Ndërkohe që të gjithë vendet e botës po përgatiten për të rihapur sezonin e tyre turistik, ka ardhur pikërisht çasti që të gjenerojmë ide të reja se ku mund të kalojmë pushimet tona të radhës.
Vila plot diell, shtëpiza të këndshme verimi të struktura diku pranë një liqeni të qetë, ose një apartament në qendrat e zhurmshme të një qyteti metropol. Mund të jetë edhe koha që të investojmë në një prej tyre, pasi kemi kaluar të paktën 18 muaj duke punuar nga shtëpia, të limituar e kufizuar nga ndërprerjet e udhëtimeve.
Ekipi i Euronews Travel, dëshiron t’ju shtyj të ëndërroni paksa. Po sikur të mund të blinit një ishull tuajin privat, për të njëjtin çmim si një apartament tuajin në qendër të Europës?about:blank
Pas kërkimeve të shumta, mund të themi se kemi gjetur një listë me vende pushimi që mund t’ju kushtojnë njësoj sa një 2+1 në Spanjë, por me shumë më tepër hektarë sipërfaqe dhe opsione të tjera plus.
Këto janë 6 gjetjet tona të mahnitshme, bashkë me atë që ju do të mund të blinit për të njëjtin çmim, nëse do të ishit duke kërkuar nëpër qendrat më energjike të Europës.
Ishulli ‘Big Tancook’ në Nova Scotia – €56,898
Ishulli Big Tancook në fakt gjendet në treg në formën e një parcele, që do të thotë se ju mund të blini pjesë të tij për një kompleks familjar, hotel apo sajt kampingu. Një blerje e jashtëzakonshme, duke marrë parasysh që na u desh të kërkonim gjatë, për të gjetur një blerje ekuivalente për një apartament 1+1 në Europë.
Kjo sipërfaqe në provincën Kanadezë të Nova Scotia, paraqet një ofertë mjaft të mirë për fansat e një jete të thjeshtë dhe të qetë. Brigjet detare shkëmbore të Nova Scotia-s si dhe liqenet e pellgjet ujore të fshehura e të veçuara janë ëndrra e peshkatarëve, të cilët përbëjnë një pjesë të popullsisë së vogël prej 125 banorësh të tjerë që do të ndanin këtë ishull me ju.
Çfarë mund të blinit për të njëjtin çmim në Europë: Një dhomë hoteli të rimodeluar në Sunny Beach, Bullgari
Ishulli Danhattan, SHBA – €263,281
Ëndërrimtarët e kabinave prej druri nuk kanë pse të shohin më larg – Ishulli Danhattan në Conneticut-in e fjetur dhe rural vjen i gatshëm me një shtëpi druri të projektuar për të strehuar 8 vetë.
Toka prej gjysmë hektari shtrihet në Liqenin Ashland, dhe blerësit do të mund të shijojnë edhe portin ankorues që gjendet fare pranë pasi pjesë e ofertës është edhe një barkë. Po po, një barkë e tera për ju. Kjo, nëse dëshironi të hiqni dy gjëra nga lista juaj këtë vit.
Çfarë mund të blini për të njëjtin çmim në Europë: Një apartament 1+1 me një Spa të përbashkët në Algarve, Portugali.
Ishulli Majestic, SHBA – €274,982
Liqeni Beaver Dam në Wisconsin, SHBA është shtëpi e diçka më pak se 26 ishujsh të emëruar në mënyrë mjaft kreative, përgjatë një hapësire ekspansive prej 6.718 hektarësh. Ishulli Majestic është mbase një prej emrave më pak të jashtëzakonshëm por a ka rëndësi emri kur i jep vetes të drejtën të qëndrosh mbi hektarë të tërë të ishullit tënd privat?
Majestic ofrohet në treg për momentin bashkë me një shtëpizë larg zhurmës; vendi perfekt për të parë aktivitetin e ëmbël të faunës vendase.
Çfarë mund të blini për të njëjtin çmim në Europë : Një apartament 1+1 me tarracë në Malaga, Spanjë.
Ishulli Bocal, Nikaragua – €292,535
Tashmë kemi hyrë në territorin e resorteve. Ky ishull vjen së bashku me një shtëpi miqsh 2+2, një shtëpi për punonjësit e shërbimit, një pishinë e stilit “infinity”, një mol, dhe milje të tëra plazhi rënor.
Në përgjithësi nuk do ta gjenit kurrë në treg me një çmim kaq të lirë, duke marrë parasysh hapësirën e tij dhe klimën magjepsëse tropikale të Nikaraguas. Por, kjo ulje vjen si pasojë e faktit se pronari ka në plan të bëjë rinovime të shumta në të ardhmen e shkurtër, ndaj blerësit e këtij ishulli do të kenë dhe shumë gjëra që do t’ia bëjnë qëndrimin edhe më emocionues.
Çfarë mund të blini për të njëjtin çmim në Europë : Një vilë 2+2 në Zante, Greqi.
Isla Carabana Sol, Panama – €336,782
Ky ishull vjen i kompletuar me një anije me vela të ankoruar, një garazh për motobarkën tuaj të shpejtë si edhe një pronë me dy apartamente të cilat janë gati për blerësit e radhës.
Ky ishull është dizajnuar me siguri duke pasur ndër mend njerëz të cilëve u pëlqen të festojnë, duke qenë se komoditete të tjera që ky ishull ofron janë: një kuvertë e ngritur e pajisur me një BBQ, vaskë hidro-masazh, një kasolle e stilit tiki, një plazh rënor privat si edhe një lagunë private me ujë plotësisht të kthjellët dhe transparent.
Në mënyrë që mos të ndjeheni shumë të veçuar, ishulli ofron shërbim mjaft të mirë Wi-Fi dhe sinjal telefonik, si edhe është i stacionuar vetëm një udhëtim të shkurtër me barkë larg prej një numri të madh baresh e restorantesh.
Çfarë mund të blini për të njëjtin çmim në Europë: Një shtëpi qyteti 2+2 në Toskana, Itali.
Ishulli Iguana, Nikaragua – €396,951
Kjo ishte gjetja jonë më e shtrenjtë që përfshin 5 hektarë plazh më rëre të bardhë si dhe një xhungël të fshehur, nën një mantel palmash arra kokosi si dhe pemë bananesh që ofrojnë maksimumin e privatësisë.
Kjo pronë përfshin një shtëpi 3+1 me 2 tualete, një oborr të rrethuar, dhomë pritje, bar si dhe akomodim për stafin. Këtu do të gjeni edhe një pedonale që zgjatet përgjatë të gjithë ishullit, dhe së fundmi një far 5.5 metër të lartë.
Dhe e gjithë kjo ofrohet për të njëjtin çmim si një apartament në qendrat europiane të Parisit, Londrës apo Romës.
Artikull nga korespondenti i platformes Destinations, Euronews Travel: Shannon McDonagh Popullor në KomunitetAdChoicesSponsored
Agjencia për mbrojtje civile në Gazë tha se sulmet ajrore izraelite kanë vrarë të paktën dhjetë persona më 5 qershor, teksa ushtria izraelite po vazhdon ofensivën në territorin palestinez.
Zëdhënësi i kësaj agjencie, Mahmud Bassal, tha për AFP-në se sulmet vdekjeprurëse shënjestruan një zonë ku po strehohen personat e zhvendosur në Han Junis, disa shtëpi në Qytetin e Gazës dhe në Deir el-Balah.
Ushtria izraelite ende nuk ka komentuar për këto raportime.
Izraeli ka intensifikuar ofensivën e tij, duke thënë se synon të mposhtë Hamasin – grupin palestinez të shpallur organizatë terroriste nga Shtetet e Bashkuara dhe Bashkimi Evropian – i cili sulmoi Izraelin më 7 tetor 2023, sulm që nxiti luftën në Gazë.
Sulmi i paprecedent i Hamasit la të vrarë afër 1.200 persona, shumica civilë, dhe grupi palestinez rrëmbeu edhe afër 250 të tjerë.
Ndërkaq, sipas Ministrisë së Shëndetësisë në Gazën e udhëhequr nga Hamasi, të paktën 4.335 persona janë vrarë që kur Izraeli rinisi ofensivën më 18 mars. Numri i përgjithshëm i viktimave që nga nisja e luftës, sipas kësaj ministrie, ka arritur në 54.607. Kjo ministri thotë se shumica e viktimave ishin civilë./REL/
Presidenti amerikan, Donald Trump, ka nënshkruar një vendim që ua ndalon hyrjen në Shtetet e Bashkuara të qytetarëve nga 12 shtete, përfshirë nga Afganistani dhe Irani.
Një ndalesë të tillë udhëtimi, Trump e kishte ndërmarrë edhe gjatë mandatit të parë presidencial.
Presidenti amerikan tha se ndalesa e udhëtimit është e nevojshme për të mbrojtur amerikanët nga sulmet terroriste, sikurse sulmi që ndodhi më 1 qershor në Kolorado. Autoritetet kanë thënë se një grup personash që protestonin në mbështetje të pengjeve izraelite që mbahen nga Hamasi – grupi palestinez i shpallur organizatë terroriste nga SHBA-ja dhe Bashkimi Evropian – u sulmuan nga një shtetas egjiptian.
“Sulmi i fundit terrorist në Kolorado ka vënë në pah rreziqet ekstreme që i kanosen vendit tonë nga hyrja e shtetasve të huaj që nuk kanë kaluar nëpër kontrolle siç duhet, si dhe nga ata që vijnë këtu si vizitorë të përkohshëm dhe qëndrojnë më gjatë sesa lejohet me vizat që posedojnë. Ne nuk i duam ata”, tha Trump përmes një video-mesazhi.
Sipas policisë, i dyshuari për sulmin në Kolorado, Mohammed Sabry Soliman, hodhi mjete plasëse dhe spërkati grupin me benzinë të ndezur. Pesëmbëdhjetë persona u plagosën. Zyrtarët e sigurisë kombëtare të SHBA-së thanë se Soliman gjendej në SHBA në mënyrë të paligjshme, pasi ai kishte tejkaluar afatin e qëndrimit të vizës së tij turistike.
Trump e krahasoi ndalesën e re të udhëtimit me “kufizimet e ashpra të udhëtimit” që ai vendosi ndaj një numri shtetesh, kryesisht myslimane më 2017, pak pasi nisi mandatin e parë presidencial. Ai tha se ai vendim ishte një nga politikat më të suksesshme të mandatit të tij të parë dhe ishte pjesë e rëndësishme e parandalimit të sulmeve të mëdha terroriste nga jashtë në SHBA, duke përmendur sulmet terroriste që kanë ndodhur në Evropë në vitet e fundit.
“Nuk do të lejojmë që ajo që ndodhi në Evropë të ndodhë në Amerikë”, tha Trump. “Ne nuk mund të kemi një migrim të hapur nga asnjë vend prej nga nuk mund të bëjmë një verifikim të sigurt dhe të besueshëm”.
Përveç Afganistanit dhe Iranit, shtetet që përfshihen në ndalesën e re janë: Burma, Çadi, Republika e Kongos, Guinea Ekuatoriale, Eritrea, Haiti, Libia, Somalia, Sudani dhe Jemeni. Ndalesa e udhëtimit do të hyjë në fuqi më 9 qershor.
Edhe pse kufizimi nuk prek udhëtarët nga Egjipti, Trump tha se “në dritë të ngjarjeve të fundit”, ai ka urdhëruar sekretarin e Shtetit që ta informojë lidhur me rishikimin e praktikave dhe procedurave të Egjiptit “për të konfirmuar nëse kapacitetet e tyre aktuale të kontrollit dhe verifikimit janë të mjaftueshme”.
Përveç ndalimit të udhëtimit do të ketë edhe kufizime shtesë për vizitorët nga Burundi, Kuba, Laosi, Sierra Leone, Togo, Turkmenistani dhe Venezuela, thuhet në vendimin e nënshkruar nga presidenti Trump.
Trump tha se mbetet “i përkushtuar për t’u angazhuar me shtetet që janë të gatshëm të bashkëpunojnë në përmirësimin e këmbimit të informacioneve dhe për procedurat për menaxhimin e identitetit, si dhe për të adresuar rreziqet që lidhen me terrorizmin dhe sigurinë publike”.
Ndalesa e udhëtimit, e vendosur gjatë mandatit të parë të Trumpit, ua ndalonte shtetasve nga shtatë shtete, kryesisht myslimane – Irak, Siri, Iran, Sudan, Libi, Somali dhe Jemen – që të udhëtonin në SHBA. Ai vendim kishte shkaktuar kaos dhe paqartësi në aeroportet e këtyre shteteve dhe në aeroportet amerikane, pasi udhëtarëve ose iu ndalua hipja në avion për në SHBA ose ata u ndaluan sapo arritën në tokën amerikane.
Udhëtarët e prekur nga vendimi përfshinin studentë dhe staf akademik, si dhe biznesmenë, turistë dhe persona që vizitonin miqtë dhe të afërmit e tyre.
Trump e mbrojti vendimin duke u thirrur në çështje të sigurisë kombëtare dhe duke argumentuar se vendimi nuk bazohej në paragjykime kundër myslimanëve. Vendimi i rishikua gjatë betejave ligjore, teksa një version i vendimit u mbështet nga Gjykata Supreme më 2018.
Ndalesa e re e udhëtimit vjen pas një vendimi ekzekutiv të lëshuar nga Trumpi në janar, i cili kërkonte nga Departamenti i Shtetit, nga ai i Sigurisë Kombëtare si dhe nga drejtori i Inteligjencës Kombëtare, që të përgatisnin një raport mbi “qëndrimet armiqësore” ndaj SHBA-së. Urdhri ekzekutiv kërkonte edhe një vlerësim nëse hyrja e qytetarëve nga disa vende përbënte rrezik për sigurinë kombëtare./REL/
Komisioni Evropian i ka dhënë dritën jeshile Bullgarisë për t’u anëtarësuar në eurozonë më 1 janar 2026, duke shënuar hapin e dytë të rëndësishëm të shtetit brenda një viti në rrugën drejt integrimit të plotë në Bashkimin Evropian.
KE-ja, e cila u mblodh më 4 qershor për të marrë një vendim lidhur me këtë çështje, tha se Bullgaria i përmbush katër kriteret nominale të konvergjencës që përdoren për të vlerësuar nëse një vend është i gatshëm të adoptojë euron.
“Euroja është një simbol i prekshëm i forcës dhe unitetit evropian”, tha presidentja e Komisionit Evropian, Ursula von der Leyen.
Banka Qendrore Evropiane pritet po ashtu që të publikojë mendimin e saj më 4 qershor, dhe zyrtarët bullgarë kanë thënë se presin një vlerësim pozitiv edhe nga ky institucion.
Këshilli i Bashkimit Evropian do të marrë vendimin përfundimtar për pranimin e Bullgarisë në eurozonë, duke u bazuar në opinionet e KE-së dhe Bankës Qendrore Evropiane, si dhe në diskutimet me Eurogrupin dhe Këshillin Evropian.
Edhe pse pranimi i euros ishte një nga kushtet për anëtarësimin në BE, dështimet legjislative – përfshirë reformat për luftimin e pastrimit të parave, shqetësimet për inflacionin dhe bllokadat politike (Bullgaria ka mbajtur shtatë procese zgjedhore në katër vjetët e fundit) – e kanë bërë këtë rrugëtim të vështirë për Sofjen.
Një vendim në favor të adoptimit të euros është hapi i dytë i madh i Bullgarisë brenda një viti në rrugën e shtetit drejt integrimit në BE.
Në janar, Sofja u bë anëtare me të drejta të plota e zonës Shengen dhe kufijtë e Bullgarisë me Greqinë dhe Rumaninë tani janë plotësisht të hapur.
Qeveria e Mbretërisë së Bashkuar ka deklaruar se po punon “me ritëm të shpejtë” për të zbatuar marrëveshjen tregtare me SHBA-në, pas vendimit të Presidentit Donald Trump për të dyfishuar tarifat e çelikut dhe aluminit në 50%.
Megjithatë, Mbretëria e Bashkuar është përjashtuar përkohësisht nga rritja e tarifave, ndërsa një taksë mbetet në 25%.
Eksportuesit britanikë mund të përballen me një normë më të lartë tarifash nëse marrëveshja për heqjen e tarifave të çelikut dhe aluminit midis Britanisë dhe SHBA-së nuk hyn në fuqi. Kancelarja Rachel Reeves e ka mirëpritur përjashtimin e përkohshëm nga tarifat më të larta, ndërsa përfaqësuesit e industrisë kanë theksuar se bizneset britanike përballen me pasiguri të madhe për të ardhmen.
Pjesa më e madhe e çelikut global, i cili ishte destinuar fillimisht për SHBA-në, mund të devijohet në tregun e Mbretërisë së Bashkuar për shkak të tarifave të larta që do të ndikojnë në eksportet amerikane. Ky fenomen është tashmë duke ndodhur, dhe prodhuesit e çelikut në Britani kërkojnë veprime nga qeveria për të kufizuar importet e çelikut, të cilat po ulën çmimet dhe po dëmtojnë bizneset e tyre lokale.
Gareth Stace, drejtor ekzekutiv i UK Steel, tha se “importet po vërshojnë tregun e Mbretërisë së Bashkuar, duke ulur çmimet e çelikut dhe duke marrë pjesë të tregut”. Ai shtoi se është e rëndësishme që Britania të ruajë stabilitetin e tregut të brendshëm, ndërsa lufton për të stabilizuar eksportet e saj drejt SHBA-së.
