Lajmet

Infermierët pezullojnë grevën

Published

5 years ago

December 25, 2020

Betim Gashi

Sindikata e Infermierëve, Mamive dhe profesionistëve të tjerë shëndetësorë ka marrë vendim që përfundimisht të pezullojë grevën, përmes së cilës kërkohej dyfishimi i pagesave për ndërrimin e natës.

Pas kërkesës së kryeministrit Avdullah Hoti, greva është pezulluar disa herë dhe u vendos që kërkesat e tyre të realizohen.

Mirëpo pas vendimit të Gjykatës Kushtetuese në lidhje me rrëzimin e Qeverisë, greva është anuluar tërësisht, ka konfirmuar për Ekonomia Online Fitim Havolli, kryetar i kësaj sindikate.

“E vërteta është që ndodhi çka ndodhi, të shtunën në mbrëmje erdhi vendimi i Gjykatës Kushtetuese, mirëpo nuk do të thotë se kryeministri nuk mundet prapë, ose të marrë vendim mbi bazën e kërkesës sepse atë kërkesë ia kemi dorëzuar me shkrim ashtu siç është kërkuar nga Sindikata e Infermierëve dhe të realizojë këtë kërkesë vërtetë të qëlluar dhe shumë stimuluese e domethënëse për këtë komunitet në vendin tonë”, theksoi ai.

I pyetur se a do të vazhdojnë me greva, Havolli tha se nuk ka kuptim më që grevat të realizohen, sepse sipas tij, nuk kanë ku t’i adresojnë kërkesat.

“Në këtë rast ne të vetmin person qe e kemi përballë për t’i realizuar këto kërkesa është qeveria, e në rast se tash kjo qeveri është në ikje ose në shkuarje, nuk ka asnjë kuptim të futemi ne në greva ose në protesta, përderisa nuk ki me kënd të bisedosh, prandaj po them në rast se e kanë seriozisht e kanë vullnet të mirë dhe presin që nesër të ju drejtohen qytetarëve me besimin që të ju jepet për shkak të nevojave që ka ky komunitet”, tha Havolli.

Madje Havolli thotë se që nga pas lufta sektori i shëndetësisë nuk është trajtuar me prioritet, raporton EO.

“Me të vërtetë nuk është trajtuar sektori i shëndetësisë dhe veçanërisht komuniteti i infermierëve që nga paslufta e këndej, sepse me të vërtetë shëndetësinë e kanë lanë keq që nga paslufta, mirëpo kjo pandemi ka ndikuar edhe më shumë, dhe në rast që nuk do të ishin këta profesionistë, shteti jonë do të ishte në krizë të madhe”, theksoi ai më tej.

Related Topics:kryesore infermieret greva

Up Next

Tetë të vdekur dhe 249 raste të reja me COVID-19

Don't Miss

Gjergji: Solidariteti i Zotit është në këto kohë të errëta të pandemisë

Lajmet

Një i lënduar nga aksidenti në autostradën Prishtinë-Prizren

Published

14 minutes ago

October 17, 2025

UBTnews

E përditësuar:

Një aksident i rëndë trafiku ka ndodhur sot në orët e mëngjesit në autostradën Prishtinë-Prizren.

Sipas policisë të përfshira ishin dy automjete, teksa një person ka kërkuar ndihmë mjekësore.

“Rreth orës 08:05, policia është njoftuar për një aksident trafiku. Njësia e trafikut (autostradës), njofton se në autostradën për Shqipëri, drejtimi Prishtinë-Prizren (km i 25), ka ndodhur aksident trafiku ku të përfshira kanë qenë dy automjete. Si pasojë e aksidentit, një person ka kërkuar ndihmë mjekësore”, thuhet në përgjigjje./KP

Lajmet

Përfundon numërimi i votave në Fushë Kosovë

Published

24 minutes ago

October 17, 2025

UBTnews

Procesi i numërimit të votave në QKN nga KQZ është drejt përfundimit.

Në Fushë Kosovë janë numëruar 100% të votave të teksa garën për kryetar e prin Valon Prebreza nga LVV me 45.12% i pasuar nga Besnik Osmani nga LDK me 36.62% me të cilin do të jetë në balotazh.

Ndërkohë edhe në numërimet e votave për Kuvend Komunal të Fushë Kosovës prin LVV me 33.97% e pasuar nga LDK me 29.10% dhe PDK me 20.01%./KP

Lajmet

Dyshohet se dhunoi një vajzë të mitur, arrestohet burri në Malishevë

Published

30 minutes ago

October 17, 2025

UBTnews

Një vajzë e mitur dyshohet të jetë dhunuar në Malishevë dy ditë më parë. Për këtë policia ka njoftuar se tashmë ka arrestuar të dyshuarin.

Sipas raportit 24 orësh të Policisë së Kosovës, i dyshuari me vendim të prokurorit është dërguar në mbajtje.

“Më 16.10.2025 është arrestuar i dyshuari mashkull kosovar, për shkak të dyshimit se ka kryer veprën e lart-cekur ndaj viktimës së mitur femër. I dyshuari me vendim të prokurorit është dërguar në mbajtje”, thuhet në raportin e Policisë.

Lajmet

Klinë, pas mosmarrëveshjes verbale i dyshuari sulmon fizikisht motrën

Published

44 minutes ago

October 17, 2025

UBTnews

Një rast i dhunës në familje ka ndodhur dje në Klinë.

Sipas raportit të policisë, një person ka sulmuar fizikisht motrën e tij pas një mosmarrëveshje paraprake, transmeton KosovaPress.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

“Klinë 16.10.2025, 17:00. Është arrestuar i dyshuari mashkull kosovar, pasi që i njëjti pas një mosmarrëveshje e kishte sulmuar fizikisht motrën e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e Policisë së Kosovës.