Sport

Ish-notari olimpik kërkohet për fyerje të presidentit turk

Sipas prokurorëve, notari Büyükuncu u zbulua se kishte postuar komente fyese në mediat sociale.

Published

5 years ago

February 8, 2022

UBT news

Një ish-notar olimpik po kërkohet në Turqi për “fyerje” ndaj Presidentit Rexhep Tayyip Erdoğan pasi ai së fundmi rezultoi pozitiv me COVID-19.

Gjykatat turke kanë lëshuar gjithsej tetë urdhër-arreste, duke përfshirë Derya Büyükuncun. Prokuroria e Stambollit njoftoi të hënën se urdhrat ishin pjesë e një hetimi për “mesazhe kriminale në rrjetet sociale”.

Erdogan kishte njoftuar të shtunën se ai dhe gruaja e tij vuanin nga një formë “e lehtë” e koronavirusit.

Megjithatë, autoritetet kanë hetuar disa postime në internet që kishin tallur me infeksionin e Erdoganit. Deri më tani janë arrestuar katër personam ndërsa notari Büyükuncu u zbulua se kishte postuar komente fyese në mediat sociale, sipas prokurorëve, dhe tani është në kërkim.

Autoritetet turke kanë hapur më shumë se 160,000 hetime për ofendime të supozuara që kur Erdogan u bë president në vitin 2014. Më shumë se 3,600 njerëz janë dënuar sipas ligjit.

“Është detyra jonë të mbrojmë respektin e zyrës sime, të presidencës”, ka thënë më parë Erdoğan, “nuk ka të bëjë fare me lirinë e shprehjes”./UBTNews/

Vendi

Akil Gjakova mbyll garën pa medalje në Abu Dhabi

Published

11 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

11 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

13 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/