Komisioni Qendror i Zgjedhjeve (KQZ) ka certifikuar të enjten rezultatet përfundimtare të zgjedhjeve lokale për 18 komuna në të cilat u mbajtën në rundin e dytë zgjedhor më 9 nëntor 2025.

Rezultatet u certifikuan për këto komuna: Gjakovë, Gjilan, Dragash, Kaçanik, Klina, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizren, Suharekë, Viti, Vushtrri, Junik, Mamushë dhe Kllokot.

Gjatë kësaj mbledhje të KQZ-Së nga kryesuesi i saj, Kreshnik Radoniqi tha se asambleja komunale e Istogut nuk votohet sot pasi ka ende çështje që mund të parashtrohen ankesa.

“Në Gjakovë fitues i zgjedhjeve është Ardian Gjini me 56.69% të votave, në Gjilan fitues i zgjedhjeve është Alban Hyseni me 61/26% të votave, në Dragash Bexhet Xheladini fitues i zgjedhjeve me 56.19% të votave, në Kaçanik fitues i zgjedhjeve është Sabedin Vishi me 51.19% të votave, në Klinë fitues është i zgjedhjeve është Zenun Elezaj me 58.06%në Fushë-Kosovë fitues është Valon Prebreza me 55,12% të votave, në Mitrovicën e Jugut, Faton Peci me 53.67% në Obiliq fitues i zgjedhjeve është Halil Thaçi me 51.29%të votave, në Rahovecë, Smajl Latifi është fitues i zgjedhjeve me 52.17% të votave në Pejë fitues i zgjedhjeve është Gazmend Muhaxheri me 61/09% të votave në Prishtinë fitues i zgjedhjeve është Përparim Rama me 51.41% të votave, në Prizren fitues i zgjedhjeve është Shaqir Totaj me 53.42% të votave, në Suharekë fitues i zgjedhjeve është Bali Muharremaj me 55.34% të votave”, tha ai.

Anëtari i Lëvizjes Vetëvendosje në KQZ-së, Sami Kurteshi deklaroi se janë kundër certifikimit të rezultatit zgjedhor për komunën e Kllokotit.

“Votojmë për të gjitha, por votojmë kundër certifikimit në Kllokot” , tha ai.

Gjatë kësaj mbledhje janë miratuar edhe kërkesat për zëvendësimin e anëtarit të kuvendit komunal, sipas komunave, për zgjedhjet lokale 2025.

Javë më parë Komisioni Qendror i Zgjedhjeve ka certifikuar rezultatet e 20 komunave tjera, ku fituesit janë zgjedhur në raundin e parë të mbajtur me 12 tetor 2025./KP

Në prag të 28 Nëntorit, i pari i AAK-së Ramush Haradinaj zhvilloi homazhe në Prekaz, në Kompleksin Memorial të familjes Jashari.

Nëntori shënon Pavarësinë e Shqipërisë, ditëlindjen e Komandantit legjendar Adem Jashari dhe daljen publike të Ushtrisë Çlirimtare të Kosovës — ngjarje që përbëjnë themelet e identitetit dhe lirisë së shqiptarëve.

Haradinaj tha se vizita e sotme nuk është vetëm akt nderimi për veprën dhe sakrificën sublime të heronjve dhe dëshmorëve, por edhe një mesazh zotimi dhe vazhdimësie.

“Sot, më shumë se kurrë, vizita jonë ka mesazhin e betimit se ne mbetemi garant dhe mbrojtës të lirisë dhe pavarësisë sonë. Ne, bashkë me partnerët tanë, e kemi fituar luftën dhe bashkë me ta do ta bëjmë Kosovën euroatlantike dhe të zhvilluar”, deklaroi Haradinaj.

Ai shtoi se sakrifica e heronjve dhe dëshmorëve është themeli mbi të cilin qëndron shteti i Kosovës dhe aspiratat e saj për integrim euroatlantik.

“Lavdi heronjve dhe dëshmorëve! Zoti e bekoftë Kosovën dhe popullin e saj!”, u shpreh Haradinaj gjatë homazheve në Prekaz./KP

Kryeministri në detyrë Albin Kurti do ta mbledhë sot kabinetin e tij qeveritar.

Nga zyra e kryeministrit kanë njoftuar se mbledhja e Qeverisë në detyrë do të mbahet në ora 12:00.

RENDI I DITËS

1.

Shqyrtimi i Propozim-vendimit për aprovimin e Ekstraktit të Procesverbalit dhe të Transkriptit të mbledhjes së 273-të dhe Ekstraktit të Procesverbalit të mbledhjes së 274-t Elektronike/Korrespondencëse të Qeverisë së Republikës së Kosovës (ZKM)

2.

Shqyrtimi i Projekt-udhëzimit Administrativ për Mënyrën e Emërimit të Trupave për Vlerësim të Konformitetit (MINT)

3.

Shqyrtimi i Projekt-udhëzimit Administrativ për Metodologjinë e Monitorimit, Raportimit të Emetimeve të Gazeve Shtëpiake dhe Informacione të Tjera në Lidhje me Ndryshimet Klimatike në Nivel Kombëtar (MMPHI)

4.

Shqyrtimi i Propozim-vendimit Preliminar për shpronësim për interes publik i pronave të paluajtshme të cilat preken nga realizimi i projektit:
Zgjerimi i mihjes sipërfaqësore për eksploatim të thëngjillit, për prodhimin e energjisë elektrike për nevoja të Korporatës Energjetike të Kosovës (KEK Sh.A.) (MMPHI)

5.

Shqyrtimi i Propozim-vendimit Preliminar për shpronësim për interes publik të pronave të paluajtshme që shoqërore që administrohen nga Agjencia Kosovare e Privatizimit për nevoja të Institucioneve të Republikës së Kosovës,
Zona Kadastrale Beroc II, Komuna Shtërpcë (MMPHI)

6.

Shqyrtimi i Propozim-vendimit Preliminar për shpronësim për interes publik të pronave të paluajtshme të cilat preken nga realizimi i projektit:
Ndërtimi i Qendrës për Sport dhe Kulturë në Komunën e Ferizajt (MMPHI)

7.

Shqyrtimi i Propozim-vendimit Preliminar për shpronësim për interes publik të pronave të paluajtshme të cilat preken nga realizimi i projektit:
Rehabilitimi – Zgjerimi dhe Asfaltimi i Rrugës Nacionale R118, Segmenti Brenda Fshatit Muçibabë (MMPHI)

8.

Shqyrtimi i Propozim-vendimit Preliminar për shpronësim për interes publik të pronave të paluajtshme të cilat preken nga realizimi i projektit:
Ndërtimi i Rrugës Kërsh – Kabash – Lidhja me Rrugën Rajonale R-118 (MMPHI)./EO

Në kazermën “Adem Jashari”, dyertë sot janë hapur për të gjithë qytetarët të cilët duan të shohin nga afër ushtrinë e Kosovës.

Në “Ditën e Forcës” tradicionalisht ushtria pret qytetarët e saj, që ngjashëm bëri dhe sot ku tashmë ata janë gati aktivitet e ku pritet që ceremoni të jenë dhe përfaqësuesit e institucioneve të shtetit, sic është Kryeministri në detyrë i Kosovës, Albin Kurti, Presidentja e Kosovës, Vjosa Osmani, si dhe ministri në detyrë i Mbrojtjes, Ejup Maqedonci.

Më 14 dhjetor të 20218-ës, Kuvendi i Kosovës pati miratuar tri ligjet me të cilat mundësohet transformimi i Forcës së Sigurisë së Kosovës në Ushtri të Kosovës, pra, Ligjin për Ministrinë e Mbrojtjes, atë për Forcën e Sigurisë së Kosovës dhe Ligjin për Shërbim në Forcën e Sigurisë së Kosovës.

Pas këtij vendimi, po në kazermën “Adem Jashari” në Prishtinë ishte mbajtur një ceremoni ku është prezantuar Forca e Sigurisë së Kosovës.

Në atë kohë, President i Kosovës ishte Hashim Thaci, Kryeministër Ramush Haradinaj dhe Kryetar i Kuvendit, Kadri Veseli./EO