Sport

Ish-basketbollisti i NBA, Jiri Welsch arrin Kosovën

Welsch ka karrierë të pasur në ligën më të fortë në botë dhe në ligat evropiane.

Published

on

Ish-basketbollisti i njohur i NBA, Jiri Welsch ndodhet në vizitë në Kosovë, ku qëllimi kryesor është fillimi i Junior NBA Kosova, ka bërë të ditur Federata e Basketbollit.

Welsch ka karrierë të pasur në ligën më të fortë në botë dhe në ligat evropiane. Welsch është 42 vjeçar, i cili ka përfaqësuar Republikën e Çekisë. Ai karrierën e filloi në skuadrën Pardubice, për të vazhduar më pas në Sparta Praga dhe Union Olimpija.

Nga viti 2002 deri më 2006 luajti në NBA, për skuadrat Golden State Ëarriois, Boston Celtics, Cleveland Cavaliers dhe Milëaukee Bucks. Karrierën e vazhdoi në Evropë, te skuadrat Unicaja Malaga, Estudiantes Madrid, Spirou Charleoi, ČEZ Nymburk dhe e përfundoi aty ku e filloi në Pardubice.

Ai fitoi një herë Ligën Adriatike, u zgjodh tri herë basketbollisti më i mirë në Çeki, ka fituar tri herë Ligën e Çekisë, dy herë Kupën e Çekisë, një herë kampion i Sllovenisë, dy herë Kupën e Sllovenisë dhe një herë u shpall MVP i Kupës në Slloveni.

Jiri Welsch gjatë ditës së sotme do të ketë një drekë pune me Sekretaren e Përgjithshme të FBK-së, Elvira Dushku dhe përgjegjësin e Junior NBA për Kosovë, Adrian Carrion, e më pas takim me Kryetarin e FBK-së, Arben Fetahu, ndërsa më pas do të ketë një stërvitje me djem dhe vajza (të lindur 2009-2010-2011).

Të martën do të jetë pjesëmarrës në hedhjen e shortit për fillimin e Ligës Junior NBA Kosova.

Sport

Pesë vjet pa e fituar titullin, Ronaldos s’i mjaftojnë golat

Published

on

Cristiano Ronaldo po shkon drejt sezonit të pestë radhazi pa e fituar titullin e kampionit.

Për herë të fundit, legjenda portugeze e kishte fituar një titull kampioni të shtetit në vitin 2020 me Juventusin, ndërsa më pas e pati një eksperiencë të shkurtër në Angli, ku u rikthye te Manchester United para se të përfundonte në Arabinë Saudite.

Humbja e fundit e zbriti Al Nassrin në pozitën e katërt në Saudi Pro League, duke bërë që titulli i kampionit në këtë sezon të jetë pothuajse i pamundur.

Në moshën 40 vjeçare, Cristiano mbetet golashënuesi më i mirë i ligës, duke kontribuuar në 45% të golave në ligë për Al Nassr në këtë sezon.

Përkundër shkëlqimit të tij individual, futbolli është një sport ekipor dhe sukseset kolektive kanë qenë të pakapshme për “CR7” në këtë periudhë pesë vjeçare.

Kontrata e Ronaldos me Al Nassr do të skadojë në qershor të këtij viti, por flitet se ai do ta vazhdojë atë për një vit tjetër, deri në qershor 2026.

 

Continue Reading

Sport

Trajneri portugez: Duhet të fokusohemi në Ligën e Evropës

Published

on

Trajneri portugez, Ruben Amorim, ka bërë të ditur se Manchester United tashmë do ta përqendrojë vëmendjen tërësisht në Ligën e Evropës – kompeticionin e dytë më të rëndësishëm për klube në kontinent.

“Djajtë e Kuq” aktualisht gjenden në pozitën e 14-të në Premier League dhe me këtë formë, rrezikojnë ta përfundojnë sezonin në pjesën e poshtme të tabelës.

Megjithatë, në Evropë gjërat po shkojnë ndryshe për ekipin nga Old Trafford, që ka siguruar një vend në gjysmëfinale të Ligës së Evropës.

Një triumf në këtë garë do t’u siguronte atyre një biletë për në Ligën e Kampionëve sezonin e ardhshëm.

Pas fitores kundër Lyonit në çerekfinale, trajneri Amorim theksoi se ky është objektivi kryesor i skuadrës në vazhdim.

“Ne me të vërtetë duhet të fokusohemi në Ligën e Evropës dhe ndonjëherë të rrezikojmë me fëmijë në Ligën Premier. Tifozët duhet të kuptojnë se ne duhet të fokusohemi në Ligën e Evropës”, ka thënë Amorim.

Continue Reading

Sport

Shkak konflikti me vëllain? Ndërron jetë futbollisti i njohur Boupendza, ra nga kati i 11-të

Published

on

Sulmuesi gabonez Aaron Boupendza ka ndërruar jetë në moshën 28 vjeçare, si pasojë e rënies nga kati i 11-të nga një ndërtesë banimi në Kinë.

Raportohet se Boupendza ka rënë nga banesa ku po banonte, i njëjti ishte duke luajtur për ekipin Zheijang FC në Superligën kineze. Autoritetet kanë nisur hetimet rreth arsyes së incidentit me fatalitet, njoftojnë mediat kineze.

Policia kineze i ka përpara tre skenarë të mundshëm: vetëvrasja, rënia aksidentale dhe vrasja. Bëhet e ditur se vëllai i Boupendzas ishte prezent në apartament në momentin e incidentit dhe raportohet se të dy e kishin një fjalosje.

Autoritetet po e shqyrtojnë mundësinë nëse kjo zënkë ishte arsyeja që e shtyu Boupendzan të kërcente. Pritet që vëllai të merret në pyetje rreth asaj që i ndodhi atij.

Boupendza mungoi në stërvitjen e fundit të ekipit pa arsye dhe drejtuesit e Zhejiang FC thanë se ishte e pamundur të binin në kontakt me të para se ta merrnin lajmin për vdekjen e tij.

28 vjeçari ishte bërë i famshëm kur me Hataysporin në Turqi i kishte realizuar 22 gola në 36 ndeshje gjatë sezonit 2020/21, duke e fituar titullin e golashënuesit më të mirë të vitit në Superligën turke.

Gjatë karrierës së tij ka luajtur për klube të ndryshme përfshirë këtu: CF Mounana, Bordeaux, Pau FC, Ajaccio, Tours FC, Feirense, Al-Arabi, Al-Shabab, FC Cincinnati, Rapid Bucharst dhe së fundmi në Zhejing FC.

Autoritetet kineze shumë shpejt pritet t’i bëjnë të ditura shkaqet e vdekjes së futbollistit.

Continue Reading

Sport

Neymar dëmtohet sërish, lë fushën mes lotësh

Published

on

Sulmuesi i Santos, Neymar u largua nga fusha në lot pasi dëmtoi këmbën, vetëm 34 minuta në ndeshjen e tij të parë si titullar në kampionatin brazilian të futbollit.

33-vjeçari, i cili u rikthye pas gjashtë javësh pasi ishte jashtë fushe si pasojë e një një dëmtimi në kofshë, e nisi titullar kundër Atletico MG.

Ish-sulmuesi i Barcelonës kishte veshur një fanellë speciale me numrin 100 për të përkujtuar paraqitjet e tij të 100-të në stadiumin ‘Vila Belmiro’ të Santos.

Por, Neymar bëri me shenjë drejt pankinës pas golit të Alvaro Barreal që i dha Santosit epërsinë 2-0. Sulmuesi u ul në fushë për të pritur ndihmën mjekësore.

Mjekët treguan se ai nuk mund të vazhdonte dhe një Neymar qartësisht emocional u largua nga fusha në lot, duke mbajtur me dorë zonën e majtë të kofshës që e kishte mbajtur jashtë për gjashtë javët e mëparshme.

Continue Reading

Të kërkuara