Aktualitet

IKShPK: Janë identifikuar disa bakterie që mund të japin indikacion për kontaminim e ujit në Deçan, analizat vazhdojnë

Published

4 years ago

on

Instituti Kombëtar i Shëndetit Publik ka bërë të ditur se në mostrat e  ujit të marra me datën 12. 07. 2021 nga rajoni i Deçanit janë identifikuar disa bakterie që mund të japin indikacion për kontaminim të ujit të pijshëm.

Nga ky institute kanë rekomanduar që të shtohet kontrolli i Inspeksionit sanitar dhe shëndetësore për ngritjen e nivelit të raportimit të rasteve dhe saktësin e të dhënave për pacientët.

Njoftimi i plotë:

Ekzaminimet mikrobiologjike në mostrat e pranuara nga pacientët me shenja të infeksionit të traktit gastrointestinal janë duke vazhduar për detektim të patogjeneve të ndryshëm viral, bakteror dhe parazitar.

Më datën 11 korrik 2021 nga Drejtori i QKMF në komunën e Deçanit është bërë e ditur që një numër i banorëve kanë kërkuar ndihmë mjekësore në QKMF Deçan me ankesa shëndetësore, barkqitje dhe vjellje. Menjëherë pas marrjes së lajmit në terren kanë dalë ekipet e Qendrës Rajonale të Shëndetësisë Publike në Pejë dhe kanë marrë mostrat e ujit të pijes nga rrjeti i ujësjellësit, i cili i furnizon këto fshatra me ujë për pije.

Brenda ditës, në koordinim me Ministrinë e Shëndetësisë janë ndërmarrë të gjitha masat e nevojshme për hulumtimin në terren dhe identifikimin e burimit të infeksionit. Pas marrjes së mostrave të ujit janë kryer analizat fiziko-kimike dhe mikrobiologjike. Këto analiza kanë rezultuar në kufijtë e lejuar në përputhje me parametrat e përcaktuar sipas UA 16/2012. Rezultatet e analizave dëshmuan që nuk ka mbetje të klorit residual derisa analizat mikrobiologjike të ujit i përgjigjeshin standardeve të ujit për pije UA 16/2012.

Ndërkohë në institucionet e KPSh-së në deçan iu është ofruar ndihma mjekësore të gjithë qytetarëve të prekur. Hulumtimi laboratorik i shkaktarit ka vazhduar në terren dhe në laboratoret e Mikrobiologjisë dhe QLT në IKShPK.

Në mostrat e  ujit të marra me datën 12. 07. 2021 nga rajoni i Deçanit, pas kultivimit në terrene ushqyese përmes  teknikës së identifikimit me MALDI-ToF në laboratorët e IKShPK Prishtinë, janë identifikuar disa bakterie që mund të japin indikacion për kontaminim të ujit të pijshëm. Ekzaminimet mikrobiologjike në mostrat e pranuara nga pacientët me shenja të infeksionit të traktit gastrointestinal janë duke vazhduar për detektim të patogjeneve të ndryshëm viral, bakteror dhe parazitar.

Ekipet e IKShPK nga të gjitha rajonet e Kosovës vazhdojnë punën në terren duke punuar intensivisht në gjetjen e shkakut të shpërthimit epidemik. Situata epidemiologjike dhe sanitacioni janë në kontroll të vazhduar, nga ekipet kujdestare të Institutit Kombëtar dhe çdo ndryshim i situatës epidemiologjike do të rezultojë me rekomandime të reja.

Rekomandime:

  1. Të shtohet kontrolli i Inspeksionit sanitar dhe shëndetësore për ngritjen e nivelit të raportimit të rasteve dhe saktësin e të dhënave për pacientët;
  2. Të shtohet kontrolli i Inspeksionit sanitarë dhe mjedisorë në identifikimin e kyçjeve ilegale në rrjetin e ujësjellësit;
  3. Në mungesë të ujit nga rrjeti i ujësjellësit të sigurohet uji higjienik për pije nga cisternat e kompanisë ujore komunale, deri në normalizimin e gjendjes në të gjitha fshatrat e komunës se Deçanit, pa marrë parasysh a kanë apo jo raste të dyshimta me simptoma gastrointestinale;
  4. Furnizimi i banorëve me ujë të ambalazhuar për pije dhe për përgatitje te ushqimit;
  5. Pas rikthimit të ujit në rrjetë rekomandohet që uji të përdoret vetëm për amvisëri dhe higjienë deri në rekomandimin e ri;
  6. Kompania ujore publike të përforcojë kontrollin dhe rregullisht të dezinfektojë ujin dhe të shtojë inspektimin e resurseve ujore, kontrollin e kaptazhave dhe pusetave të ujit dhe në secilin rast individual të intervenohet menjëherë sipas nevojës;
  7. Ujësjellësi të furnizojë qytetarët me ujë higjienik për pije me orar normal, për të pamundësuar kontaminimin dhe për parandalimin e epidemive hidrike;
  8. Ekipet e ujësjellësit rajonal të debllokojn nyjet e kanalizimeve, të gjejnë pikat e dobëta në rrjet, ku përzihet uji i ujësjellësit me kanalizim dhe gropa septike;
  9. Të ndalohet rreptësisht kyçja e puseve (bunarëve) në rrjetin e ujësjellesit;
  10. Të ofrohet ndihma e nevojshme për të gjithë pacientët e sëmurë.​

Related Topics:
Continue Reading

Bota

Kremlini: Shpresojmë që raundi i ri i bisedimeve Rusi–Ukrainë të mbahet këtë javë

Published

7 hours ago

on

July 22, 2025

By

Kremlini ka shprehur se raundi i ardhshëm i bisedimeve të rinovuara të paqes midis Rusisë dhe Ukrainës shpresojnë të zhvillohet brenda kësaj jave, teksa përgatitjet për takimin po vazhdojnë.

“Shpresojmë që bisedimet të zhvillohen këtë javë. Sapo të jemi gati, do të bëjmë një njoftim në lidhje me kohën“, deklaroi zëdhënësi i Kremlinit, Dmitry Peskov, gjatë një konference për shtyp.

Megjithatë, Peskov theksoi se pala ruse nuk pret përparime të mëdha në këtë fazë, duke përmendur kompleksitetin e situatës në Ukrainë. Ai theksoi se edhe marrëveshjet për shkëmbimin e të burgosurve përbëjnë një arritje të rëndësishme në kontekstin aktual.

“Zgjidhja për Ukrainën është shumë komplekse. Nuk presim ndonjë përparim të llojit të mrekullueshëm. Edhe marrëveshjet për shkëmbimin e të burgosurve janë tashmë një rezultat pozitiv“, u shpreh Peskov.

I pyetur për një afat kohor të mundshëm për arritjen e një zgjidhjeje përfundimtare, Peskov u shpreh se është e pamundur të bëhen parashikime në këtë fazë.

“Nuk do të vlerësoja fare afatet kohore të mundshme. Varet nga shumë faktorë dhe çdo parashikim tani do të ishte i gabuar”, shtoi ai.

Deklaratat e Kremlinit vijnë pas njoftimit të presidentit ukrainas Volodymyr Zelenskyy, i cili tha të hënën në mbrëmje se një raund i ri bisedimesh midis Kievit dhe Moskës do të mbahet në Turqi të mërkurën.

Deri tani, janë zhvilluar dy raunde të bisedimeve të drejtpërdrejta paqeje në Stamboll, përkatësisht më 16 maj dhe më 2 qershor. Në takimin e fundit, palët ranë dakord për një shkëmbim të ri të të burgosurve, duke u fokusuar në kthimin e të rinjve, të plagosurve rëndë dhe të trupave të rreth 6.000 ushtarëve nga secila anë.

Continue Reading

Aktualitet

E papritur, Trump po e largon SHBA-në nga UNESCO-ja

Published

8 hours ago

on

July 22, 2025

By

Shtëpia e Bardhë tha se presidenti Donald Trump ka vendosur të tërheqë SHBA-në nga Organizata e Kombeve të Bashkuara për Arsim, Shkencë dhe Kulturë (UNESCO), pas një shqyrtimi të pjesëmarrjes amerikane në agjenci.

“Trump ka vendosur të tërheqë SHBA nga UNESCO – e cila mbështet kauza kulturore e sociale të zgjuara dhe përçarëse që janë në kundërshtim me politikat e shëndosha për të cilat votuan amerikanët në nëntor”, tha zëvendëszëdhënësja e Shtëpisë së Bardhë, Anna Kelly, për The New York Post.

“Ky President do ta vërë gjithmonë Amerikën në radhë të parë, dhe do të sigurojë që anëtarësimi i vendit tonë në të gjitha organizatat ndërkombëtare të jetë në përputhje me interesat tona kombëtare”, shtoi ajo.

Shqyrtimi i administratës identifikoi probleme me politikat e UNESCO-s për Diversitetin, Barazinë dhe Përfshirjen, dhe atë që e pa si një paragjykim pro-palestinez dhe pro-Kinë.

Ky veprim është një goditje për agjencinë me seli në Paris, e themeluar pas Luftës së Dytë Botërore për të promovuar paqen përmes bashkëpunimit ndërkombëtar në arsim, shkencë dhe kulturë.

 

 

Continue Reading

Aktualitet

Regjistrimet në Shkollën Fillore të UBT-së vazhdojnë – Interesim i madh nga prindërit për një arsim inovativ dhe cilësor

Published

9 hours ago

on

July 22, 2025

By

Interesimi i prindërve për të regjistruar fëmijët e tyre në Shkollën Fillore të UBT-së është gjithnjë në rritje, teksa procesi i regjistrimeve për klasën e parë deri në të nëntën vazhdon me intensitet të lartë. Ky institucion edukativ po konsiderohet si një nga më inovativët në vend dhe rajon, duke ofruar një qasje të re ndaj arsimit fillor dhe të mesëm të ulët.

UBT, si lider në arsim dhe teknologji, ka zhvilluar një model shkollor të avancuar që ndërthur metodat moderne të mësimdhënies me përdorimin e teknologjisë digjitale, laboratorëve praktikë, ambienteve krijuese dhe aktiviteteve jashtëkurrikulare që ndihmojnë në zhvillimin e plotë të fëmijës.

Shkolla Fillore e UBT-së synon të edukojë gjenerata të reja të pajisura me dije, shkathtësi praktike dhe mendim kritik, përmes një qasjeje që vendos fëmijën në qendër të procesit mësimor.

Lokacioni: Kampusi UBT, Lipjan

+383 46 332 233 | 📧 [email protected]

Regjistro edhe ti fëmijët e tu dhe siguro vendin në shkollën më të mirë në rajon!

Vendet janë të limituara – mos e humb mundësinë për një të ardhme më të ndritur për fëmijën tënd!

Continue Reading

Aktualitet

Profesoresha e UBT-së, Jeta Kiseri-Kubati bashkautore në një artikull shkencor me studiues nga Meksika

Published

9 hours ago

on

July 22, 2025

By

Profesoresha e UBT-së, Jeta Kiseri – Kubati, në bashkëpunim me një ekip studiuesish nga Meksika, ka publikuar një artikull shkencor të rëndësishëm në revistën prestigjioze ndërkombëtare Cureus.

Ky studim përfaqëson një kontribut të rëndësishëm në fushën e kërkimeve dentare dhe mjekësore, duke theksuar rolin e shkencës ndërkombëtare dhe fuqinë e bashkëpunimit akademik ndërkufitar.

Artikulli me titullin:“Predictability of a Mandibular Corpus Length Multivariate Model Integrating Björk-Jarabak Measurements and the Cephalometric Norm”, është publikuar
në revistën ndërkombëtare Cureus, një platformë me qasje të hapur që inkurajon vlerësimin dhe shpërndarjen e gjetjeve shkencore në nivel global.

Ky punim fokusohet në parashikueshmërinë e gjatësisë së korpusit mandibular përmes një modeli të avancuar multivariat, që integron matjet Björk-Jarabak dhe normat cefalometrike – një temë me rëndësi të madhe për fushën e ortodoncisë dhe stomatologjisë moderne.

Në këtë projekt morën pjesë edhe studiuesit e shquar nga Meksika:

  • Luis Pablo Cruz Hervert (UNAM, Mexico City)
  • Valentina Garcia Lee (UNAM)
  • Silvia Paulina Martínez-Contreras (Universidad Cuauhtémoc, San Luis Potosí)
  • José David Ortiz-Sánchez (Escuela Nacional de Estudios Superiores, León)
  • Jacqueline Adelina Rodríguez-Chávez (Universidad de Guadalajara)
  • Maria E. Jimenez (UNAM, Mexico City)
  • Gisel Garcia-Garcia (UNAM, Mexico City)
  • Sergio A. Sanchez (Instituto Mexicano del Seguro Social)

Artikulli është i disponueshëm publikisht dhe mund të lexohet dhe vlerësohet nga kolegët e fushës përmes platformës Cureus me SIQ™ rating system.

Continue Reading

Të kërkuara