Prodhuesi gjerman i makinave Volkswagen planifikon të optimizojë prodhimin dhe të ulë kostot duke investuar deri në një miliard euro në inteligjencën artificiale deri më 2030, njoftoi kompania të martën në panairin e madh të makinave në Mynih.
Investimi përfshin “zhvillimin e automjeteve të bazuara në inteligjencën artificiale, aplikacionet industriale dhe infrastrukturën e IT-së me performancë të lartë.
“Me inteligjencën artificiale, ne po nisim fazën tjetër në rrugën drejt bërjes një lider global në teknologjinë e automobilave”, tha Hauke, anëtar i bordit për IT në Grupin Volkswagen i cili vazhdoi: “Inteligjenca artificiale është çelësi ynë për shpejtësi, cilësi dhe konkurrueshmëri më të madhe – në të gjithë zinxhirin e vlerës, nga zhvillimi i automjeteve deri te prodhimi”.
Volkswagen po punon me kompaninë franceze të softuerëve Dassault Systèmes për të krijuar mjedis zhvillimi të mbështetur nga inteligjenca artificiale që do të përdoret në të gjitha markat dhe rajonet e grupit.
Testimi virtual dhe simulimet do të mbështesin inxhinierët dhe do të përshpejtojnë zhvillimin, dhe Volkswagen shpreson ta shkurtojë zhvillimin e produktit në 36 muaj ose më pak. Kjo do të jetë të paktën një vit më e shkurtër se tani.
