Lajmet

Ish-presidenti i Hondurasit do të ekstradohet në SHBA nën akuzat për trafik droge

Ai mund të përballet me një dënim të përjetshëm nëse shpallet fajtor.

Published

3 years ago

March 29, 2022

UBT news

Gjykata e Lartë e Hondurasit autorizoi të hënën ekstradimin e ish-presidentit Juan Orlando Hernandez në Shtetet e Bashkuara për t’u përballur me akuzat për trafik droge, përcjell UBT News.

Hernandez mund të përballet me një dënim të përjetshëm nëse shpallet fajtor.

Ish-vëllai i tij kongresmen, Tony Hernandez u dënua me burgim të përjetshëm në Shtetet e Bashkuara në mars të vitit 2021 për trafik droge.

Pikërisht gjatë atij gjyqi, ish-presidenti u implikua në tregtinë e paligjshme.

Hernandez, i cili mbajti detyrën nga viti 2014 deri në vitin 2022, akuzohet se ka lehtësuar kontrabandën e rreth 500 tonë droge – kryesisht nga Kolumbia dhe Venezuela – në Shtetet e Bashkuara nëpërmjet Hondurasit që nga viti 2004.

Prokurorët amerikanë kanë pretenduar se ai ka marrë miliona dollarë nga trafikantët e drogës për mbrojtje – duke përfshirë nga “narko-mbreti” meksikan, Joaquin “El Chapo” Guzman.

Hernandez u arrestua në mes të shkurtit, më pak se një muaj pasi u largua nga presidenca, pas një kërkese amerikane për ekstradim.

Hernandez këmbënguli se ai është viktimë e “një hakmarrjeje nga kartelet”./UBTNews/

Lajmet

Gjakovë: Vajza e mitur zhduket, policia nis hetimet

Published

19 minutes ago

June 30, 2025

UBTNews

Një rast i zhdukjes është raportuar në Gjakovë gjatë orëve të para të mëngjesit të 29 qershorit 2025.

Sipas Policisë së Kosovës, një grua ka njoftuar autoritetet se vajza e saj e mitur është larguar nga shtëpia dhe nuk është kthyer më.

Rasti është cilësuar si “person i zhdukur” dhe hetimet për lokalizimin e saj janë në zhvillim e sipër nga njësitet përkatëse policore.

Lajmet

48 aksidente në 24 orë, një prej tyre me fatalitet

Published

28 minutes ago

June 30, 2025

UBTNews

Gjatë 24 orëve të fundit, në Kosovë janë regjistruar 48 aksidente trafiku, prej të cilave 1 aksident me fatalitet.

Ndërsa 19 prej tyre aksidente me persona të lënduar, 28 aksidente me dëme materiale.

Në kuadër të kontrolleve për sigurinë rrugore, Policia e Kosovës ka shqiptuar 1,706 tiketa trafiku për shkelje të rregullave të komunikacionit.

Në vijim të veprimeve operative për rendin publik, janë arrestuar 14 persona, prej tyre 7 janë dërguar në mbajtje, 2 ndodhen në ndalim policor, ndërsa 1 person po vazhdon vuajtjen e dënimit.

Lajmet

Vdes personi që u aksidentua në Sllovi të Lipjanit

Published

1 hour ago

June 30, 2025

UBTNews

Vdes në Qendrën Klinike Universitare të Kosovës personi që ishte aksidentuar në Sllovi të Lipjanit më 26 qershor.

Sipas raportit të Policisë, i njëjti ka vdekur dy ditë më pas.

“Më 28.06.2025 në QKUK ka ndërruar jetë një mashkull, i cili ishte duke u trajtuar pasi ishte lënduar gjatë një aksidenti trafiku që kishte ndodhur më 26.06.2025. Me vendim të prokurorit trupi i pajetë është dërguar në IML për obduksion”, thuhet në njoftimin e Policisë së Kosovës.

Lajmet

Sot nis takimi dyditor i liderëve BE-Ballkani Perëndimor në Shkup

Published

1 hour ago

June 30, 2025

UBTnews

Të hënën dhe të martën në Shkup mbahet takimi i liderëve Bashkimi Evropian-Ballkani Perëndimor për Planin e Rritjes.

Në orën 9:30 sot parashikohet mbërritja dhe pritja zyrtare e liderëve të Ballkanit Perëndimor. Në orën 10:00 do të fillojë paneli i parë kushtuar Planit për Rritje të Ballkanit Perëndimor.

Fjalime hyrëse do të mbajnë kryeministri maqedonas Hristijan Mickoski dhe komisionerja për Zgjerim, Marta Kos.

Ndërsa nga ora 16:00, do të mbahet takimi ndërmjet kryeministrit të Maqedonisë së Veriut, Hristijan Mickoski dhe komisionares evropiane për Zgjerim, Marta Kos, pas së cilit do të pasojë një takim bilateral me delegacione në format më të zgjeruar

Plani për Rritje për Ballkanin Perëndimor prej 6 miliardë eurosh u miratua nga Komisioni Evropian me 8 nëntor 2023. Ai bazohet në katër shtylla: forcimi i integrimit ekonomik në tregun unik të BE-së; forcimi i integrimit ekonomik brenda Ballkanit Perëndimor përmes tregut të përbashkët rajonal; përshpejtimi i reformave fundamentale dhe rritja e asistencës financiare për të ndihmuar reformat.