Lajmet nga UBT
Ish-rektori i Universitetit të Romës “Foro Italico”, Paolo Parisi mbajti ligjëratë tematike në UBT
Ndër të tjera, profesori Paolo Parisi, në një interaktivitet mes studentëve, foli edhe për principet themelore të reaktivitetit kimik.
Published
3 years agoon
By
Betim GashiNë vazhdën e aktiviteteve të organizuara nga Fakulteti Shkencat e Sportit dhe Lëvizjes në UBT, është mbajtur një ligjëratë tematike nga profesori i njohur ndërkombëtar, Paolo Parisi.
Në këtë ligjëratë, profesori Paolo Parisi, para studentëve të UBT-së dhe pjesëmarrësve të tjerë, trajtoi temën: “Elements of Biology and the Chemistry of Life”, duke sjellë dhe treguar përvojën e tij shumëvjeçare në këtë fushë.
Gjatë kësaj ligjërate, u diskutua për çështje të ndryshme rreth formave dhe niveleve të organizimit të jetës në natyrë, qelizën, atomet, molekulat, si dhe për lidhjet kimike.
Ndër të tjera, profesori Paolo Parisi, në një interaktivitet mes studentëve, foli edhe për principet themelore të reaktivitetit kimik, përbërjen kimike të sistemeve të gjalla, si dhe për burimet e energjisë, metabolizmit dhe prodhimit të energjisë në qelizë.
Lajmet
30 për qind zbritje në master për të diplomuarit e UBT-së
Published
1 hour agoon
October 14, 2024By
UBT NEWSUBT njofton për iniciativën e re për të mbështetur alumnit e tij. Të gjithë të diplomuarit e UBT-së tani kanë mundësinë të përfitojnë një zbritje prej 30% për të gjitha programet master që ofrohen në UBT. Kjo është një mundësi e shkëlqyer për ata që dëshirojnë të avancojnë arsimimin e tyre dhe të thellojnë njohuritë në fusha të ndryshme.
Kjo zbritje ka si synim të inkurajojë alumnit të vazhdojnë studimet e tyre në UBT, duke ofruar një mundësi për të përmirësuar aftësitë profesionale dhe për të hapur dyert në karrierë. Programet master në UBT janë të njohura për cilësinë e tyre dhe për fokusin në praktikat më të mira të mësimdhënies, duke siguruar një përvojë akademike të pasur.
Çdo program është dizajnuar për t’u përmbushur nevojave të tregut dhe për t’u ofruar studentëve njohuri dhe aftësi të rëndësishme për suksesin në karrierën e tyre.
Të gjithë alumnit që janë të interesuar për të përfituar nga kjo zbritje janë të ftuar të kontaktojnë zyrën e regjistrimit në UBT. Procesi i aplikimit është i thjeshtë dhe transparent, duke siguruar që çdo student të ketë mundësinë të bëjë hapin e parë drejt avancimit të karrierës së tij.
UBT është e angazhuar për të mbështetur zhvillimin e vazhdueshëm profesional të alumnëve të tij, dhe kjo zbritje është një reflektim i këtij angazhimi. Të gjithë alumnit janë të ftuar të shfrytëzojnë këtë mundësi të shkëlqyer për të avancuar studimet e tyre dhe për të kontribuar në forcimin e njohurive dhe aftësive në fushat përkatëse./UBTNews/
Lajmet
Profesorët e UBT-së, pjesëmarrës në projektin ndërkombëtar “Savings Game” për edukimin financiar
Published
3 hours agoon
October 14, 2024By
UBT NEWSProfesorët e Fakultetit Menaxhment, Biznes dhe Ekonomi të UBT-së përfaqësuan institucionin në projektin “Savings Game”, organizuar nga Deutsche Sparkassenstiftung für International Kooperation (DSIK) në Tiranë, Shqipëri.
Në kuadër të këtij projekti, i financuar nga BMZ (Ministria e Ekonomisë Gjermane), profesorët Amir Imeri, Fisnik Bytyqi, Mirjeta Domniku dhe Hamëz Rama e përfaqësuan UBT-në gjatë periudhës 23-27 Shtator. Në fund të projektit, ata u çertifikuan si Trajnues, me synimin për të përmirësuar metodat e mësimdhënies, duke trajnuar profesorët në metodikën e “Të mësojmë duke u argëtuar”.
Ky trajnim ofroi mësime të vlefshme duke zhvilluar metoda dhe aftësi të reja për përmirësimin e njohurive financiare, shërbimeve dhe produkteve. Mësimet e trajtuara në jetën reale përfshijnë: vendosjen e qëllimeve (rëndësinë e përcaktimit të qëllimeve specifike financiare, qoftë për blerje afatshkurtra apo afatgjata), kënaqësinë e vonuar (përfitimet e pritjes për të bërë blerje, duke çuar në vendime më të mira financiare), aftësitë buxhetore (menaxhimi i të ardhurave dhe shpenzimeve, duke bërë zgjedhje të informuara për shpenzimet dhe kursimet), interesin dhe kursimin (duke demonstruar sesi kursimet mund të rriten me kalimin e kohës), menaxhimin e rrezikut (rëndësia e diversifikimit të shpenzimeve dhe të kuptuarit e rreziqeve financiare) si dhe arsimimin financiar (rritja e njohurive mbi parimet bazë financiare, duke nxitur një qasje më të informuar për menaxhimin e parave).
Ky projekt konsiderohet i rëndësishëm sepse studentët e UBT-së do të kenë mundësinë të eksperimentojnë me një metodë të re që synon përmirësimin e aftësive personale të menaxhimit të parave. Kjo kurrikulë do t’u sigurojë studentëve aftësitë dhe informacionin që u nevojitet për të menaxhuar me efikasitet financat e tyre.
Informacioni dhe njohuritë e arritura nga ky trajnim produktiv do të përdoren në hapësirat e universitetit me studentët e UBT-së, duke rrënjosur një qëndrim të ri të mësimdhënies me efikasitet të madh./UBTNews/
Lajmet
Gjuha si çelës: Kurset e gjuhës italiane fillojnë në UBT!
Published
4 hours agoon
October 14, 2024By
UBT NEWSUBT ka njoftuar fillimin e kurseve të gjuhës italiane, duke ofruar një mundësi të shkëlqyer për studentët që dëshirojnë të thellojnë njohuritë e tyre gjuhësore dhe kulturore. Këto kurse vijnë si rezultat i një marrëveshjeje të suksesshme me Ambasadën Italiane, e cila nxit promovimin e kulturës italiane dhe ndihmon në forcimin e lidhjeve mes dy vendeve.
Gjuha italiane është e njohur për bukurinë e saj dhe përfshin një trashëgimi të pasur kulturore dhe historike. Duke mësuar italisht, studentët do të kenë mundësinë të eksplorojnë artin, muzikën, modën dhe gastronominë italiane, duke hapur kështu dyert e një bote të re dhe fascinante.
Për më tepër, studentët e UBT-së kanë mundësinë për të marrë pjesë në programet Erasmus në universitete italiane. Këto programe ofrojnë një mundësi unike për të studiuar në një mjedis ndërkombëtar, për të fituar përvojë akademike dhe për të krijuar lidhje me studentë nga e gjithë bota.
Instituti i Gjuhëve të Huaja inkurajon të gjithë studentët të aplikojnë dhe të bëhen pjesë e grupeve të reja që po formohen këto ditë. Pjesëmarrja në këto kurse do të ndihmojë në zhvillimin e aftësive komunikative dhe do të ofrojë njohuri të vlefshme mbi kulturën dhe traditat italiane.
Mos humbisni këtë mundësi për të zgjeruar horizontet tuaja! Aplikoni tani dhe bëhuni pjesë e një aventure të re gjuhësore dhe kulturore në UBT! /UBTNews/
Lajmet
UBT mirëpret studentët e rajonit në kuadër të projektit “VIRTUAL”
Published
3 days agoon
October 11, 2024By
UBT NEWSNjë grup studentësh nga Shqipëria dhe Maqedonia e Veriut ka qëndruar në UBT për një vizitë në Parkun Shkencor Inovativ në Lipjan, si pjesë e projektit ndërkombëtar “VIRTUAL”. Ky projekt ka për qëllim përmirësimin e nivelit të kompetencave, aftësive dhe potencialit të punësimit të studentëve të arsimit profesional.
“VIRTUAL” është një iniciativë që synon përgatitjen e studentëve në sektorin e Arsimit dhe Formimit Profesional (AFP) përmes metodave inovative dhe teknologjive të fundit. Në veçanti, projekti përfshin përdorimin e Realitetit Virtual (VR), Realitetit të Shtuar (AR) dhe simulatorëve modernë për të ofruar një përvojë më të mirë edukative dhe praktike.
Vizita në Parkun Shkencor Inovativ të UBT-së ofroi studentëve një mundësi të shkëlqyer për t’u njohur me teknologjitë më të avancuara të përdorura në fushën e turizmit, mikpritjes dhe shërbimeve të tjera.
Drejtoresha e kampusit, Lirigzona Morina, njoftoi studentët në njohjen e tyre me mundësitë e shumta që ofron UBT. Ajo i njoftoi studentët për të gjitha aspektet e arsimit në UBT, duke theksuar rëndësinë e infrastrukturës moderne, laboratorëve të avancuar dhe teknikave inovative që mbështesin procesin mësimor.
Morina shprehu gjithashtu gatishmërinë për të bashkëpunuar në projekte të ndryshme të përbashkëta me studentët nga rajoni dhe trevat shqiptare. Ajo theksoi se UBT është e angazhuar për të krijuar mundësi të reja për zhvillim profesional dhe për të ndihmuar studentët të përmirësojnë aftësitë e tyre për t’u përgatitur për tregun e punës.
Kjo përvojë ndihmoi studentët të kuptojnë se si teknologjitë e realitetit virtual dhe të shtuar mund të kontribuojnë në përmirësimin e cilësisë së shërbimeve dhe edukimit në industrinë e turizmit, një sektor kyç për ekonomitë e Ballkanit Perëndimor.
Bekim Marmullaku, profesor në UBT, theksoi rëndësinë e këtij projekti dhe bashkëpunimin mes universiteteve partnere të rajonit për të sjellë së bashku të rinjtë në fushën e arsimit.
“Sot, në kuadër të projektit ‘VIRTUAL’, të financuar nga ERASMUS+ dhe Bashkimi Evropian, UBT-ja, së bashku me partnerët e saj rajonalë dhe evropianë, po zhvillon trajnime për realitetin e shtuar dhe virtual. Trajnimi udhëhiqet nga profesorët e UBT-së, të cilët janë ekspertë në fushën e tyre, dhe në përfundim të trajnimit, studentët do të marrin një certifikatë për arritjet e tyre”, u shpreh profesori Marmullaku.
Një nga studentët, Erion Mazreku nga Universiteti Europian i Tiranës, ndau përvojën e tij me mediat duke nënvizuar rëndësinë e bashkëpunimit ndërkufitar në fushën e arsimit dhe zhvillimit profesional.
“Në kuadër të projektit kemi vizituar Prishtinën dhe kampusin e UBT-së, dhe shpresojmë që projekte të tilla të vazhdojnë në arsim dhe në fusha të tjera mes trojeve tona shqiptare. Kjo vizitë shënon një hap të rëndësishëm për avancimin e bashkëpunimit ndërkombëtar në edukim dhe zhvillimin e aftësive profesionale të studentëve në rajon”, tha Mazreku.
Studentët do të qëndrojnë në Kosovë për tri ditë, gjatë të cilave do të kenë mundësi të tjera për të eksploruar vendin, të njohin kulturën lokale dhe të angazhohen në aktivitete të ndryshme që promovojnë bashkëpunimin dhe shkëmbimin e përvojave mes brezave të rinj./UBTNews/D.E.
Kërkohet drejtor i ri për Muzeun Kombëtar të Kosovës në prag të restaurimit
Reçica: Ka një dualizëm të qartë në Ministrinë e Mbrojtjes
UNICEF: Një në shtatë adoleshentë në BE vuan nga çrregullime mendore
At Shtjefën Gjeçovi, intelektuali françeskan i vrarë nga shovinistët serbë
Guardiola tregon nëse do ta marr drejtimin e Anglisë
Hoti: Kurti ngriti alarmin që ushtria serbe është afër kufirit, vet bën fushatë në Gjermani
Deliu: LVV-ja e ka hallin te tenderët, jo te sigurimi i ushqimit për ushtarët e FSK-së
Dita Botërore e Edukimit Mjedisor
10 vite nga ngritja e flamurit “Autochthonous” mbi Beograd
Të kërkuara
-
Lajmet2 months ago
Mbyllet olimpiada e Parisit 2024- Kurora e sportit i përket Amerikës
-
Lajmet2 months ago
Zgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Lajmet1 month ago
Kurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kulturë2 weeks ago
Marigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman