Kronikë e zezë

Inspektorati gjobit RTK-në me 2 mijë euro

Kjo pas ankesave të dy kandidatëve pjesëmarrës në konkursin për gazetar/redaktor.

Published

2 years ago

August 9, 2023

UBT news

Inspektorati i Punës ka gjobitur Radiotelevizionin e Kosovës (RTK) prej 2 mijë eurosh, pas ankesave të dy kandidatëve pjesëmarrës në konkursin për gazetar/redaktor.

Kështu ka bërë të ditur Sindikata e pavarur e RTK-së përmes nëj komunikate për media.

“Gjobat ndaj RTK-së nuk kanë të ndalur. 2 mijë euro gjobë për paligjshmërinë në konkursin për Gazetar/Redaktor në ueb faqe. Vendimet janë marr pas ankesave të dy kandidatëve pjesëmarrës në konkurs: 01 NR.25-147/2023 dhe 01 Nr.25-148/2023”, thuhet në komunikatë.

Sipas komunikatës, në vendimin e Inspektoratit thuhet se RTK obligohet që në afat prej 8 ditësh ta paguajë dënimin e shqiptuar, në të kundërtën do të iniciohet procedurë përmbarimore.

“Vetëm brenda gjashtë muajve Inspektorati i Punës ka gjobitur RTK-në së paku pesë herë… RTK që prej themelimit të saj nuk është gjobitur asnjëherë më shumë se sa për këta gjashtë muaj. Gjobat janë treguesi më i mirë i asaj që në vazhdimësi po e potencon Sindikata, se në RTK po punësohet paligjshëm, po degradohet paligjshëm, po avancohet paligjshëm”, thuhet po aty.

Derisa ka publikuar karrige dhe guaska të dëmtuara në RTK, sindikata ka bërë disa llogaritje:

“Këto janë gjobat për të cilat ka reaguar Sindikata: 3000 euro, 1500 euro. 1500 euro, 1000 euro, 1000 euro. Gjithsej: 8 mijë euro. 8000:150= 53 karrige + kapaku i guacës së tualetit në katin e parë”, thuhet aty.

Lajmet

Plagoset me armë zjarri një person në Pejë

Published

1 day ago

December 15, 2025

UBT News

Policia e Kosovës ka njoftuar se është plagosur me armë zjarri një person mbrëmë në Pejë.

Lajmin e ka konfirmuar zëdhënësi i policisë për rajonin e Pejës, Fadil Gashi, i cili bëri të ditur se dyshohet që kjo ka ndodhur aksidentalisht.

Ai bëri të ditur se në bazë të informacioneve, i plagosuri është jashtë rrezikut për jetë.

“Pas orës 19:00 policia është njoftuar nga Spitali i Pejës se një person ka shkuar atje i lënduar nga arma e zjarrit. Ai dyshohet se është plagosur aksidentalisht nga një person. I plagosuri është jashtë rrezikut për jetë”, thuhet në konfirmim.

Gashi gjithashtu tha se i dyshuari është shoqëruar për në stacion policor./S.K/EO/PK/

Lajmet

Vetëplagoset me armë zjarri një 50-vjeçar në Lipjan

Published

1 day ago

December 15, 2025

UBT News

Një burrë është vetëplagosur me armë zjarri në fshatin Mirenë të Lipjanit, ku viktima, 50-vjeçar, u dërgua fillimisht për trajtim në Qendrën e Mjekësisë Familjare në Drenas, ndërsa më pas u transferua në QKUK për kujdes të specializuar.

Drejtori i Emergjencës Naser Syla, deklaroi se gjendja e tij ishte stabile.

“Janë kryer ekzaminimet e nevojshme,pasi ishte në sallën operative të Emergjencës duke u intervenuar nga ekipët e anestezionit dhe urologjisë, pas operacionit u transferua në Klinikën e Urologjisë për trajtim të metutjeshëm”, deklaroi Syla.

Rreth ngjarjes u deklarua edhe Policia e Kosovës.

Zëdhënësja për rajonin e Prishtinës Flora Ahmeti, deklaroi se në koordinim me Prokurorin e Shtetit po hetohen të gjitha rrethanat që lidhen me rastin.

“Rreth orës 12:00, policia është njoftuar se në fshatin Mirenë të Lipjanit, një person (mashkull) është plagosur me armë zjarri. Njësitet policore kanë dalë në vendngjarje dhe në koordinim me Prokurorin e shtetit,janë duke u marrë me hetimin e të gjitha rrethanave që lidhen me rastin, ndërkohë që personi i lënduar është dërguar për tretman mjekësor”, tha Ahmeti./S.K/EO/PK/