

Aktualitet
IKS lanson broshurën “Regjistrohu në Sindikatë”
Aty u prezantua edhe dokumentari me titullin “Të jesh grua në vendin e punës”.
Published
4 years agoon
By
UBT newsIniciativa Kosovare për Stabilitet (IKS) dhe Ministria e Financave, përkatësisht Departamenti i Punës, kanë lansuar sot broshurën informuese “Regjistrohu në Sindikatë”, me qëllim të ngritjes së vetëdijes për organizimin sindikal në sektorin privat dhe mënyrën e regjistrimit të këtyre lloj organizatave.
Në punëtorinë e organizuar me temën “Sindikatat dhe organizimi i tyre” u prezantua edhe dokumentari me titullin “Të jesh grua në vendin e punës”.
Drejtoresha ekzekutive e IKS-së Brikenë Hoxha tha se po synojnë që të kontribuojnë më shumë në drejtësi sociale përmes përmirësimit të të drejtave të punës dhe ligjeve që kanë të bëjnë me sektorin e punës, andaj në fokus të tyre do të mbetet krijimi i shoqatave sindikale në sektori privat.
“Qëllimi i IKS-së dhe koalicionit për drejtësi sociale është të kontribuojnë shumë në një drejtësi më të madhe sociale përmes zbatimit të përmirësuar të të drejtave të punës dhe legjislacionit lidhur me punën duke mundësuar angazhim aktiv të shoqërisë civile dhe partnerëve socialë. Me punën tonë, ne synojmë ta shtojmë angazhimin e shoqërisë civile në këtë fushë për të promovuar drejtësinë sociale, veçanërisht në zbatimin e ligjit të punës dhe ligjit për siguri dhe shëndet në punë, për të promovuar drejtësinë sociale te punëtorët forcimin e mëtejshëm të partnerëve socialë dhe për të kontribuar në zhvillimin e politikave duke analizuar debatuar dhe pse jo për të ndryshuar politikat, për të mbështetur nisma për krijimin e sindikatave në sektorin privat. Ky angazhim është bërë edhe më i rëndësishëm marr parasysh nivelet e larta të informalitetit, papunësisë”, tha ajo.
Udhëheqësja e Divizionit për Marrëdhënien e Punës, Dialog Social dhe Sigurinë e Shëndetin në Punë pranë Ministrisë së Financave, Leunora Ahmeti u shpreh se edhe organizatat sindikale që ekzistojnë aktualisht duhet të ri-regjistrohen në organin përgjegjës dhe se për këtë kanë afat deri më 31 dhjetor 2021.
“Kemi pasur një dakordim që brenda një viti prej 1 janar 2021 deri më 31 dhjetor 2021 të gjitha organizatat sindikale që janë të regjistruara paraprakisht në organin përgjegjës duhet të ri-regjistrohen. Pra, u kemi dhënë afat një vit që këto organizata sindikale të kenë kohë të bëjnë përgatitjen e kërkesave, dokumentacionin përkatës dhe të vijnë të ri-regjistrohen… Sipas udhëzimit administrativ, afati përfundimtar është 31 dhjetor 2021. Në momentin që ditën e fundit çdo organizatë sindikale dërgon kërkesën qoftë për shoqatë sindikale, federatë apo konfederatë, ne e vazhdojmë pjesën e pas vitit për regjistrim, por në momentin që vjen pas këtij afati, sipas udhëzimit administrative konsiderohet se një organizatë sindikale nuk është e regjistruar në organin kompetent dhe pasojat mund të jenë të ndryshme siç parasheh ligji. Nga perspektiva jonë shihet që ajo organizatë të çregjistrohet të fshihet nga regjistrit, ndërsa çështje tjera janë që ju duhet të mobilizoheni dhe të aplikoni”, theksoi Ahmeti.
Menaxherja e projektit në IKS-së, Brikena Berisha u shpreh se përmes broshurës që sot e kanë lansuar po synojnë që të ndihmojnë punëtorët që të hapin organizata sindikale.
“Kur flitet prej qendrës së Prishtinës mund të jetë një qasje tjetër më e shpejtë, institucione më të prekshme, por në qytetet tjera është vërejtur se ekziston një hendek i bashkëpunimit dhe qasjes në informata, andaj kemi ardhur me idenë që e kemi zhvilluar këtë broshurë, për çka shpresojmë që ajo të shërbejë dhe të drejtojë palët që kanë vullnet për të organizuar apo krijuar një organizatë sindikale duke ua lehtësuar punën administrative apo pjesë burokratike”, tha ajo.
Fatime Rexhepi, zyrtare e Lartë për Dialog Social pranë ministrisë së Financave tha se tashmë ka një platformë online për regjistrim të sindikaleve e cila ishte paraparë edhe në udhëzimin administrativ.
Ajo tha se broshura që sot e kanë lansuar së bashku me IKS-së jep udhëzime për mënyrën se si mund të krijohen sindikata.
Rexhepi tha se krahas dokumentacioneve të nevojshme kriter për regjistrimin e shoqatave sindikale është se një shoqatë sindikale mund të regjistrohet me 10 anëtarë.
“Në fund të vitit 2020 është një udhëzim administrativ i ri për regjistrimin e organizatave sindikale kryesisht broshura është fokusuar në këto tria që ne veç i kemi paraparë në udhëzim është një broshurë sado pak informuese ndoshta mund të jetë një ndihmesë më e madhe për personat që punojnë dhe duan të kenë një organizatë sindikale apo shoqatë ose edhe konfederatë. Jemi munduar t’i paraqesim pikat kyçe t’i paraqesim në broshurë… Udhëzimi i ri ne mendojmë se është një avancim dhe janë përfshirë disa çështje nuk kanë qenë në udhëzimin e mëhershëm nuk kanë qenë shumë të specifikuara pra në kuadër të kësaj Ministria e Financave pas hyrjes në fuqi të këtij udhëzimi kemi bërë edhe një link jemi munduar që përmes atij linku t’ua mundësojmë punën dhe aty e kanë më të lehtë për tu orientuar se si mund të regjistrohet një shoqatë sindikale… Kriteret për regjistrimin e shoqatave sindikale dihet kryesore është një shoqatë sindikale mund të regjistrohet me 10 anëtarë, ndërsa te federata në përbërje duhet të ketë në përbërjen e vetë dy apo më shumë shoqata të veprimtarisë së njëjtë apo të ngjashme për të qenë federatë dhe duhet të ketë 10% të punëtorëve të atij sektori që mbulon”, tha Rexhepi.
Deputeti i Lëvizjes Vetëvendosje, Eman Rrahmani u shpreh kundër idesë që për krijimin e një organizate sindikale në sektorin privat të jetë si kriter numri prej 10 anëtarëve.
“Ligji për Inspektime është në Kuvend duke u trajtuar prej Komisionit të Ekonomisë. Komisioni për Buxhet ka propozuar amendament për punësimin e 50 inspektorëve, dhe nuk ka kaluar në komision, sepse nuk ka pasur mbështetje nga opozita. Do të provojmë ta kalojmë edhe në Kuvend kur shkon ligji për Buxhetin. Për çështjen e situatës së grave me pakot ekonomike keni parë qoftë për lehonat apo në aspektin e tjera, por që më shumë janë ad hoc apo zgjedhje emergjente që duhet të vazhdohen dhe të krijohen si zgjidhje sistematike edhe që të mos ketë për këto intervenime ad hoc. Është shqetësuese edhe situata sidomos në sektorin privat, por shoqatat sindikale mendoj se është numër shumë i madh prej 10 anëtarëve që të krijohet një shoqatë sindikale, për shkak se i bie pak a shumë që asnjë kompani, e cila i ka nën 100 punëtorë të mos ketë sindikatë dhe kjo e pengon jashtëzakonisht organizimin sindikal”, u shpreh ai.
Në punëtorinë e organizuar me temën “Sindikatat dhe organizimi i tyre” ishin të pranishëm edhe shumë sindikata të punëtorëve kryesisht nga sektori publik.
Bota
Hegseth mbron sulmet amerikane ndaj Iranit, paraqet 2 objektiva të qarta
Published
2 hours agoon
June 26, 2025By
UBTnews
Sekretari i Mbrojtjes, Pete Hegseth, mori fjalimin në sallën e konferencave të Pentagonit me dy qëllime.
Ai mbrojti sulmet ajrore të SHBA-së ndaj Iranit dhe kritikoi me forcë mbulimin nga media të vlerësimeve të hershme të inteligjencës mbi ndikimin e bombardimeve të së shtunës që synonin objektet bërthamore iraniane, në një konferencë për shtyp në Pentagon të enjten.
“Shpresoj që, me gjithë bojën e derdhur, të gjitha mediat tuaja të gjejnë kohën për ta njohur siç duhet këtë ndryshim historik në sigurinë kontinentale që presidentë të tjerë u përpoqën ta bënin, për të cilin folën presidentë të tjerë. Presidenti Trump e arriti këtë. Është një gjë e madhe”, tha Hegseth.
Ai kritikoi raportimet e medias për një vlerësim paraprak të inteligjencës amerikane, i cili sugjeroi se sulmi nuk shkatërroi komponentët kryesorë të programit bërthamor të Iranit, por përkundrazi e vonoi atë me disa muaj.
“Përsëri, ishte paraprake, një ditë e gjysmë pas sulmit aktual, kur ajo pranon me shkrim se duhen javë për të grumbulluar të dhënat e nevojshme për të bërë një vlerësim të tillë”, tha sekretari i mbrojtjes.
Por, duke folur pesë ditë pas sulmit, Hegseth tha se presidenti “krijoi kushtet për t’i dhënë fund luftës, duke shkatërruar, duke zhdukur, duke shkatërruar aftësitë bërthamore të Iranit”.
Bota
Sllovakia nuk mbështet sanksionet e reja ndaj Rusisë
Published
3 hours agoon
June 26, 2025By
UBTNews
Sllovakia nuk do të mbështesë një paketë të re sanksionesh të Bashkimit Evropian kundër Rusisë dhe do të kërkojë një shtyrje të votimit derisa të zgjidhen shqetësimet e Sllovakisë në lidhje me furnizimet me gaz pas vitit 2027, tha sot kryeministri Robert Fico.
Komisioni Evropian propozoi sanksione të reja kundër Rusisë më 10 qershor për pushtimin e Ukrainës më shumë se tre vjet më parë, duke synuar sektorin e energjisë, bankat dhe industrinë ushtarake të Rusisë.
Fico përsëriti pikëpamjen e tij se sanksionet e reja mund të çojnë në probleme furnizimi dhe rritje çmimesh, si dhe deri në 20 miliardë euro humbje për shkak të shkeljes së një kontrate afatgjatë me furnizuesin rus Gazprom.
“Sllovakia nuk do të votojë për paketën e 18-të të sanksioneve nesër”, i tha ai një komisioni parlamentar të enjten para se të nisej për në samit.
Fico u takua me presidenten e Komisionit Evropian Ursula von der Leyen të enjten, por nuk dihej nëse ai kishte ndryshuar qëndrimin e tij.
Sanksionet kërkojnë unanimitet nga blloku për t’u miratuar. Hungaria ka kërcënuar rregullisht se do të refuzojë miratimin e saj gjatë diskutimeve mbi ndihmën për Ukrainën, si dhe mbi rinovimin e sanksioneve, të cilat zhvillohen çdo gjashtë muaj.
Sllovakia dhe Hungaria kundërshtuan sanksionet sepse nuk ishin dakord me propozimin e Komisionit për të ndaluar importet e produkteve ruse të energjisë deri në fund të vitit 2027, gjë që do t’i detyronte të dy vendet të kërkonin alternativa. Diplomatët evropianë thanë se prisnin që çështja të zgjidhej në një samit të BE-së në Bruksel, raporton KosovaPress.
Bota
Lideri suprem i Iranit: Fjala dorëzim nuk është në fjalorin tonë
Published
3 hours agoon
June 26, 2025By
UBTNews
Në deklaratën e tij, lideri suprem i Iranit, Ajatollah Khamenei, thotë se SHBA-ja “dështoi të arrijë ndonjë rezultat domethënës” duke sulmuar objektet bërthamore të Iranit.
Sipas BBC, ai thotë se presidenti amerikan Donald Trump kishte bërë një “përshkrim jashtëzakonisht të ekzagjeruar” të asaj që kishte ndodhur, transmeton KosovaPress.
“Ishte e qartë se kishte nevojë ta bënte”, thotë Khamenei – duke shtuar se kushdo që dëgjonte mund ta kuptonte se SHBA-ja po e tepronte për të shtrembëruar të vërtetën”.
“Ne sulmuam një nga bazat kyçe të SHBA-së në rajon, dhe ata u përpoqën ta minimizonin”, thotë ai.
Ajatollah Khamenei vazhdon, duke thënë se populli iranian tregoi unitetin e tij – duke dërguar një mesazh se “populli ynë është një zë i vetëm”.
Ai thotë se Trump i bëri thirrje Iranit të “dorëzohej”, por komentet e tij ishin “shumë të mëdha për gojën e presidentit të Shteteve të Bashkuara”.
“Për një vend dhe komb të madh si Irani, vetë përmendja e dorëzimit është një fyerje”, shton Khamenei.
Sipas tij, presidenti amerikan Donald Trump, pa dashje, zbuloi një të vërtetë – që amerikanët e kanë kundërshtuar Republikën Islamike të Iranit që nga fillimi.
Bota
Erdogan tregon bisedën me Trump: Kërkova angazhim për paqe në Gaza dhe Ukrainë
Published
3 hours agoon
June 26, 2025By
UBTnews
Presidenti i Turqisë, Recep Tayyip Erdogan, ka përshëndetur përpjekjet e presidentit amerikan Donald Trump për të ndërmjetësuar një armëpushim midis Izraelit dhe Iranit, pas përshkallëzimit të konfliktit midis dy fuqive rajonale.
Në një deklaratë për mediat gjatë kthimit nga samiti i NATO-s në Holandë, Erdogan tha se i kishte kërkuar Trumpit të shtrijë përpjekjet e tij edhe në Gaza dhe në luftën midis Rusisë dhe Ukrainës. “I thashë Trumpit se, përveç përpjekjeve për armëpushimin Izrael-Iran, presim angazhim të ngjashëm për t’i dhënë fund tragjedive në Gaza dhe luftës në Ukrainë,” theksoi ai.
Erdogan shtoi gjithashtu se mbyllja e Ngushticës së Hormuzit do të shkaktonte pasoja të mëdha globale, por u shpreh i bindur se Irani nuk do të ndërmarrë një hap të tillë.
Konflikti Izrael-Iran u intensifikua më 13 qershor, kur Izraeli kreu sulme ajrore mbi objektiva ushtarake dhe bërthamore në Iran, duke pretenduar se Teherani po përgatitej të prodhonte një bombë bërthamore, akuzë e mohuar nga Irani. Në përgjigje, Irani nisi sulme me raketa dhe dronë, ndërsa SHBA-të ndërhynë duke bombarduar tre centrale bërthamore iraniane. Pas 12 ditësh përshkallëzimi, Trump shpalli arritjen e një armëpushimi.
Presidenti turk foli edhe për takimin me homologun amerikan, duke e përshkruar si “produktive”. Ai tha se diskutuan për marrëdhëniet dypalëshe, partneritetin në NATO, çështjet rajonale dhe globale.
“Ia përcollëm Trumpit qasjen tonë të orientuar drejt zgjidhjes. Ai u përgjigj pozitivisht. Diskutuam edhe për çështjen e avionëve F-35. Bisedimet teknike kanë nisur dhe presim përparim,” deklaroi Erdogan.
Sa i përket mbrojtjes ajrore, ai tha se Turqia ka avancuar, por do të vazhdojë të forcojë kapacitetet raketore. Për Sirinë, ai theksoi se ka përcjellë ndjeshmëritë e Ankarasë ndaj pranisë së Forcave Demokratike Siriane, të cilat i konsideron kërcënim për sigurinë e vendit.
Erdogan shprehu shqetësim për situatën humanitare në Gaza dhe theksoi se i kishte kërkuar Presidentit francez Emmanuel Macron të ndërmarrë hapa konkrete për ndërmjetësim.
“I thashë Macronit se nëse do të flasë me Izraelin për Gazën, do ta mbështesim,” tha ai.
Presidenti turk u ndal edhe te lufta në Ukrainë, duke theksuar domosdoshmërinë e një paqeje të drejtë dhe të qëndrueshme. “Rajoni nuk mund të tolerojë më këtë luftë. Ajo duhet të marrë fund,” deklaroi ai.
Që nga tetori 2023, Izraeli ka kryer një ofensivë të përgjakshme në Rripin e Gazës, duke shkaktuar vdekjen e mbi 56 mijë palestinezëve, shumica gra dhe fëmijë. Ndërkohë, drejtuesit izraelitë përballen me akuza për krime lufte dhe krime kundër njerëzimit në Gjykatën Ndërkombëtare Penale dhe një padi për gjenocid në Gjykatën Ndërkombëtare të Drejtësisë.

Si ndikon ambienti ynë në qetësinë e mendjes dhe fuqinë e shpirtit?

“Smoke”, serial i bazuar në ngjarje të vërteta

Si ndikon qumështi i gjirit në kohët e nxehta?

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Hegseth mbron sulmet amerikane ndaj Iranit, paraqet 2 objektiva të qarta

Keni shumë mesazhe të palexuara? WhatsApp tani ka një zgjidhje

Influencuesja e famshme vdes pas një operacioni plastik në Turqi

UBT International Smart Schools tani edhe në Gjilan me dy programe në mjekësi

Tani edhe në Prizren: UBT International Smart Schools me dy drejtime të mjekësisë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore