Sport

Interi arrin marrëveshje me Kristjan Asllanin

Kështu ka raportuar gazetari i njohur Fabrizio Romano.

Published

on

Interi ka arritur marrëveshje të plotë me mesfushorin shqiptar Kristjan Asllani për kushtet personale. Bisedimet janë duke avancuar me Empolin ku edhe po diskutohet çmimi që duhet paguar për shërbimet e tij.

Kështu raporton gazetari i njohur Fabrizio Romano i cili shton se drejtori i përgjithshëm i Interi po punon fuqishëm për këtë.

Asllani dhe Bellanova janë që të dy pranë Interit, ndërsa Bremer ka qenë gjithmonë objektivi kryesor si qendërmbrojtës i ri.

Interi po ashtu është në bisedime të avancuar me Paulo Dybalan si dhe po negocion me Chelsean për rikthimin e Romleu Lukakut.

Sport

FIFA kërkon përfshirjen e futsallit në Lojërat Mesdhetare, futbolli largohet nga programi

Published

on

By

Për edicionin e 21-të të Lojërave Mesdhetare që do të mbahet në Prishtinë në vitin 2030, është vendosur që futsalli të zëvendësojë futbollin. Kjo është hera e parë që futsalli përfshihet në programin zyrtar të Lojërave, duke zëvendësuar turneun tradicional të futbollit për moshat nën 21 vjeç.

Anëtari i Bordit të Komitetit Ndërkombëtar të Lojërave Mesdhetare, Stavri Bello, tha për KosovaPress se ky ndryshim është bërë me kërkesë të FIFA-s, me qëllim zhvillimin dhe ndërkombëtarizimin më të madh të futsallit si sport.

“FIFA vendosi që në Lojërat Mesdhetare të zhvillohet futsalli në vend të futbollit, pasi ky i fundit nuk ka pasur interes të madh në garat për moshat e reja,” shpjegoi Bello.

Ky ndryshim ka ngritur pyetje nëse investimet për ndërtimin dhe rinovimin e stadiumeve në Kosovë do të ngadalësohen, por autoritetet janë shprehur se këto investime do të vazhdojnë sipas planit afatgjatë.

Kushtrim Krasniqi, zëdhënës i Komitetit Olimpik të Kosovës, tha se Ministria e Kulturës, Rinisë dhe Sportit nuk do të ndryshojë ritmin e investimeve në stadiume dhe infrastrukturë sportive, megjithë ndryshimin në programin e Lojërave.

Nga ana tjetër, Fidan Shatri, Kryesues i Komisionit për Licencim të Federatave Sportive në MKRS, theksoi se plani pesëvjeçar për ndërtimin dhe rinovimin e 27 stadiumeve do të vazhdojë pa ndryshime.

“Futsalli kërkon infrastrukturë të mbyllur, pra palestra dhe qendra sportive, prandaj përgatitjet për Lojërat do të përfshijnë edhe këto ambiente,” tha Shatri.

Lojërat Mesdhetare 2030 do të jenë hera e parë që Kosova do të organizojë këtë ngjarje madhore sportive, duke treguar një rritje të besimit ndërkombëtar në kapacitetet e vendit për të mirëpritur evente të rëndësishme sportive.

Continue Reading

Sport

FIFA ia ndalon klubit francez transferimin për tre afate kalimtare, shkak borxhet

Published

on

FIFA ka vendosur që Lyoni nuk do të mund të bëj transferime në tre afatet e ardhshme.

Masa disiplinore kundër klubit francez rrjedh nga një borxh i papaguar prej vetëm 2,000 eurosh që lidhet me komisionet e papaguara të transferimeve.

Ky ndalim transferimesh do të mbetet në fuqi deri në afatin kalimtar të verës 2026.

Megjithatë, Lyon këmbëngul se çështja është zgjidhur dhe shuma është paguar plotësisht.

Kujtojmë se, Lyon përfundoi i gjashti në renditjen e Ligue 1 të sezonit të kaluar.

Continue Reading

Sport

Zyrtare: Raul Gonzalez largohet nga Real Madrid

Published

on

Raul nuk do të vazhdojë tek Real Madrid Castilla, pra ka dhënë dorëheqje.

Në këtë mënyrë, trajneri përfundon një periudhë gjashtëvjeçare në krye të ekipit rezervë të Real Madridit.

Që atëherë, ai ka arritur të menaxhojë 209 ndeshje, me një rekord prej 82 fitoresh, 70 barazimesh dhe 57 humbjesh.

Raul do të zëvendësohet në këtë pozicion nga Arbeloa , i cili kalon te Castilla nga ekipi Juvenil A, ku ka pasur tre vite të suksesshme.

Continue Reading

Sport

“Njeriu i Everestit” thyen rekord me ngjitjen e 31-të

Published

on

Nepalezi Kami Rita, i njohur edhe si “Njeriu i Everestit”, është ngjitur në malin Everest për herë të 31-të, duke thyer rekordin e tij për ngjitjet më të shumta në majën më të lartë në botë.

55-vjeçari, i cili po udhëhiqte një grup zyrtarësh të ushtrisë indiane në mal, arriti majën e saj prej 8,894 metrash në orën 04:00 sipas orës lokale të martën

“Sherpa Kami Rita nuk ka nevojë për prezantim. Ai nuk është vetëm një hero kombëtar i ngjitjes, por një simbol global i vetë Everestit”, tha organizatori i ekspeditës Seven Summit Treks në një deklaratë, raporton BBC.

Rita u ngjit për herë të parë në majën e Everestit më 1994 duke udhëhequr një ekspeditë tregtare dhe e ka arritur majën pothuajse çdo vit që atëherë. Ai e ngjiti atë dy herë në disa vite, si në vitin 2023 dhe 2024.

Konkurrenti më i afërt për rekordin e Everestit është sherpazi nepalez Pasang Dawa, i cili e ngjiti majën 29 herë – përpjekja e fundit e bërë javën e kaluar. Kami Rita më parë u ka thënë mediave se si ngjitjet e tij janë thjesht punë.

“Jam i lumtur për rekordin, por rekordet përfundimisht thyhen”, i tha ai AFP-së në maj të vitit të kaluar. “Jam më i lumtur që ngjitjet e mia ndihmojnë Nepalin të njihet në botë”.

Ky sukses i Kami vjen një javë pasi alpinisti britanik Kenton Cool u ngjit në majë të Everestit për herë të 19-të, duke thyer gjithashtu rekordin e tij për numrin më të madh të ngjitjeve për një jo-sherpa.

Më shumë se 500 njerëz dhe guidat e tyre janë ngjitur me sukses në Everest këtë sezon ngjitjeje, i cili po i vjen fundi.

Nepali lëshoi ​​më shumë se 1,000 leje ngjitjeje këtë sezon – duke përfshirë Everestin dhe maja të tjera – sipas departamentit të turizmit. Numri i përpjekjeve për në majën e Everestit është rritur ndjeshëm vitet e fundit. Megjithatë, kjo ka çuar në shqetësime rreth mbipopullimit dhe ndikimit në mjedis.

Continue Reading

Të kërkuara