Lajmet

Intervistimi i Abazit, avokatit Gashi s’i lejohet pjesëmarrja

Gashi para mediave akuzoi prokurorin e rastit, Afrim Shefkiu për mostransparencë.

Published

on

Prokuroria Speciale, sot nisi intervistimin e deputetit të Lëvizjes Vetëvendosje, Haki Abazi lidhur me deklaratat e tij për rastin e Astrit Deharit.

I pranishëm ishte edhe avokati i familjes Dehari, Tomë Gashi, i cili ka bërë kërkesë që të marrë pjesë gjatë marrjes në pyetje të Abazit në Prokurorinë Speciale, mirëpo i njëjti nuk është lejuar nga prokurori i rastit të marrë pjesë në intervistim.

Gashi para mediave akuzoi prokurorin e rastit, Afrim Shefkiu për mostransparencë, derisa shtoi se kishte disa pyetje për deputetin në fjalë.

“Duke e ditur jotransprencën e prokurorit të rastit, Afrim Shefkiu, e kam menduar që do të veprojë kësisoj që nuk lejojë unë të marrë pjesë në cilësi të avokatit, përfaqësuesit juridik të familjes së Astrit Deharit dhe i ka njoftuar zyrtarët përkatës që mos të më lejojë pjesëmarrjen gjatë dëgjimit të deputetit Haki Abazi. Unë kam paraqitur një shkresë, sepse duke e ditur mostransparencën e prokurorit, Afrim Shefkiu në rastin e hetimit të vrasjes së Astrit Deharit, ndërsa zhdukja e mostrave në Institustin e Mjekësisë Ligjore ka të bëjë direkt me këtë rast, me dëmtimin e hetimit të këtij rasti kam paraqitur shkresë në bazë te secilës kam kërkuar që prokurori i rastit të na njoftojë me shkrim lidhur me arsyejet e moslejmimit tim të pjesëmarrjes time gjatë dëgjimit të dëshmitarit Haki Abazi…Arsyetimi ishte i prerë, që avokati të mos lejohet të marrë pjesë”, tha Gashi.

Kujtojmë që të enjten (16 shkurt), në një konferencë për medie, deputeti i Lëvizjes Vetëvendosje, Haki Abazi ka thënë se duhet të kërkohen video-incizimet për zhdukjen e mostrave të rastit Dehari. Sipas tij, Prokuroria Speciale duhet të intervistojë kryeministrin, Albin Kurti, ministren e Drejtësisë, Albulena Haxhiun, etj.

Aktualitet

UBT prezanton Platformën e Reagimit të Sigurisë Kombëtare – NSRP

Published

on

By

UBT ka lansuar NSRP (National Security Response Platform), një sistem interaktiv i dizajnuar për të trajnuar studentët dhe profesionistët në menaxhimin e krizave të sigurisë dhe reagimin ndaj incidenteve kibernetike. Ky sistem lejon përdoruesit të simulojnë situata reale të krizave dhe të marrin vendime strategjike në kohë reale, duke i përgatitur për sfidat komplekse të sigurimit kombëtar.

Karakteristikat kryesore të platformës:

  • Simulatori Interaktiv i Krizave: Ofron simulime të detajuara të krizave kombëtare, përfshirë sulme kibernetike, kriza diplomatike dhe emergjenca të sigurisë.
  • Harta Interaktive Globale: Një hartë botërore interaktive vizualizon vendndodhjen e krizave, aktorët e përfshirë dhe lëvizjet gjeografike të ngjarjeve në kohë reale, duke ndihmuar studentët të kuptojnë dimensionin gjeografik të sigurisë kombëtare.
  • Sistemi i Vendimmarrjes Multialternative: Çdo krizë ofron vendime kritike me pasoja të ndryshme. Platforma analizon zgjedhjet e përdoruesve dhe ofron feedback të detajuar mbi ndikimin e vendimeve.
  • Panel Administrimi: Instruktorët mund të krijojnë, modifikojnë dhe fshijnë skenarë simulimi, duke personalizuar përvojën edukative sipas nevojave akademike.
  • Sistemi i Vlerësimit dhe Feedback: Përdoruesit marrin një analizë të performancës së tyre, përfshirë pasojat afatshkurtra dhe afatgjata të vendimeve, si dhe sugjerime për përmirësim.
  • Skenarizimi i Ngjarjeve Dinamike: Krizat evoluojnë në mënyrë dinamike në bazë të vendimeve të përdoruesit, duke krijuar një përvojë realistike dhe të përqendruar në praktikë.

Platforma është krijuar nga UBT-CERT (Computer Emergency Response Team), e projektuar për programin e Studimeve të Sigurisë në UBT dhe ofron një mjet praktik për të kuptuar kompleksitetin e menaxhimit të krizave kombëtare. Studentët mund të testojnë strategji të ndryshme, të mësojnë nga gabimet dhe sukseset e tyre, dhe të zhvillojnë aftësi kritike të mendimit strategjik, të gjitha brenda një mjedisi të sigurt dhe të kontrolluar.

Kjo iniciativë e UBT synon të forcojë aftësitë praktike të studentëve dhe t’i përgatisë ata për sfidat reale të sigurisë kombëtare dhe teknologjive moderne.

Continue Reading

Aktualitet

Studentët e Mekatronikës në UBT realizojnë vizitë studimore në “Auto Kaçandolli” në Prishtinë

Published

on

By

Studentët e vitit të tretë të programit Inxhinieri e Mekatronikës në UBT kanë realizuar një vizitë studimore në kompaninë e mirënjohur “Auto Kaçandolli” në Prishtinë, në kuadër të aktiviteteve praktike që synojnë ndërlidhjen e dijes akademike me industrinë.

Të shoqëruar nga profesori i lëndës, Betim Shabani, studentët patën mundësinë të njihen nga afër me proceset moderne të diagnostikimit, mirëmbajtjes dhe servisimit të automjeteve, si dhe me teknologjitë bashkëkohore që përdoren në fushën e mekatronikës automobilistike.

Gjatë vizitës, përfaqësuesit e kompanisë prezantuan pajisjet e avancuara teknologjike, sistemet elektronike të automjeteve dhe mënyrën e integrimit të mekanikës, elektronikës dhe informatikës – fusha këto që përbëjnë thelbin e programit të Mekatronikës në UBT.

UBT është lider në ofrimin e programeve inovative dhe në krijimin e urave të bashkëpunimit me industrinë, duke e bërë programin e Inxhinierisë së Mekatronikës një nga drejtimet më të kërkuara dhe me perspektivë të lartë punësimi.

Continue Reading

Lajmet

Ministria e Financave me njoftim për pagën minimale në sektorin privat

Published

on

By

Ministria e Financave, Punës dhe Transfereve dhe njëherë janë deklaruar për çështjen e pagës minimale në sektorin privat, ku thonë se tashmë është rritur nga 350 euro bruto në 425 euro bruto, duke hyrë në fuqi nga 1 janari i këtij viti.

Ata tregojnë për dy fazat, duke thënë se kjo rritje përbën një masë të rëndësishme për rritjen e mirëqenies së punëtorëve dhe përafrimin e pagës minimale me kushtet aktuale të tregut të punës.

Njoftimi i plotë:

Ministria e Financave, Punës dhe Transfereve njofton se paga minimale në sektorin privat është rritur nga 350 € bruto në 425 € bruto, duke hyrë në fuqi nga 1 janari i këtij viti.

🔹Zbatimi i vendimit për rritjen e pagës minimale do të realizohet në dy faza ashtu që të jetë më e lehtë për punëdhënësit t’i përshtaten ndryshimit në mënyrë graduale.

🔹Faza e dytë do të fillojë më 1 korrik, kur paga minimale do të arrijë në 500 € bruto.

Kjo rritje përbën një masë të rëndësishme për rritjen e mirëqenies së punëtorëve dhe përafrimin e pagës minimale me kushtet aktuale të tregut të punës.

Institucionet përgjegjëse do të sigurojnë zbatimin e plotë dhe të rregullt të këtij vendimi, në përputhje me legjislacionin në fuqi.

Continue Reading

Lajmet

Shtyhet seanca për Veliajn

Published

on

By

Gjykata e Posaçme shtyu për më 2 shkurt seancën e shqyrtimit paraprak të dosjes ndaj Erion Veliajt dhe të bashkëpandehurve. I pranishëm në seancë kryebashkiaku ka këmbëngulur në kërkesën e tij për t’u njohur me aktet e dosjes.

Gjykata vendosi të mbyllë shqyrtimin gjyqësor duke i konsideruar abuzive kërkesën e tij dhe të avokatëve për t’ju dhënë kohë të njihen me dosjen dhe mungesë vullneti për të paraqitur parashtrimet. Në një moment të mëvonshmëm gjykata ka shfuqizuar vendimin e saj. Kjo ka ardhur pasi avokatja e caktuar kryesisht nga Gjykata për Veliajn, Valtentina Teodoresku, kërkoi autorizim për të takuat në paraburgim Veliajn e më pas për të paraqitur parashtrimet e saj me shkrim.

Gjykata pranoi kërkesën e saj dhe shtyu seancën.

Continue Reading

Të kërkuara