Lajmet

Ish-aktorja e njohur shihet në publik për herë të parë pas 12 vitesh

Bridget Fonda u pa në ditëlindjen e saj të 58-të.

Published

on

Fotografitë tregojnë yllin e cila u tërhoq nga aktrimi në vitin 2002, shumë ndryshe nga dukjet e saj të dikurshme në tapetin e kuq.

Ajo është pjesë e dinastisë së famshme të aktrimit Fonda. Gjyshi i saj është legjenda e ekranit, fitues i Oscar-it, Henry Fonda. Ajo është e bija e yllit të “Easy Rider” Peter Fonda dhe halla e saj është ish-aktorja dhe modelja e njohur, Jane Fonda.

Fonda thuhet se u largua nga aktrimi pas një aksidenti të rëndë automobilistik në vitin 2003, në të cilin ajo pati një dëmtim të madh në shpinë. Po atë vit ajo u martua me kompozitorin dhe ish-frontmenin e Oingo Boingo, Danny Elfman, të cilët kanë një fëmijë.

Filmi më i madh i Fondas ishte roli kryesor në thrillerin e vitit 1992 “Single White Female”. Ajo është gjithashtu e njohur për rolet e saj në “The Godfather Part III” në 1990, “Singles” në 1993, “Point of No Return” në 1993, “It Could Happen to You” në 1994 dhe “Jackie Brown” në 1997. Roli i saj i fundit ishte në një film televiziv të quajtur “Snow Queen” në 2002.

Herën e fundit që ajo u pa në një ngjarje të Hollivudit ishte në vitin 2009, kur mori pjesë në premierën e filmit të Quentin Tarantino-s për Luftën e Dytë Botërore, “Inglourious Basterds” në Los Angeles.

Në shkurt të vitit 2003, ajo i mbijetoi mrekullisht një përplasjeje me makinë në autostradën e Bregut të Paqësorit, duke shpëtuar vetëm sepse kishte vendosur rripin e saj të sigurimit. Më vonë, u raportua se lëndimi që ajo pësoi në shpinë ishte më i rëndë sesa mendohej fillimisht. Thuhet se aksidenti i saj, dhe lindja e djalit të saj në 2004, e bëri atë të tërhiqej nga aktrimi dhe të fokusohej në të qenit nënë.

Ndërsa duket se ka gjetur lumturinë personale që nga martesa e saj me Elfman, Fonda nuk është shfaqur gjithmonë aq e sigurt në intervistat e hershme. Në vitin 1993, ajo iu lut një gazetari që të mos shkruante se po pinte duhan. Kur ai e pyeti përse, ajo tha se ishte e shqetësuar që gjyshja e saj do ta lexonte./UBTNews/

Continue Reading

Lajmet

​Lëndohet ylli i Interit

Published

on

Futbollisti Henrikh Mkhitaryan është detyruar të lërë fushën në minutën e 32-të të ndeshjes kundër Napolit për shkak të një problemi fizik.

Sipas testeve mjekësore të kryera në Institutin “Humanitas” në Rozzano, mesfushori armen ka pësuar tendosje muskulore në muskulin semitendinosus të kofshës së majtë.

Interi njoftoi se gjendja e tij do të rivlerësohet javën e ardhshme, ndërsa koha e rikuperimit ende nuk është përcaktuar.

Skuadra e Cristian Chivu do të përballet të mërkurën (29 tetor) me Fiorentinën në “San Siro”, ndërsa më 2 nëntor udhëton në Verona për sfidën ndaj ekipit vendas./S.K/KP/

Continue Reading

Lajmet

​De Bruyne mbyll vitin 2025, dyshohet për një dëmtim të rëndë

Published

on

Kevin De Bruyne rrezikon ta mbyllë para kohe vitin 2025 pas lëndimit të pësuar në ndeshjen Napoli–Inter.

Mesfushori belg u detyrua të largohej nga fusha menjëherë pas shënimit të golit nga penalltia, pasi ndjeu dhimbje në kofshën e djathtë dhe më pas u pa me paterica në pankinë.

Sipas Gazzetta dello Sport, dyshohet për një këputje të rëndë në bicepsin femoris, e cila mund ta mbajë jashtë fushave për disa muaj. Napoli shpreson që dëmtimi të mos ketë prekur zonën ku lojtari u operua në vitin 2023 gjatë kohës së tij te Manchester City.

Nëse konfirmohet se bëhet fjalë për një dëmtim serioz, De Bruyne mund t’i nënshtrohet një operacioni, gjë që do ta detyronte të mungojë për pjesën e mbetur të sezonit. Edhe në rastin më të mirë, ai pritet të qëndrojë jashtë për dy ose tre muaj, duke i dhënë fund praktikisht vitit 2025.

Napoli ndërkohë mund të detyrohet të bëjë ndryshime në listën e Ligës së Kampionëve, me mundësi që në vend të belgut të përfshihet njëri mes Marianuccit apo Mazzocchit. Rezultatet e ekzaminimeve priten të përcaktojnë kohën e rikuperimit të mesfushorit./S.K/KP/

Continue Reading

Lajmet

​Juventusi shkarkon trajnerin Tudor

Published

on

Humbja ndaj Lazios i ka kushtuar trajnerit Igor Tudorit, ku klubi bardhezi ka vendosur ta shkarkojë trajnerin kroat pas një serie rezultatesh të dobëta në fillim të këtij sezoni.

Sipas La Gazetta dello Sport detyrën e përkohshme të trajnerit do ta marrë Massimo Brambilla, deri në emërimin e pasardhësit të ri.

Nën drejtimin e Tudorit, Juventusi ka zhvilluar tetë ndeshje në Serie A, ku ka grumbulluar vetëm 12 pikë dhe ndodhet aktualisht në vendin e tetë të renditjes.

Në fazën e grupeve të Champions League, bardhezinjtë kanë siguruar vetëm dy pikë në tre takime, çka ka thelluar krizën e skuadrës torineze./S.K/KP/

Continue Reading

Lajmet

Vihen nën mbrojtje Liqeni i Ujmanit dhe Mali Mokna

Published

on

Zëvendësministri në detyrë i Infrastrukturës Hysen Durmishi, ka njoftuar se kanë vënë nën mbrojtje Malin Mokna dhe Liqenin e Ujmanit. 

Ai ka thënë se javën e kaluar ka nënshkruar vendimin për mbrojtje paraprake të “Malit Mokna dhe Liqenit të Ujmanit”, i cili sipas tij është nga vendimet më të rëndësishme për mbrojtjen e natyrës në Kosovë.

“Me këtë vendim, Republika e Kosovës bëhet shteti me përqindjen më të lartë të territorit nën mbrojtje të natyrës në gjithë Ballkanin Perëndimor. Pas një studimi njëvjeçar në terren, është konstatuar se kjo zonë përbën pasuri të rrallë natyrore, me biodiversitet të pasur dhe peizazhe me rëndësi të veçantë ekologjike e shkencore”, ka shkruar Durmishi.

Ai ka shkruar se zona me sipërfaqe prej 192.19 km² tashmë vihet nën mbrojtje paraprake, siç ka thënë duke e ngritur në 12.4% përqindjen e territorit të Kosovës që mbrohet ligjërisht./S.K/EO/

Continue Reading

Të kërkuara