Sport

Inaki Williams pritet ta thyejë këtë rekord në La Liga

Williams është vetëm lojtari i dytë që paraqitet në mbi 200 ndeshje radhazi në La Liga.

Published

5 years ago

October 1, 2021

Betim Gashi

Inaki Williams pritet që ta thyejë rekordin për më së shumti paraqitje radhazi në histori të La Ligas, nëse paraqitet sot në ndeshjen e Athletic Bilbaos kundër skuadrës së Alaves.

Nëse ai luan sot në stadiumin “San Mames”, sulmuesi spanjoll do ta regjistrojë paraqitjen e tij të 203 radhazi në ligën spanjolle.

Momentalisht, Williams është vetëm lojtari i dytë që paraqitet në mbi 200 ndeshje radhazi në La Liga, ku sot pritet ta thyejë rekordin e ish-mbrojtësit të Real Sociedad Juan Larranaga, i cili kishte qenë aktiv përgjatë viteve 1980-1994.

Që prej debutimit të tij në fanellën e Athletic Bilbaos në dhjetor të vitit 2014, në 303 paraqitje për klubin, Williams ka regjistruar 67 gola mbi emrin e tij.

Vendi

Akil Gjakova mbyll garën pa medalje në Abu Dhabi

Published

3 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/