Sport

Infantino: FIFA nuk mund t’u diktojë qeverive se kë të lejojnë të hyjë në vend

Published

3 months ago

June 11, 2026

UBTNews

Presidenti i FIFA-s, Gianni Infantino, ka folur për çështje të ndryshme në konferencën për media para nisjes së Kupës së Botës 2026, duke komentuar edhe problemet me vizat dhe rastin e gjyqtarit somalez Artan Omrai, të cilit i është mohuar hyrja në Shtetet e Bashkuara të Amerikës.

Infantino theksoi se FIFA nuk ka kompetenca për t’u imponuar qeverive vendime lidhur me hyrjen e individëve në territorin e tyre, duke shtuar se organizata që ai drejton përpiqet vazhdimisht të gjejë zgjidhje për raste të tilla.

“Më besoni kur ju them, ose mos më besoni nëse nuk doni, por ne përpiqemi gjithmonë të gjejmë zgjidhje. Duhet të respektojmë faktin se nuk jemi mbretërit e botës që mund të sundojnë mbi qeveritë dhe forcat policore. Ne jemi një organizatë sportive dhe përpiqemi të bëjmë më të mirën me mjetet që kemi”, deklaroi Infantino.

Kreu i FIFA-s shprehu keqardhje për rastin e Artan Omrait, arbitrit nga Somalia, i cili nuk arriti të sigurojë hyrjen në SHBA për Kupën e Botës.

Pavarësisht vështirësive të hasura me vizat, që kanë prekur edhe delegacione të tjera pjesëmarrëse, përfshirë Iranin, i cili u detyrua ta zhvendosë bazën e tij stërvitore në Meksikë, Infantino insistoi se nuk pendohet për vendimin që Shtetet e Bashkuara të jenë një nga nikoqirët e Botërorit 2026.

Ai komentoi gjithashtu kritikat e fundit lidhur me çmimet e biletave për ndeshjet e Kupës së Botës, duke theksuar se çmimi mesatar i një bilete është më pak se 500 dollarë.

Kupa e Botës 2026, e organizuar nga SHBA-ja, Kanadaja dhe Meksika, nis sonte me ndeshjen hapëse mes Meksikës dhe Afrikës së Jugut, duke shënuar fillimin e edicionit më të madh në historinë e këtij kompeticioni.

D.L

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

16 hours ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

2 days ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

2 days ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L