Lajmet

Iran: Valës së arrestimeve nuk i shpëtojnë as të famshmit

Përveç kërcënimit të forcës, autoritetet kanë rritur numrin e arrestimeve.

Published

on

Një futbollist ndërkombëtar, një bloger për teknologji, dhe një grua që hante mëngjesin e saj pa shami… asnjëri nuk shpëtoi pa u arrestuar!

Në Iran, askush që shpreh mospajtim ndaj sistemit në pushtet, përfshirë të famshmit, nuk është i sigurt nga vala e arrestimeve, e cila ka parë qindra të arrestuar në më shumë se tre javë protesta.

Aktivistët thonë se kur shpërthyen trazirat muajin e kaluar për vdekjen e Mahsa Aminit, e cila ishte arrestuar nga policia famëkeqe e moralit, autoritetet fillimisht iu drejtuan forcës vdekjeprurëse, duke vrarë dhjetëra në harkun kohor të ditëve.

Por, përveç kërcënimit të forcës, autoritetet kanë rritur numrin e forcës, me një fokus të veçantë tek ata që promovojnë video të protestave ose mesazhe kundër regjimit në mediat sociale.

“Ata kanë arrestuar shumë prej tyre — aktivistë kulturorë, aktivistë të të drejtave të grave dhe gazetarë. Kushdo që mund të transmetojë informacion në botën e jashtme ose në rrjetet e brendshme”, tha Roya Boroumand, drejtore e Qendrës Abdorrahman Boroumand në Uashington.

“Ka pasur arrestime masive”, shtoi ajo.

Qendra për të Drejtat e Njeriut në Iran (CHRI) me bazë në Nju Jork, tha se sipas numërimit të saj të paktën 1200 njerëz janë arrestuar, përfshirë të paktën 92 anëtarë të shoqërisë civile të cilët nuk u arrestuan në protesta në rrugë, por në mënyrë arbitrare në shtëpitë e tyre ose në punë.

“Ata nuk vrasin në përmasat që janë në gjendje – edhe pse mund ta bëjnë në të ardhmen e afërt – por po arrestojnë qindra njerëz që do të konsideroheshin si figura kryesore të këtyre protestave”, tha Shadi Sadr, drejtore e grupit “Drejtësia për Iranin” me bazë në Londër.

“Ata besojnë se mund t’i kontrollojnë protestat në mënyrë që ato të shuhen ngadalë dhe gradualisht”.

Lista e të arrestuarve deri tani përfshin sportistë të shquar, artistë, gazetarë, juristë, aktivistë, ekspertë të teknologjisë si dhe studentë dhe anëtarë të thjeshtë të publikut.

Futbollisti ndërkombëtar Hossein Mahini u arrestua për mbështetje të protestave, ndërsa ish-legjenda e futbollit Ali Karimi, që besohet se jeton jashtë Iranit, është akuzuar për aktivitetin e tij në rrjetet sociale.

Ali Daei, dikur golashënuesi më i mirë ndërkombëtar në botë në futbollin e meshkujve, iu konfiskua pasaporta pasi u kthye në Teheran nga jashtë, kjo pasi kritikoi ashpër republikën Islamike në mediat sociale.

Raportet nga Irani thanë gjithashtu se pasaportat e këngëtarit Homayoun Shajarian, djalit të këngëtarit legjendar Mohammad Reza Shajarian, dhe aktores së shquar Sahar Dolatshahi ishin konfiskuar në aeroport.

Këngëtari Shervin Hajipour, kënga e të cilit u bë një himn për protestat, u ndalua edhe pse është liruar me kusht dhe postoi një video të shpërndarë nga mediat brenda Iranit, ku ai e përshkroi situatën si një “keqkuptim”.

Ndërkohë, katër avokatë të Teheranit të njohur për trajtimin e çështjeve të ndjeshme — Mahsa Gholamalizadeh, Saeid Jalilian, Milad Panahipur dhe Babak Paknia — janë të gjithë të arrestuar, sipas CHRI.

Një tjetër viktimë e shquar e valës së arrestimeve ishte Amiremad Mirmirani, i njohur më mirë si Jadi, një nga blogerët më të shquar të teknologjisë në Iran, i cili u kap më 5 tetor kur agjentët e sigurisë hynë në shtëpinë e tij./UBTNews/

lajme

Operacioni “Heshtja”: Goditet grupi kriminal i kokainës në Prishtinë, arrestohen 6 persona dhe sekuestrohen mbi 300 mijë euro drogë e asete

Published

on

By

Policia e Kosovës, përkatësisht Drejtoria për Hetimin e Trafikimit me Narkotikë (DHTN) – Sektori Qendror, në bashkëpunim të ngushtë me Agjencinë e Kosovës për Inteligjencë (AKI), ka goditur një grup të organizuar kriminal që dyshohet për trafikim dhe shpërndarje të kokainës. Operacioni i gjerë policor, i koduar “Heshtja”, është realizuar më 14 nëntor në rajonin e Prishtinës, pas një hetimi të gjatë të zhvilluar përmes masave të veçanta hetimore.

Sipas Policisë, hetimet kanë zbardhur funksionimin e këtij grupi me strukturë të organizuar dhe nivele të qarta hierarkike, duke nisur nga personat e dyshuar në nivel drejtues e deri te shpërndarësit e narkotikëve në rrugë. Gjatë aksionit antidrogë – të asistuar nga Njësia e Reagimit të Shpejtë, patrullat policore të kryeqytetit, Njësia e Forenzikës dhe Njësia K9 – janë bastisur disa lokacione, me ç’rast janë arrestuar gjashtë persona të dyshuar, ndërsa një tjetër është liruar në procedurë të rregullt.

Në cilësi të provave materiale, gjatë operacionit janë gjetur dhe sekuestruar: Rreth 1.6 kilogramë kokainë, sasi të tjera të dyshuara të marihuanës, një substancë e panjohur dhe tableta të dyshuara të ekstazisë; Rreth 16 mijë euro para të gatshme në valuta të ndryshme (euro, franga zvicerane, funta britanike, dollarë kanadezë dhe lekë shqiptarë); Gjashtë vetura të markave luksoze dhe të ndryshme, përfshirë Mercedes-Maybach, Mercedes GLE, Porsche, Audi dhe VW Tiguan; Ora luksoze të markave Rolex dhe Franck Muller, si dhe stoli të çmuara; Një armë zjarri, municion, thika, peshore digjitale dhe pajisje për paketimin e narkotikëve; Telefona mobilë, pajisje elektronike, të komunikimit dhe të vëzhgimit, si dhe dokumente e shënime të ndryshme.

Bazuar në çmimin e tregut të rrugës, vetëm sasia e kokainës së sekuestruar vlerësohet rreth 111 mijë euro, ndërsa vlera e përgjithshme e drogës dhe aseteve të sekuestruara arrin në rreth 301 mijë euro.

Të gjitha veprimet janë ndërmarrë në koordinim me Prokurorinë Themelore në Prishtinë – Departamenti për Krime të Rënda. Me vendim të Prokurorit të Shtetit, gjashtë të dyshuarit janë dërguar në ndalim policor për 48 orë, ndërsa hetimet po vazhdojnë. Policia e Kosovës ka rikonfirmuar përkushtimin e saj për luftimin e trafikimit të narkotikëve dhe goditjen e grupeve kriminale në të gjitha nivelet, me qëllim ruajtjen e rendit dhe sigurisë publike. /E.A/

 

Continue Reading

lajme

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

lajme

Marta Kos shpreh keqardhje për këngën nacionaliste serbe në Bruksel, fajëson muzikantët

Published

on

By

Komisionerja për Zgjerim, Marta Kos, ka shprehur keqardhjen për lëshimin e muzikës së këngës nacionaliste serbe gjatë koncertit të organizuar në prag të “Forumit të Zgjerimit” në Bruksel, duke ua lënë fajin muzikantëve për përzgjedhjen e melodisë.

Kos ka theksuar se kjo këngë nuk pasqyron në asnjë mënyrë qëndrimet e Komisionit Evropian dhe se institucionet evropiane janë të vetëdijshme për sakrificat e njerëzve në atë rajon në të kaluarën.

“Shpreh keqardhje për përzgjedhjen e këngës nga ana e muzikantëve. Kjo këngë në asnjë mënyrë nuk paraqet qëndrimet e Komisionit Evropian”, ka deklaruar Kos.

Duke folur më tej për nevojën e pajtimit rajonal pa e harruar të kaluarën, komisionerja shtoi se synohet ndërtimi i një Evrope ku dallimet nuk e pengojnë zhvillimin.

“Nuk po kërkojmë të harrohen dallimet, por po ndërtojmë një Evropë ku dallimet nuk do të jenë arsye për të penguar të ardhmen”, ka thënë ajo.

Ndërkohë, lidhur me vërejtjen e KOHËS se pse për të dytën herë me radhë askush nga Kosova nuk është ftuar në këtë ngjarje të rëndësishme, Kos e ka kundërshtuar këtë, duke thënë se “ky konstatim nuk është i vërtetë” dhe ka përmendur se si pjesëmarrëse është ftuar Donika Emini nga shoqëria civile. /KOHA/

Continue Reading

Lajmet

Qeveria e Kosovës ndalon tregtimin e energjisë elektrike me kompanitë serbe

Published

on

By

Qeveria e Kosovës ka vendosur të ndalojë tregtimin e energjisë elektrike me kompanitë serbe. Në mbledhjen e mbajtur të hënën, kryeministri Albin Kurti ka deklaruar se ky vendim vjen si kundërmasë ndaj Serbisë, e cila prej gjashtë vjetësh po bllokon linjat ndërkufitare për tregtim.

Ndalimi përfshin blerjen, shitjen, importin dhe eksportin e energjisë elektrike, qoftë drejtpërdrejt, qoftë përmes transitit ose rishitjes në një apo më shumë shtete të treta.

“Së pari do të ndalojmë tregtimin e energjisë elektrike me kompanitë serbe si masë e parë ndaj Serbisë për bllokimin e linjave ndërkufitare për tregtim, e cila mund të përshkallëzohet në të ardhmen nëse nuk ka reflektim”, ka theksuar Kurti.

Për t’u përballur me vështirësitë e krijuara si pasojë e veprimeve të Serbisë, ai ka bërë të ditur se do të obligohet Korporata Energjetike e Kosovës (KEK) që të sigurojë një sasi të kapaciteteve ndërkufitare për muajin dhjetor, ndërsa do të vendosen edhe masa emergjente në sektorin e energjisë, të cilat përfshijnë obligimin e ndërmarrjes “Ibër-Lepenci” për ta shitur energjinë e shërbimit publik.

Sipas kryeministrit, në muajin dhjetor bëhen gjashtë vjet prej kur Kosova ka fituar pavarësinë energjetike, dhe që nga ajo kohë Serbia po bllokon alokimin komercial dhe tregtimin në linjat ndërkufitare me Kosovën, duke shkaktuar dëme financiare dhe duke rrezikuar furnizimin me energji.

“Bllokimi i linjave nga ana e Serbisë nuk na pengon sepse duam të blejmë energji nga Serbia, por ajo pamundëson shfrytëzimin e kësaj infrastrukture kritike për të sjellë energjinë transit nga Serbia”, është shprehur Kurti. /E.A/

Continue Reading

Të kërkuara