Sport

Policia e Kosovës shpalos planin operativ para ndeshjes Kosovë-Irlandë e Veriut

Rrugët “Luan Haradinaj” dhe “Fehmi Agani” që qojnë në drejtim të stadiumit do të jenë të bllokuara.

Published

4 years ago

June 9, 2022

UBT news

Pak orë para ndeshjes së Ligës së Kombeve ndërmjet Kosovës dhe Irlandës së Veriut që do të zhvillohet në stadiumin “Fadil Vokrri” nga ora 20:45, policia e Kosovës ka njoftuar opinionin për planin operativ që do të zbatohet me qëllim të mbarëvajtjes së rendit dhe qetësisë në rrugët e kryeqytetit para, gjatë dhe pas përfundimit të ndeshjes.

Më këtë rast, policia ka bërë të ditur se rrugët “Luan Haradinaj” dhe “Fehmi Agani” që qojnë në drejtim të stadiumit do të jenë të bllokuara.

Po ashtu, është bërë e ditur se do të ketë kontrolle të detajuara për të gjithë tifozët që do të hyjnë në stadium për të mos lejuar mjetet që mund të paraqesin rrezik.

Ky është njoftimi i plotë i Policisë së Kosovës:

Sot, më 9 qershor 2022, përfaqësuesja e Kosovës në futboll do të zhvillojë ndeshje ndaj Irlandës së Veriut. Policia e Kosovës ka hartuar dhe do të zbatojë planin operativ për të ofruar siguri para, gjatë dhe pas ndeshjes së futbollit. Policia do të kujdeset që në perimetrin e jashtëm (perimetri i dytë) të stadiumit të ofrojë siguri dhe të kujdeset për mbarëvajtjen dhe lëvizjen e personave në atë perimetër.

Rrugët që shkojnë drejt stadiumit ‘Fadil Vokrri’ dhe përreth tij do të jenë të bllokuara për qarkullim dhe parkim të veturave. Pra, nuk do të lejohet hyrja e veturave nga rruga ‘Luan Haradinaj’ dhe ‘Fehmi Agani’ në drejtim të stadiumit dhe lëvizja apo parkimi përgjatë rrugës përreth stadiumit. Kurse veturat zyrtare që lejohen të futën në atë zonë duhet të jenë të pajisura me leje të parkingut dhe do të futen në parkim vetëm nga rruga ‘Tirana’.9

Policia, në zbatim të planit operativ do të angazhohet edhe në kontroll më të detajuar të personave që shkojnë drejt stadiumit dhe nuk do të lejohen gjëra që mund të paraqesin rrezik në situata të tilla si dhe gjëra që janë të ndaluara për hyrje në stadium.

Personat të cilët nuk janë pajisur me bileta, apo të cilët përpiqen të qëndrojnë në afërsi apo për rreth stadiumit, sipas planit nuk do të lejohen të qëndrojnë, andaj kërkojmë mirëkuptimin e të gjithëve.

Sport

Tronditet pozita e Infantinos, shumica e federatave kundër mandatit të katërt

Published

24 hours ago

August 11, 2026

UBTNews

Pozita e Gianni Infantinos në krye të FIFA-s është tronditur ndjeshëm, vetëm pak javë pasi ai konsiderohej favorit absolut për të fituar një mandat të katërt në drejtimin e organizatës.

Sipas BBC Sport, aktualisht vetëm 73 nga 210 federatat anëtare të FIFA-s janë në mbështetje të Infantinos, ndërsa 124 janë kundër tij. 13 federata të tjera ende nuk kanë përcaktuar qëndrimin e tyre.

Megjithatë, këto shifra mund të ndryshojnë në muajt e ardhshëm, përpara zgjedhjeve.

Situata për Infantinon është përkeqësuar pas kundërshtimeve të forta ndaj planit të tij, tashmë të braktisur, për t’u shitur investitorëve privatë një pjesë e të drejtave komerciale të Kupës së Botës dhe kompeticioneve të tjera të FIFA-s.

UEFA, CONCACAF dhe Konfederata Aziatike e Futbollit (AFC), të cilat së bashku përfaqësojnë 136 federata, kanë kritikuar ashpër FIFA-n dhe Infantinon, duke i akuzuar për shkelje të besimit dhe “mashtrim” lidhur me mënyrën se si është menaxhuar plani.

Kështu, ajo që deri vonë dukej si një garë e sigurt për Infantinon, tashmë është shndërruar në një betejë të pasigurt për mbijetesën e tij në krye të futbollit botëror.

D.L

Sport

Sigal Prishtina mirëpret David Krizanic: “Mirë se vjen në shtëpinë e kampionëve”

Published

24 hours ago

August 11, 2026

UBTNews

Sigal Prishtina ka zyrtarizuar afrimin e David Krizanic.

Klubi prishtinas e ka prezantuar lojtarin e ri përmes një postimi në rrjetet sociale, duke e mirëpritur me mesazhin: “Mirë se vjen në shtëpinë e kampionëve, David Krizanic.”

Me këtë përforcim, Sigal Prishtina vazhdon të ndërtojë skuadrën për sezonin e ri, me synimin për të mbrojtur trofetë dhe për të mbetur në majën e basketbollit kosovar.

D.L

Sport

Drita përforcohet me Eduard Rrocën

Published

1 day ago

August 11, 2026

UBTNews

Eduard Rroca është futbollisti më i ri i Dritës së Gjilanit.

Kampionia në fuqi e Kosovës e ka zyrtarizuar të martën transferimin e sulmuesit 33-vjeçar, i cili rikthehet në futbollin kosovar pas një eksperience të gjatë jashtë vendit.

Rroca së fundmi ishte pjesë e skuadrës turke Ankara, ndërsa gjatë karrierës së tij ka luajtur edhe për disa klube të tjera në Turqi, si dhe në Shqipëri.

Me ardhjen e Rrocës, Drita synon të shtojë alternativat në repartin ofensiv dhe të forcojë skuadrën për sezonin e ri.

Klubi gjilanas po ashtu ka bërë një ndryshim të rëndësishëm në pankinë. Të hënën, Drita riktheu Ardian Nuhiun në postin e trajnerit, me të cilin synon të vazhdojë objektivat e saj për edicionin e ri.

D.L

Sport

Gazetari turk ndalohet nga policia pas raportimit për transferimin e Musialas te Galatasaray

Published

1 day ago

August 11, 2026

UBTNews

Gazetari turk Burhan Can Terzi është ndaluar nga policia pasi raportoi se Galatasaray ishte pranë transferimit të yllit të Bayern Munichut, Jamal Musiala.

Sipas mediave turke, Terzi u ndalua me urdhër të kryeprokurorit publik të Bakırköyt, nën dyshimin për “përhapje publike të informacionit mashtrues”.

Ky raportohet të jetë rasti i parë i një gazetari sportiv me profil të lartë në Turqi që ndalohet nën akuza të tilla.

Terzi u lirua disa orë pas ndalimit dhe ndaj tij nuk u vendosën masa kufizuese.

Gazetari kishte raportuar më 26 korrik se Galatasaray ishte shumë pranë arritjes së një marrëveshjeje për transferimin e Musialas. Megjithatë, klubi turk reagoi duke e mohuar kategorikisht këtë pretendim.

Pavarësisht lirimit të tij, ndalimi i Terzit ka shkaktuar vëmendje të madhe në Turqi, veçanërisht për shkak se bëhet fjalë për një raportim sportiv që lidhej me një prej futbollistëve më të njohur të Bayern Munichut.

D.L