Lajmet nga UBT
Interesimi i maturantëve për UBT po rritet nga çdo cep i trevave shqiptare
Në një udhëtim që përfshiu çdo cep të trevave shqiptare nga Prishtina në Pejë, nga Peja në Mitrovicë, nga Mitrovica në Shkup e Tetovë, Ferizaj, Rahovec dhe Therandë, UBT ka hapur dyert e mundësive për të rinjtë që ëndërrojnë një të ardhme profesionale më të sigurt dhe më të suksesshme.
Me vullnet, përkushtim, angazhim të thellë, UBT është bërë zgjedhja e parë për maturantët nga Kosova, Shqipëria, Maqedonia e Veriut, Mali i Zi, Lugina e Preshevës dhe gjithë trevat shqiptare. Ata e shohin këtë institucion si pikën e nisjes për një karrierë të suksesshme dhe një edukim të nivelit të lartë.
Vizitat në shkolla kanë qenë dëshmi e interesimit të madh që ka zgjuar UBT. Maturantët nga institucionet më të njohura në Kosovë dhe më gjërë kanë pasur mundësinë të njihen me programet e avancuara studimore, mundësitë për bursa dhe mobilitet ndërkombëtar përmes Erasmus+.
Për çdo maturant, mundësitë për studime në UBT janë të panumërta. Me mbi 500 partneritete me kompani të njohura, UBT nuk ofron vetëm arsimim akademik, por edhe zhvillim praktik dhe përgatitje për tregun e punës që në fazën e parë të studimeve. Njëkohësisht, mundësitë e bursave dhe mobiliteteve ndërkombëtare janë të hapura, duke u ofruar studentëve mundësinë të studiojnë në disa nga universitetet më prestigjioze të Evropës.
Për më tepër, ky angazhim i UBT-së për të rinjtë ka vazhduar dhe do të vazhdojë me vizita në shkollat e qyteteve të Kosovës dhe rajonit duke krijuar hapësira për diskutime të hapura dhe informuese me maturantët që synojnë një të ardhme të ndritur akademike dhe profesionale.
Me programe të avancuara, mundësi të shumta zhvillimi dhe edukim ndërkombëtar, si dhe përkushtimin për suksesin e çdo studenti, UBT mbetet rruga më e sigurt për çdo maturant që synon të arrijë majat e suksesit në akademi.
Shqipëria, Mali i Zi dhe Lugina e Preshevës janë tashmë në pritje të mundësive që UBT ka për t’u ofruar. Në javët në vijim, UBT do të vizitojë Korçën, Shkodrën, Ulqinin, Bujanocin dhe Preshevën, duke sjellë një valë mundësish dhe shpresash për të rinjtë që ëndërrojnë një të ardhme më të ndritur!
Dyert e mundësive janë të hapura për të gjithë ata që duan të hedhin një hap të sigurt drejt studimeve dhe një të ardhmeje akademike të suksesshme. Ka një rrugë për të udhëhequr. UBT!
Lajmet nga UBT
Rektori i UBT-së mori pjesë në ceremoninë festive të inaugurimit si anëtar i rregullt i Akademisë së Shkencave dhe Arteve të Evropës në Salzburg në Austri
Rektori i UBT-së, Prof. Dr. Edmond Hajrizi, mori pjesë në ceremoninë festive për inaugurimin e anëtarëve të rinj të rregullt të Akademisë së Shkencave dhe Arteve të Evropës. Kjo ngjarje prestigjioze u organizua në Amfiteatrin kryesor të Universitetit të Salzburgut dhe mblodhi personalitete të shquara nga e gjithë bota.
Me këtë rast, Rektorit Hajrizi dhe anëtarëve të tjerë të pranuar gjatë këtij viti iu nda Certifikata e Anëtarësimit.
Rektori Hajrizi theksoi se pranimi në Akademi është një mundësi për të kontribuar më tej në fushat e interesit, duke adresuar probleme globale dhe sfida të reja.
“Jam i nderuar dhe i lumtur që jam pranuar në një komunitet kaq të rëndësishëm në Evropë dhe do të ofroj kontributin tim edhe më gjerë, veçanërisht në trajtimin e problematikave të reja globale që lidhen me fushat e mia të interesit, si inteligjenca artificiale, zhvillimi i qëndrueshëm, inovacioni, qytetet e mençura dhe të vetëqëndrueshme, edukimi, teknologjia dhe shumë të tjera”, u shpreh Rektori Hajrizi.
Pranimi në Akademinë e Shkencave dhe Arteve të Evropës është një tjetër arritje e rëndësishme e Rektorit Hajrizi dhe UBT-së, duke theksuar angazhimin për zhvillimin e shkencës, inovacionit dhe bashkëpunimit ndërkombëtar në nivel akademik.
Rektori Hajrizi u takua me shumë personalitete të njohura të shkencës nga e gjithë bota, duke përfshirë edhe Presidentin e Akademisë, z. Klaus Mainzer, me të cilët diskutoi mundësitë e bashkëpunimit. Për hir të anëtarëve të rinj, Akademia Evropiane organizoi një mbrëmje gala festive të shtunën.
Me rastin e Ditës Ndërkombëtare të Gruas, më 8 mars, një grup studentësh të Fakultetit të Psikologjisë në UBT, të udhëhequr nga Shqipe Shala dhe Kosovare Hamiti, së bashku me studentin e aktrimit Denis Arifi dhe dekanen e Fakultetit të Psikologjisë, Denis Celcima, organizuan një vizitë në Shtëpinë e të Moshuarve, një akt i mbushur me solidaritet dhe ndjeshmëri.
Aktiviteti i cili ka për qëllim nderimin dhe mbështetjen e individëve të moshuar që kanë dhënë një kontribut të çmuar në shoqëri, ishte një ngjarje që bashkoi energjinë rinore me përvojën dhe mençurinë e brezit të kaluar.
Pjesëmarrësit në këtë aktivitet sollën momente të bukura, duke realizuar aktivitete artistike, këngë dhe poezi, por mbi të gjitha, biseda të ngrohta që krijuan një lidhje të veçantë me ata që kishin kaluar një jetë plot mundime dhe përpjekje.
Ndërkohë, studentët e Gjimnazit në UBT kontribuan në këtë atmosferë me një program të pasur aktivitetesh dhe performancash, që përfshinte shfaqje teatrale, muzikë dhe lojëra ndërvepruese, duke e pasuruar kështu këtë ditë me ngjyra dhe emocione të veçanta.
Eventi përveç se ishte një mundësi për të shprehur mirënjohjen ndaj kontributit të gruas në shoqëri, ishte gjithashtu një shembull i bukur i solidaritetit ndërgjeneracional, ku brezat e rinj dhe ata të moshuar u bashkuan për të ndarë momente të paharrueshme. Kjo ngjarje, më shumë se një vizitë për të moshuarit, ishte një thirrje e fuqishme për të reflektuar mbi vlerat e bashkëjetesës, respektit dhe dashurisë për njëri-tjetrin.
Në këtë ditë të veçantë, u nderua jo vetëm gruaja, por gjithashtu edhe fuqia e saj për të formuar dhe shëndoshur shoqërinë nëpërmjet mundësive që ofron dashuria dhe angazhimi./UBTNews/
Lajmet nga UBT
Rektori Hajrizi në 27-vjetorin e Epopesë: Kosova, një trashëgimi që jeton dhe ndërton të ardhmen e dijes
Në kuadër të 27-vjetorit të Epopesë së Ushtrisë Çlirimtare të Kosovës, Rektori i UBT-së, Prof. Dr. Edmond Hajrizi, rikujtoi sakrificën sublime të familjes Jashari dhe rëndësinë historike të këtyre ditëve për kombin shqiptar. Ai theksoi se data 5, 6 dhe 7 Mars janë më shumë se një përkujtim i heronjve tanë; ato janë një thirrje për të ndaluar dhe reflektuar mbi vlerat e lirisë, guximit dhe përkushtimit të palëkundur ndaj atdheut.
“Historia e kombit tonë është e ndërtuar mbi gjakun dhe sakrificën e atyre që dhanë gjithçka për lirinë dhe dinjitetin e Kosovës. Familja Jashari, nën udhëheqjen e Ademit dhe Hamzës, ka hapur rrugën që ne sot të jetojmë të lirë. Ata janë jo vetëm simboli i qëndresës, por edhe shpirti i pashuar i sakrificës, një trashëgimi që do të jetojë përjetësisht në ndërgjegjen tonë kombëtare. Ata janë flamuri i qëndresës, një testament i gjallë i sakrificës që nuk mund të fshihet asnjëherë nga ndërgjegjja jonë kombëtare. Këto ditë na rikujtojnë jo vetëm lavdinë heroike të të kaluarës, por edhe përgjegjësinë që kemi për të avancuar dhe mbajtur gjallë vlerat e lirisë dhe zhvillimit të Kosovës”, u shpreh Rektori Hajrizi.
Epopeja e Ushtrisë Çlirimtare të Kosovës shënoi një kthesë të paharrueshme në historinë tonë, duke dhënë një shtysë të paepur për luftën për liri dhe duke bashkuar popullin shqiptar si kurrë më parë. Gjatë këtyre ditëve të lavdishme, solidariteti dhe bashkimi i shqiptarëve u forcuan dhe u afirmuan, duke e bërë të pamundur që të kthehej mbrapsht historia e luftës për liri. Ndërkohë, bota e civilizuar dhe diplomacia ndërkombëtare filluan të reflektonin mbi padrejtësitë që ndodhnin në Kosovë, duke e vënë rajonin në qendër të vëmendjes globale.
Rektori Hajrizi shtoi se ky 27-vjetor është më shumë se një përkujtim. Është një mundësi e shkëlqyer për të rifituar frymën e atdhetarizmit dhe solidaritetit që karakterizuan atë periudhë të lavdishme. “Ne, si qytetarë të Kosovës, duhet të ndërtojmë një të ardhme që respekton dhe nderon këto sakrifica dhe të sigurojmë një zhvillim të qëndrueshëm, duke promovuar një shoqëri të drejtë, të barabartë dhe të prosperuar”, theksoi ai.
Reflektimi dhe vlerësimi i Epopesë së Ushtrisë Çlirimtare të Kosovës na angazhon të gjithëve për një zhvillim të qëndrueshëm dhe një Kosovë të fortë, që i qëndron besnike principeve të lirisë, dinjitetit dhe paqes./UBTNews/
Rektori i UBT-së mori pjesë në ceremoninë festive të inaugurimit si anëtar i rregullt i Akademisë së Shkencave dhe Arteve të Evropës në Salzburg në Austri
Studentët e UBT-së, një 8 Mars plot aktivitet dhe solidaritet në “Shtëpinë e të Moshuarve”
UBT rangohet institucioni i parë në Kosovë për shkencë nga SCImago
Kryeministri i Sllovakisë kundër ndihmës për Ukrainën: S’do të ofrojmë para, as armë
Disidentët kolumbianë rrëmbejnë 29 anëtarë të forcave të sigurisë
“Ndalni sulmet”, Trump ultimatum Rusisë: Do vendosim sanksione në shkallë të gjerë
Sulmi raketor ndaj Ukrainës, Zelensky thirrje Rusisë për armëpushim ajror dhe detar
Kosova pa asnjë kontratë lobimi në SHBA
GAP: 57 për qind e bizneseve në pronësi të grave kanë prezencë online
-
Magazinë3 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt