Lajmet

Irani dënon edhe një person me vdekje

Ky është personi i dytë që po dënohet me vdekje brenda tri ditësh.

Published

on

Irani do të dënojë edhe një person me vdekje për shkak të protestave pas vdekjes së Mahsa Aminit. Ky është personi i dytë që po dënohet me vdekje brenda tri ditësh ndërsa protestat hynë në muajin e tretë të mërkurën.

Dhuna në rrugë u ndez në të gjithë Iranin gjatë natës, ndërsa protestat e shkaktuara nga vdekja e Aminit më 16 shtator u intensifikuan në përvjetorin e një goditjeje vdekjeprurëse të 2019-ës.

Amini, një grua iraniane 22-vjeçare me origjinë kurde, vdiq në paraburgim pasi u arrestua nga policia e moralit nën dyshimet për shkelje të të kodit të rreptë të veshjes së Iranit për gratë.

“Ne do të luftojmë! Do të vdesim! Do ta marrim përsëri Iranin!”, brohorisnin dhjetëra protestues në një rrugë të Teheranit gjatë natës, në një video të publikuar nga monitoruesi i mediave sociale 1500tasvir./UBTNews/

Lajmet

Dështon për të gjashtën herë konstitutimi i Kuvendit të Kosovës

Published

on

By

Konstitutimi i Kuvendit të Kosovës ka dështuar për të gjashtën herë, pasi kandidatja e Vetëvendosjes për kryeparlamentare, Albulena Haxhiu, nuk ka arritur të sigurojë më shumë se 57 vota. 

Emri i Albulena Haxhiut u hodh në votim pas propozimit të deputetit Glauk Konjufca, i cili kërkoi mirëkuptimin e deputetëve për të zhbllokuar situatën politike.

“Emri ynë i vetëm është Albulena Haxhiu, për kryetare të Kuvendit të Kosovës, ju kërkoj mirëkuptimin tuaj që ta zhbllokojmë situatën në të cilën kemi mbetur”, tha Konjufca para procesit të votimit.

Continue Reading

Lajmet

Çitaku: Detyrë e Vetëvendosjes të gjejë zgjidhje për situatën

Published

on

By

Nënkryetarja e PDK-së, Vlora Çitaku, ka theksuar se është detyrë e Vetëvendosjes që të gjejë një zgjidhje për të zhbllokuar situatën politike në Kosovë.

Ajo theksoi se debati i ditëve të fundit ka qenë i gabuar, duke shtuar se çështja nuk është nëse PDK ka ndryshuar qëndrim, por nëse ka pasur përpjekje nga ana e Vetëvendosjes për të zhbllokuar situatën.

“Po besoj që i tërë debati i këtyre ditëve të fundit është në mënyrë të gabuar. Nuk është çështja a ka ndërruar qëndrim PDK-ja, por a ka ndryshuar qëndrim dhe a ka përpjekje për zhbllokim nga ana e subjektit të parë parlamentar, Vetëvendosjes. Kjo parti duhet të zhbllokojë situatën”, tha Çitaku.

Continue Reading

Lajmet

Malajzia heq vizat për qytetarët e Kosovës për qëndrime deri në 30 ditë

Published

on

By

Malajzia ka hequr regjimin e vizave për shtetasit e Kosovës të cilët dëshirojnë të qëndrojnë në këtë shtet deri në 30 ditë.

Presidentja e Kosovës, Vjosa Osmani, nëpërmjet rrjeteve sociale, shprehu mirënjohje ndaj autoriteteve të Malajzisë për këtë vendim i cili vjen para vizitës së saj zyrtare në këtë shtet, gjatë javës së ardhshme.

U jam thellësisht mirënjohës autoriteteve të Malajzisë për vendimin e tyre për të lejuar lirim nga vizat për të gjithë qytetarët e Republikës së Kosovës për qëndrime deri në 30 ditë. Ky hap i rëndësishëm, i kombinuar me hapjen e ardhshme të Ambasadës sonë në Kuala Lumpur gjatë vizitës sime javën e ardhshme, është një shenjë e qartë se lidhjet midis dy vendeve tona po forcohen çdo ditë e më shumë“, theksoi Osmani.

Osmani shkroi se mezi pret që të angazhohet me liderët shtetërorë javën e ardhshme për të punuar së bashku në thellimin e bashkëpunimit dhe për të avancuar interesat e përbashkëta.

Malajzia e njohu pavarësinë e Kosovës më 30 tetor të vitit 2008.

Continue Reading

Lajmet

Fatmir Limaj para seancës konstituive: Nisma nuk ndryshon qëndrim për Haxhiun

Published

on

By

Kryetari i Nismës për Kosovën, Fatmir Limaj, ka theksuar se qëndrimi i partisë së tij për votimin e Albulena Haxhiut për kryetare të Kuvendit mbetet i pandryshuar.

Kjo deklaratë u bë para seancës konstituive të Kuvendit, e cila pritet të vendoste për këtë pozicion të rëndësishëm në institucione.

Limaj theksoi se Nisma ka një qëndrim të qartë dhe të qëndrueshëm në lidhje me këtë çështje, duke shtuar se asnjë ndryshim nuk ka ndodhur në politikën e partisë për këtë çështje të rëndësishme

Continue Reading

Të kërkuara