera kufitare raportohen pritje nga 3 deri në 5 minuta.
Përditësimi i të dhënavë të fundit është në ora 7:28 të mëngjesit.
Aktualitet
Sot mbahet protestë gjithëpopullore kundër Gjykatës Speciale
Published
1 hour agoon
August 7, 2025By
UBT News
Lajm i përditësuar: Organizatat e dala nga lufta e Ushtrisë Çlirimtare të Kosovës do të organizojë sot protestë gjithëpopullore kundër Gjykatës Speciale dhe për të kundërshtuar vijueshmërinë e procesit gjyqësor ndaj ish-krerëve të UÇK-së në Hagë.
Kjo protestë do të organizohet në sheshin “Skënderbeu” në Prishtinë me fillim ora 17:00.
Gjatë protestës do të kërkohet reagim institucional lidhur me këtë proces, ku në njërin prej njoftimeve të organizatës thuhet se duke pasur parasysh mosreflektimin e partive politike për konstituimin e institucioneve, dhe mosrespektimin e vendimit të Gjykatës Kushtetuese, në takim u vendos që të mbahet protestë gjithëpopullore.
I ftuar si folës në këtë protestë është edhe Lideri i shqipëtarëe të Maqedonisë së Veriut, Ali Ahmeti.
Kryetari i Prishtinës, Përparim Rama, ka marrë vendim që të gjithë autobusët e transportit publik në kryeqytet të jenë pa pagesë gjatë ditës së sotme si shenjë solidariteti me kërkesat e veteranëve të luftës, të cilët kanë kritikuar ashpër veprimet e Gjykatës Speciale.
Aktualitet
Gjyqtari Laban nga i dënuar në Serbi, si gjyqtar në Kosovë
Published
2 hours agoon
August 7, 2025By
UBT News
Radomir Laban, gjyqtari i Gjykatës Kushtetuese nga komuniteti serb së fundi është emri me vëmendje tek opinioni publik në Kosovë pikërisht në kulmin e një krize institucionale që po zgjat prej disa muajsh.
Presidentja Vjosa Osmani për shkak të Laban, të martën tërhoqi kërkesën që në korrik ia kishte drejtuar Gjykatës Kushtetuese për të kërkuar sqarim lidhur me hapat e mëtejmë në rast se Kuvendi i Kosovës nuk do të konstituohej deri më 26 korrik.
Si arsye për tërheqjen e kërkesës së saj, Osmani përmendi emërimin e Laban si gjyqtar raportues në këtë rast, duke e cilësuar një veprim të tillë si “shqetësues dhe të rrezikshëm”.
Ligji për Gjykatën Kushtetuese të Kosovës përcakton se gjyqtari raportues në një çështje caktohet nga kryetari i gjykatës dhe se ai është përgjegjës për hartimin e raportit që i paraqitet kolegjit për shqyrtim.
Laban është i njohur për publikun në Kosovë që nga viti 2018, kur presidenti i atëhershëm, Hashim Thaçi, refuzoi fillimisht t’ia dorëzonte dekretin për emërim derisa të verifikohej nga organet e drejtësisë, ku disa muaj më vonë Thaçi e dekretoi atë.
Por, presidentja Osmani tani thotë se ka informacione që Laban “paraqet rrezik për sigurinë kombëtare të Kosovës dhe është i angazhuar në veprimtari kundër rendit kushtetues të Kosovës”. Në një konferencë për media më 5 gusht, Osmani deklaroi se Gjykata Kushtetuese është njoftuar për “veprimtarinë e rrezikshme” të Llaban në vitet 2018, 2021 dhe 2024.
Ajo nuk pranoi të jep detaje se në cilën mënyrë Laban paraqet kërcënim për sigurinë kombëtare, duke theksuar se ky është një vlerësim i besuar institucioneve të sigurisë.
Laban ishte propozuar për këtë post nga Lista Serbe, partia më e madhe e serbëve në Kosovë që gëzon përkrahjen e Beogradit, dhe që e kishte vlerësuar atë si kandidat me cilësi të larta morale dhe integritet me mandat nëntëvjeçar.
REL ka dërguar pyetje edhe vetë gjyqtarit Laban për të komentuar akuzat e presidentes Osmani, por deri më tani nuk ka pranuar ndonjë përgjigje.
Ministrja në detyrë e Drejtësisë, Albulena Haxhiu, deklaroi më 6 gusht se Lëvizja Vetëvendosje kishte dorëzuar në vitin 2018 një kërkesë zyrtare drejtuar ish-kryetares së Gjykatës Kushtetuese, Arta Rama-Hajrizi, për të nisur procedurën e shkarkimit të Laban, për shkak të së kaluarës së tij kriminale. Sipas Haxhiut, përgjigjja kishte qenë se një kërkesë e tillë përbënte ndërhyrje në pavarësinë e gjykatës.
Kryeministri në detyrë, Albin Kurti, po ashtu më 6 gusht duke iu përgjigjur pyetjeve të gazetarëve, e quajti “absurde” që një person, i cili sipas informacioneve të institucioneve të sigurisë paraqet rrezik për rendin kushtetues, “të gjykojë tani për një çështje kushtetuese”.
Gjykata Kushtetuese e Kosovës kishte sqaruar më herët për REL se, sipas nenit 118 të Kushtetutës së Kosovës, një gjyqtar i kësaj gjykate mund të shkarkohet vetëm në rast të një vepre penale të rëndë ose të një shkeljeje të rëndë të detyrës gjatë ushtrimit të mandatit, dhe vetëm me propozimin e dy të tretave të gjyqtarëve të Kushtetueses.
Në dënimin me burgim të Laban është përfshirë edhe koha e kaluar në paraburgim, nga 28 nëntori 2006 deri më 3 prill 2009. Gjykata Themelore në Kralevë kishte përcjellë më 2017 një kërkesë për arrestimin e Laban në misionin e Bashkimit Evropian për sundimin e ligjit në Kosovë, EULEX, por ky mision kishte deklaruar se nuk ka mandat për të kryer një arrestim të tillë.
Gjykata po ashtu bëri të ditur për REL se më 2018, në përputhje me procedurat për ndihmë juridike, i ishte drejtuar edhe Ministrisë së Drejtësisë së Serbisë me një kërkesë që kjo e fundit t’i drejtohej përfaqësuesit të posaçëm të BE-së në Prishtinë në lidhje me rastin Laban.
REL i është drejtuar Këshillit Prokurorial të Kosovës me pyetje nëse posedon ndonjë informacion mbi akuzat që presidentja Osmani i ka bërë ndaj gjyqtarit Laban, për kërcënim të sigurisë kombëtare, por deri në publikimin e këtij teksti nuk ka marrë përgjigje.
Laban është person i kërkuar në Serbi, pasi ka shmangur vuajtjen e një dënimi prej gjashtë vjetësh burgim, të shqiptuar si pjesë e të ashtuquajturës “mafia doganore” – një grup i përbërë nga persona të akuzuar për marrje dhe dhënie të ryshfetit, keqpërdorim të pozitës zyrtare dhe falsifikim dokumentesh. Emri i tij ndodhet në listën e të kërkuarve në Serbi që nga viti 2012 dhe në atë të Interpolit që nga viti 2014.

Ndërron jetë nëna e Brad Pitt

Policia në Pejë realizoi 87 urdhёresa tё gjykatave për arrestime

Tarifat e reja të Trump hyjnë në fuqi

Koreja e Jugut dhe SHBA-ja me stërvitje të përbashkëta ushtarake

“Fadil Vokrri” ndez dritat për Ballkanin sonte

Përditësohen të dhënat në pikat kufitare, 20 minuta pritje për të hyrë në Kosovë

Sot mbahet protestë gjithëpopullore kundër Gjykatës Speciale

Gjyqtari Laban nga i dënuar në Serbi, si gjyqtar në Kosovë

Gara për në Hënë: SHBA dëshiron reaktor nuklear përpara Kinës e Rusisë
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit