Botë

Ish-presidenti amerikan, Joe Biden diagnostikohet me kancer

Published

on

Ish-presidenti amerikan Joe Biden, 82 vjeç, është diagnostikuar me kancer të prostatës, i cili i është përhapur edhe në kocka, njoftoi zyra e tij të dielën. 

Kanceri është një formë agresive e sëmundjes, me një rezultat Gleason prej 9 nga 10, që e bën atë të klasifikohet si “e gradës së lartë”. Ky rezultat tregon se qelizat kancerogjene mund të përhapen shpejt. Megjithatë, kanceri duket të jetë i ndjeshëm ndaj hormoneve, që mund të lejojë një menaxhim efektiv të sëmundjes, sipas zyres së Bidenit.

Në deklaratën e saj, zyra e ish-presidentit theksoi: “Javën e kaluar, Presidenti Joe Biden u vizitua për një nyje të re në prostatë, pas rritjes së simptomave të urinimit. Të premten, ai u diagnostikua me kancer të prostatës, i cili ka metastazuar në kocka. Edhe pse kjo është një formë agresive e kancerit, ajo duket të jetë e ndjeshme ndaj hormoneve dhe mund të menaxhohet me sukses.”

Lajmi për diagnozën e Bidenit ka shkaktuar një valë mbështetjeje nga figura politike të të dyja anëve. Presidenti Donald Trump, përmes një postimi në platformën e tij të mediave sociale, shprehu trishtimin për lajmin dhe i dërgoi urimet më të mira Joe Bidenit dhe familjes së tij. Ai u shpreh se “shpreson për një shërim të shpejtë dhe të suksesshëm”.

Ish-nënpresidentja Kamala Harris, e cila ka shërbyer nën Bidenin, gjithashtu i dërgoi mbështetje dhe tha se ajo dhe bashkëshorti i saj po e mbajnë familjen Biden në lutjet e tyre. “Joe është një luftëtar – dhe e di që ai do të përballet me këtë sfidë me të njëjtën forcë dhe qëndrueshmëri që e kanë karakterizuar gjithmonë”, shkroi Harris në X (ish-Twitter).

Në një postim tjetër, ish-presidenti Barack Obama theksoi përkushtimin e Bidenit në luftën kundër kancerit, duke kujtuar përpjekjet e tij në udhëheqjen e një programi qeveritar për kërkime mbi kancerin. “Joe ka bërë shumë për të gjetur trajtime revolucionare për kancerin dhe jam i sigurt se ai do të përballet me këtë sfidë me vendosmëri dhe hir”, tha Obama.

Mbështetje ka ardhur edhe nga jashtë Shteteve të Bashkuara, me kryeministrin britanik Keir Starmer që shprehu keqardhje për diagnozën e Bidenit dhe i uroi atij një trajtim të suksesshëm.

Familja Biden po shqyrton mundësitë e trajtimit, ndërkohë që mbështetja për ish-presidentin vazhdon të rritet nga të gjithë anët.

Botë

Sllovenia ia ndalon hyrjen kryeministrit izraelit, Benjamin Netanyahu

Published

on

By

Sllovenia të enjten ia ndaloi hyrjen në territorin e saj  kryeministrit të Izraelit, Benjamin Netanyahu.

Ky veprim vjen pas një ndalimi kundër dy ministrave të kabinetit të ekstremit të djathtë izraelit në korrik, sipas një deklarate qeveritare, shkruan Reuters.

Sllovenia, një shtet anëtar i BE-së që vitin e kaluar njohu një shtet palestinez, I vendosi një embargo armësh ndaj Izraelit në gusht dhe futi një ndalim për importin e mallrave të prodhuara në territoret palestineze të pushtuara nga Izraeli./D.B/EO

Continue Reading

Botë

​Erdogan mbërrin në Uashington për takim me Trumpin

Published

on

By

Presidenti i Turqisë, Recep Tayyip Erdogan, i cili po merr pjesë në Asamblenë e 80-të të Përgjithshme të Kombeve të Bashkuara (OKB), mbërriti në Uashington nga Nju Jorku për një takim me presidentin e Shteteve të Bashkuara, Donald Trump, në Shtëpinë e Bardhë.

Avioni me të cilin udhëtoi presidenti Erdogan dhe bashkëshortja e tij Emine Erdogan, u ul në aeroportin e bazës së përbashkët “Andrews”, që ndodhet në një distancë të shkurtër nga kryeqyteti.

Në aeroportin e bazës së përbashkët “Andrews”, presidenti Erdogan dhe delegacioni i tij shoqërues u pritën nga ambasadori turk në Uashington, Sedat Onal dhe zyrtarë të tjerë.

Në Uashington krahas presidentit Erdogan dhe bashkëshortes së tij Emine Erdogan mbërritën edhe ministri i Energjisë dhe Burimeve Natyrore, Alparslan Bayraktar, ministri i Mbrojtjes Kombëtare, Yaşar Guler, drejtori i Agjencisë Kombëtare të Inteligjencës Ibrahim Kalin, drejtori i Komunikimeve Presidenciale Burhanettin Duran, presidenti i Industrive të Mbrojtjes Haluk Gorgun, shefi i Kabinetit të Presidencës, Hasan Dogan dhe kryekëshilltari i presidentit për Politikë të Jashtme dhe Siguri, Akif Çagatay Kiliç.

Gjithashtu edhe ministri i Punëve të Jashtme Hakan Fidan do të mbërrijë në Uashington pas takimeve të tij në Nju Jork.

Erdogan dhe Emine Erdogan udhëtuan nga aeroporti për në Blair House, pjesë e Shtëpisë së Bardhë, ku do të kalojnë natën.

Ndërkohë, Shërbimi Sekret Amerikan u pa duke marrë masa të gjera sigurie rreth Blair House./D.B/KP

Continue Reading

Botë

Sarkozy shpallet fajtor për komplot kriminal në lidhje me fondet e Gaddafit

Published

on

By

Ish-presidenti francez Nicolas Sarkozy është shpallur fajtor për komplot kriminal në një rast që lidhet me marrjen e miliona eurove fonde të paligjshme nga lideri i ndjerë libian, Koloneli Muammar Gaddafi.

Gjykata e Parisit e liroi atë nga të gjitha akuzat e tjera, përfshirë korrupsionin pasiv dhe financimin e paligjshëm të fushatës elektorale.

Sarkozy mohon akuzat dhe i quan ato të motivuara politikisht./D.B/EO

Continue Reading

Botë

​Sërish dronë të paidentifikuar në hapësirën ajrore të Danimarkës

Published

on

By

Danimarka u zgjua sërish me raportime për dronë të paidentifikuar në hapësirën e saj ajrore gjatë natës, që sollën mbylljen e përkohshme të aeroportit të Aalborg-ut në mbrëmje vonë dhe ngritën shqetësime për praninë e tyre në të paktën tre zona të tjera, përfshirë afër bazave ushtarake.

Sipas The Guardian, autoritetet daneze po mbajnë një konferencë për shtyp duke përditësuar publikun mbi hetimin e tyre.

Ministrat e drejtësisë dhe të mbrojtjes së Danimarkës informuan mediat, së bashku me përfaqësues të ushtrisë dhe policisë, duke e përshkruar situatën si një sulm hibrid sistemik kundër Danimarkës.

Të dy paralajmërojnë se rreziku i incidenteve hibride “është këtu për të qëndruar” dhe ka gjasa të vazhdojë në ditët dhe javët në vijim, me synimin për të “krijuar frikë, për të krijuar përçarje”.

Shefi i policisë kombëtare gjithashtu konfirmon se ka pasur raportime për incidente pranë objekteve ushtarake.

Qeveria do të kërkojë të sigurojë “kapacitete të shtuara” për t’u përballur me kërcënimin në rritje dhe do të përditësojë legjislacionin për t’i lejuar pronarët e infrastrukturës të rrëzojnë më lehtësisht dronët.

Ende do të ketë pyetje mbi praktikën e këtyre masave, sidomos në zona të mbushura ose të banuara dendur, por kjo do të përmirësojë situatën ligjore.

Megjithatë, ata i janë të sinqertë publikut duke thënë se edhe me këto kapacitete, nuk do të jenë gjithmonë në gjendje t’i neutralizojnë dronët.

Ministri i mbrojtjes, Troels Lund Poulsen, megjithatë ngul këmbë se nuk ka pasur asnjë kërcënim të drejtpërdrejtë ushtarak ndaj Danimarkës.

Duke iu përgjigjur pyetjeve nga gazetarët, ministrat po ashtu thonë se aktualisht nuk ka prova që t’i lidhin sulmet me Rusinë, megjithëse përmendin kalimthi incidente të tjera në Evropë që i janë atribuuar Rusisë dhe thonë se këto incidente mund të kenë për qëllim minimin e mbështetjes së Danimarkës për Ukrainën./D.B/KP

Continue Reading

Të kërkuara