Aktualitet

Instituti Ifo: Recesioni e pret Gjermaninë në vitin 2023

Këtë vit, sipas vlerësimeve të fundit, ekonomia pritet të rritet 1.6 për qind.

Publikuar

2 vjet më parë

më

Ekonomia e Gjermanisë do të tkurret në vitin 2023 pasi një rritje dramatike e kostove të energjisë për shkak të luftës Rusi-Ukrainë ka zbehur perspektivat për rimëkëmbjen nga kriza pandemike, njoftoi sot Instituti Ifo.

Në qershor, instituti parashikoi se ekonomia do të rritet me 3.7 për qind vitin e ardhshëm dhe tani parashikon që aktiviteti të bjerë me 0.3 për qind.

Në të njëjtën kohë, ai rriti ndjeshëm parashikimin e inflacionit për vitin 2023, me gjashtë pikë përqindjeje, në 9.3 për qind.

Këtë vit, sipas vlerësimeve të fundit, ekonomia pritet të rritet 1.6 për qind. Në qershor, instituti parashikoi një normë rritjeje 2.5 për qind. Inflacioni pritet të arrijë në 8.1 për qind këtë vit dhe të jetë 1.3 pikë përqindje më i lartë se ai që ishte parashikuar në qershor.

“Furnizimi i reduktuar i gazit nga Rusia gjatë verës dhe rritja drastike pasuese e çmimeve po shkatërron rimëkëmbjen ekonomike pas pandemisë së koronavirusit”, tha Timo Wollmershaeuser, kreu i parashikimeve ekonomike në Ifo.

Tremujori i parë 2023 do të jetë veçanërisht i vështirë për konsumatorët pasi furnizuesit e energjisë rregullojnë çmimet për shkak të kostove të larta të prokurimit, të cilat do ta shtyjnë inflacionin në rreth 11 për qind, tha Instituti Ifo.

Kjo do të nënkuptojë ulje të fuqisë blerëse të familjeve, paralajmëron Ifo, duke shtuar se paketa e qeverisë do ta zbusë goditjen, por nuk do ta amortizojë plotësisht.

“Humbja e fuqisë blerëse, e matur nga rënia e pagave reale për frymë me rreth tre për qind këtë vit dhe vitin e ardhshëm, është më e madhja që kur sistemi aktual i llogarive kombëtare u prezantua në vitin 1970”, tha Wollmershaeuser.

Gjatë vitit të ardhshëm rritja e çmimeve duhet të dobësohet gradualisht, duke supozuar se do të ketë mjaftueshëm gaz gjatë dimrit, vëren Ifo, duke shtuar se çmimet e produkteve energjetike duhet të fillojnë të bien më së voni në pranverën e vitit 2023.

Në vitin 2024, ekonomia pritet të rritet 1.8 për qind dhe çmimet 2.5 për qind, ka llogaritur instituti.

Ekonomia gjermane pothuajse ngeci në tremujorin e dytë, e mbështetur nga shpenzimet e familjeve dhe të qeverisë. Në tre muajt e parë, aktiviteti është rritur 0.8 për qind krahasuar me fundin e vitit të kaluar.

Etiketa
Vazhdo të lexosh

Bota

Ekonomia gjermane sheh tkurrjen vjetore të pestë radhazi të PBB-së

Publikuar

5 ditë më parë

më

30 Prill, 2024

nga

Ekonomia gjermane është tkurrur me 0.2% në tremujorin e parë të vitit 2024 në bazë vjetore, deklaroi të martën departamenti i statistikave të vendit Destatis. Që nga fillimi i vitit të kaluar, ekonomia gjermane është tkurrur çdo vit për pesë tremujorë radhazi.

Vitin e kaluar, ekonomia gjermane u tkurr me 0.2% në tremujorin e parë, të dytë dhe të katërt, dhe 0.4% në tremujorin e tretë, në bazë vjetore. Në bazë tremujore, produkti i brendshëm bruto (PBB) i vendit u rrit lehtësisht me 0.2% në periudhën janar-mars.

PBB-ja u tkurr me 0.5% në tremujorin e fundit të vitit 2023. Për shkak të dy rënieve të njëpasnjëshme të PBB-së, ekonomia gjermane kishte hyrë edhe në një recesion teknik vitin e kaluar.

Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

2 javë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

3 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

2 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Të kërkuara