Kulturë

Indonezi: Autoritetet ndalojnë transmetimin e këngëve të artistëve me famë botërore, ndër ta edhe Dua Lipa

Published

5 years ago

on

Këngët e Bruno Mars, Dua Lipës, Ariana Grandes e shumë artistëve tjerë me famë botërore, janë ndaluar në radio para orës 22:00 në Indonezi.

Komisioni Indonezian i Transmetimit (KPI) ka ndaluar që radiot të lëshojnë 42 këngë para orës 22:00, pasi që pretendojnë se tekstet e tyre janë të pamoralshme!

“Pra, çfarë ka në ato 42 këngë? Për shembull, ato përmbajnë fjalë dhune dhe poshtërimi ose aludojnë në seksualitet. Kjo sipas Ligjit Nr. 32 të Kodit të Sjelljes së Transmetimit dhe Standardeve të Programeve të Transmetuara, i cili thotë që transmetimi në radio është në interes të integritetit kombëtar për të ndërtuar karakterin dhe identitetin e një kombi që është besnik dhe i devotshëm“, tha ndër të tjerash Adiyana Slamet, kreu i KPI.

Radio stacioneve u kërkohet gjithashtu të censurojnë tekste që nuk janë në përputhje me normat indoneziane para se të luajnë 42 këngët.

Këngët përfshijnë hite nga artistë me famë botërore si Ariana Grande, Bruno Mars, Cardi B dhe Suga të BTS.

IKP ka një histori të censurës në media. Komediani i njohur Tukul, për shembull, mori një paralajmërim në korrik të vitit 2019 sepse një skenë në programin e tij televiziv kishte një burrë po pretendohej të ishte i pushtuar nga djalli. Dënimi u dha bazuar në mbrojtjen e fëmijëve./UBTNews

Këtu është lista e 42 këngëve dhe artistëve të tyre:

  1. Bruno Mars – 24K
  2. Ariana Grande – 34+35
  3. Masked Wolf – Astronaut in the Ocean
  4. M.I.A – Bucky Done Gun
  5. Maroon 5 – Beautiful Mistakes
  6. Max Ft Suga – Blueberry Eyes
  7. Lil Nas X – MONTERO (Call Me By Your Name)
  8. Pia Mia ft Chris Brown – Do It Again
  9. Snoop Dogg – Drop It Like It’s Hot
  10. Jay Z – Empire State of Mind
  11. Maroon 5 ft Cardi B – Girls Like You
  12. Timbaland – Give It to Me
  13. 24kGoldn Ft Iaan Dior – Mood
  14. Chynna Phillips – Naked and Sacred
  15. Bruno Mars ft Cardi B – Please Me
  16. Ariana Grande – Positions
  17. Post Malone ft Ty Dolla Sign – Psycho
  18. Camilla Cabello ft Shawn Mendes – Senorita
  19. Nicky Minaj – Starships
  20. Doja Cat – Streets
  21. DJ Snake ft Selena – Taki Taki
  22. Jason Derulo ft 2 Chainz – Talk Dirty
  23. Bruno Mars – That’s What I Like
  24. Cardi B – Up
  25. One Republic – Good Life
  26. Gym Class Heroes ft Estelle – Guilty As Charged
  27. Rita Ora – How We Do
  28. Busta Rhymes ft Maria – I Know What You Want
  29. Icona Pop – I Love It
  30. DJ Khaled – I’m the One
  31. Jay Z – Izzo
  32. Bruno Mars – Lazy Song
  33. Dua Lipa ft DaBaby – Levitating
  34. Justin Bieber ft benny blanco – Lonely
  35. Eminem – Lose Yourself
  36. Ariana Grande ft The Weeknd – Love Me Harder
  37. Bruno Mars – Versace on the Floor
  38. Avril Lavigne – Wish You Were Here
  39. Kid Laraoi – Without You
  40. Vedo – You Got It
  41. Dua Lipa ft Missy Elliot – Levitating
  42. Bruno Mars – Locked Out of Heaven – The Jakarta Post/Asia News Network

Related Topics:
Continue Reading

Lajmet nga UBT

UBT shënon International Jazz Day me koncert artistik në Parkun Shkencor

Published

3 days ago

on

April 30, 2026

By

Me rastin e International Jazz Day, në Parkun Shkencor, Inovativ dhe Teknologjik të UBT-së u organizua një koncert i veçantë në UBT Concert Hall, duke sjellë një atmosferë artistike dhe një përvojë unike për studentët dhe dashamirësit e muzikës.

Ky aktivitet u realizua nga klasa e profesorit Dukagjin Muhaxheri, duke vënë në pah talentin dhe përkushtimin e studentëve në interpretimin e veprave të njohura dhe improvizimeve jazz. Programi i koncertit përfshiu performanca të ndryshme, ku Ledian Shala interpretoi në piano solo vepra të Chopin dhe improvizime, Sunaj Qerimi solli “Summertime” në klarinetë dhe piano, ndërsa Leon Shehu performoi “Habanera” për flautë dhe bend.

Në vazhdim, profesori Dukagjin Muhaxheri u prezantua me “Tico Tico” në saksofon, i shoqëruar nga bendi, ndërsa pjesa përmbyllëse përfshiu performanca të përbashkëta si “Caravan” dhe “Mo Better Blues”, të interpretuara nga Bendi i UBT-së me pjesëmarrjen e studentëve Shend Xhini, Rinor Hysemi, Sunaj Qerimi, Ledian Shala dhe vetë profesori Muhaxheri.

Ky koncert është një dëshmi e qartë e angazhimit të UBT-së për të promovuar artin dhe kulturën brenda komunitetit akademik, duke u ofruar studentëve hapësira konkrete për të shfaqur talentin e tyre dhe për të zhvilluar aftësitë profesionale në skenë.

Përmes programeve të tij në fushën e muzikës dhe arteve, UBT vazhdon të ndërthurë teorinë me praktikën, duke organizuar aktivitete të rregullta si koncerte, performanca live dhe projekte artistike që i përgatisin studentët për sfidat reale të industrisë kreative.

Ngjarje të tilla jo vetëm që pasurojnë jetën studentore, por gjithashtu dëshmojnë përkushtimin e UBT-së për të krijuar një mjedis dinamik, inovativ dhe ndërdisiplinor, ku talenti zhvillohet dhe promovohet në mënyrë të vazhdueshme.

Continue Reading

Kulturë

30 prilli shënon Ditën Ndërkombëtare të Xhazit

Published

4 days ago

on

April 30, 2026

By

Sot në mbarë botën shënohet Dita Ndërkombëtare e Xhazit, një ngjarje globale që kremton fuqinë e muzikës për të bashkuar njerëzit dhe kulturat.

E shpallur nga UNESCO, kjo ditë i kushtohet një prej zhanreve më me ndikim në historinë e muzikës moderne. Xhazi, i lindur në fillim të shekullit 20-të, është bërë simbol i lirisë artistike, improvizimit dhe dialogut kulturor.

Përmes koncerteve, aktiviteteve edukative dhe performancave të ndryshme, artistë dhe institucione në mbarë botën e shënojnë këtë ditë, duke promovuar diversitetin kulturor dhe bashkëpunimin ndërkombëtar.

Dita Ndërkombëtare e Xhazit synon gjithashtu të rrisë ndërgjegjësimin për rolin e muzikës në ndërtimin e paqes dhe mirëkuptimit mes popujve, duke e kthyer xhazin në një gjuhë universale që tejkalon kufijtë.

Continue Reading

Kulturë

Baleti Kombëtar i Kosovës shënon premierën e parë për vitin 2026

Published

4 days ago

on

April 30, 2026

By

Baleti Kombëtar i Kosovës ka dhënë premierën e parë për vitin 2026, duke sjellë para publikut një mbrëmje artistike me dy shfaqje koreografike, në kuadër të Ditës Botërore të Baletit.

Programi përfshiu veprën “We Will Never Give Up on Love”, me koreografi nga Erion Kruja, si dhe shfaqjen “Bletë”, me koreografi nga Clébio Oliveira.

Kjo mbrëmje u karakterizua nga një ndërthurje e stileve bashkëkohore dhe ekspresivitetit skenik, duke sjellë reflektime mbi temat e dashurisë, qëndrueshmërisë dhe jetës kolektive. Premiera shënon hapjen e sezonit artistik të këtij institucioni për vitin 2026.

Continue Reading

Lajmet

Filharmonia e Kosovës sjell në Prishtinë Kuartetin Harkor të Filharmonisë së Krakovës

Published

4 days ago

on

April 30, 2026

By

Një mbrëmje e veçantë që vjen në bashkëpunim me Konsullatën e Kosovës në Varshavë, Filharmonia e Kosovës sjell në Prishtinë Kuartetin Harkor të Filharmonisë së Krakovës – një ansambël që mishëron traditën e shkëlqyer polake të muzikës së dhomës dhe finesën e interpretimit evropian.
Më 5 maj 2026, në Hollin e Bibliotekës Kombëtare “Pjetër Bogdani”, katër muzikantë të shquar të Filharmonisë së Krakovës – Joanna Konarzewska, Zuzanna Frankiewicz, Jan Czyżewski dhe Martyna Sołtys do të interpretojnë dy kryevepra të muzikës polake për kuartet harkor: Kuartetin Harkor Nr. 3 të Grażyna Bacewicz dhe Kuartetin Harkor Nr. 2, Op. 42 të Władysław Żeleński.
Në këtë program takohen energjia moderne dhe forca ekspresive e Bacewicz me lirizmin romantik dhe finesën kompozicionale të Żeleński-t, duke krijuar një udhëtim artistik përmes identitetit muzikor polak. Për publikun e Prishtinës, kjo mbrëmje është një mundësi e rrallë për të përjetuar nga afër interpretimin e një ansambli që përfaqëson një prej institucioneve më të rëndësishme muzikore të Evropës Qendrore.
Ky koncert është më shumë se një paraqitje artistike  është një takim kulturash, një dialog përmes tingullit dhe një dëshmi e fuqisë së muzikës për të ndërtuar ura ndërmjet vendeve.

Continue Reading

Të kërkuara