Magazinë

Ikja e Matthew Perry-t, si një kujtesë për brezin tonë

Publikuar

6 muaj më parë

më

Ryan Coogan

Është e vështirë të dish saktësisht se si të reagosh kur vdes një personazh i famshëm. Në shumë kuptime, ne nuk po vajtojmë vërtet një qenie njerëzore; po vajtojmë një rol, ose një shfaqje që na ka ndikuar në një farë mase. Nëse nuk i njohim ata personalisht, nuk ka të ngjarë të jemi të trishtuar që nuk do i kemi më pranë. Nuk ndikon në të përditshmen tonë.

Jemi të trishtuar që nuk do të ketë më filma, apo episode, apo këngë, apo shaka prej tyre. Më shumë se kaq, mendoj se jemi të trishtuar kur papritur na kujtohet se po plakemi; se personi që e admironim teksa rriteshim nuk është më – dhe po ashtu edhe fëmijëria jonë. Ka diçka shumë egoiste në pikëllimin tonë.

Për shumicën prej nesh, vdekja e papritur e Matthew Perry është një tronditje e tillë, jo sepse ai ishte dikush që na argëtoi teksa rriteshim, por sepse ai – dhe seriali që dha një dorë për të krijuar – ka qenë i pranishëm në jetët tona, për kaq shumë kohë.

Nëse je fëmijë i viteve tetëdhjetë, nëntëdhjetë apo 2000, Friends është një prej atyre serialeve televizive që ti ndjen se ka qenë gjithmonë aty, i pranishëm. Sigurisht, përfundoi 20 vjet më parë, por është i ngulitur në kulturën tonë kaq shumë, saqë ndjehet pak si i kudogjendur. Mendoj se prandaj nuk e kanë ndjerë ndonjëherë nevojën që të ribashkohen për një film apo seri të re. Përse të ribashkohen? Ata kanë qenë gjithmonë aty.

Nëse teksa rriteshe, ke qenë një fëmijë në ankth që vinte veten në lojë për të shpërqëndruar bullistët në shkollë, personazhi i Chandler Bingut ka qenë ndoshta ndër të preferuarit e tu. Jam i sigurt që vetë Perry do të thoshte që nuk ka dashur kurrë që personazhi i tij të ishte një model, por ja që i tillë u bë.

Qarkullon në X dhe në facebook diçka që Perry ka thënë, kur është pyetur se cila do të jetë trashëgimia e tij pas vdekjes. Në librin me kujtime që botoi vitin e kaluar, Perry thoshte: “Kur të vdes, e di që njerëzit do të flasin për Friends, Friends, Friends… Kur të vdes, dua që Friends të renditet shumë prapa gjërave të tjera që bëra për të ndihmuar të tjerët. E di që nuk do të ndodhë, por do të ishte bukur”.

Ka të drejtë. Në fakt, trashëgimia e vërtetë e Perryt do të jeta puna e tij për të ndihmuar atë që vuajnë nga varësia, dhe në kuptimin material, ka të drejtë që e dëshiron. Sa i përket gjërave që kanë vërtetë rëndësi, ka shumë më tepër vlerë kur ndihmon dikë të përmirësohet, se sa të bësh një milion millenials nostalgjikë që të qajnë.

Por Perry si Chandler përfaqëson diçka për brezin tonë, që është e vështirë ta kuantifikosh.

Për brezin tonë mund të jetë e para humbje vërtet “e madhe” që kemi përjetuar kolektivisht. Ka të tjera ikona që kanë ikur nga kjo botë, sigurisht, por Perry ishte kombinimi i saktë i një personazhi jo dhe aq të ri por jo dhe aq të moshuar, që të bën të reflektosh për vdekshmërinë tënde.

Shumë prej nesh u rritën duke dashur të jenë si miqtë tek Friends, dhe tani na duhet të përballemi me faktin që shumica prej nesh janë më të moshuar sesa ishiin ata në disa apo të gjitha sezonet e serialit. Jemi të moshuar.

Të gjithë e dimë, në një nivel intelektual, se gjërat nuk zgjasin dot përgjithmonë. Por e kemi seriozisht apo jo, thellë thellë vazhdojmë të pretendojmë sikur ato në fakt zgjasin. Ikja e Perry është një kujtesë e pashmangshme se, në fakt, edhe kjo do të kalojë. Ndoshta është duke kaluar. Ndoshta disa gjëra edhe kanë ikur, dhe ne nuk e kemi vënë re. / The Independent – Bota.al

Etiketa
Vazhdo të lexosh

Kulturë, Lifestyle

​Taylor Swift i bashkohet listës së miliarderëve më të pasur në botë

Ylli amerikan i popit hyri për herë të parë në listën e miliarderëve të Forbes në botë me 1.1 miliard dollarë.

Publikuar

4 javë më parë

më

3 Prill, 2024

nga

Taylor Swift i është bashkuar Elon Musk si një nga njerëzit më të pasur në botë, sipas një liste të re të të pasurve.

Ylli amerikan i popit hyri për herë të parë në listën e miliarderëve të Forbes në botë me 1.1 miliard dollarë (877 milionë £), së bashku me Sam Altman, krijuesin e chatbotit të AI ChatGPT me 1 miliard dollarë (800 milionë £).

Titani francez i mallrave luksoze të LVMH, Bernard Arnault dhe familja e tij kryesuan tabelën me rreth 233 miliardë dollarë (185 miliardë paund).

Forbes tha se kishte një rekord prej 2.781 miliarderësh për vitin 2024.

Shifra është 141 më shumë se vitin e kaluar dhe 26 më shumë se rekordi i mëparshëm i vendosur në vitin 2021. Forbes shtoi se elita ishte më e pasur se kurrë – me një pasuri kolektive prej 14.2 trilion dollarësh (11.3 trilion £).

Kantautorja Swift hyri në listën e të pasurve pasi arriti statusin e megastarit. Ajo vodhi shfaqjen në çmimet Grammy të këtij viti, duke u bërë interpretuesja e parë që fitoi çmimin për albumin e vitit katër herë.

Suksesi i Swift nuk kufizohet vetëm në botën e muzikës. Prania e saj e thjeshtë në lojërat e futbollit amerikan për të parë të dashurin e saj Travis Kelce është vlerësuar me rritjen e shifrave të shikueshmërisë së NFL.

Kur bëhet fjalë për 10 njerëzit më të pasur në planet, tetë të listuar ishin nga SHBA – gjashtë prej të cilëve kishin fituar para në industritë e teknologjisë.

Pas francezit Arnault dhe familjes së tij, Musk, pronari i Tesla dhe X, dikur Twitter, renditet i dyti, me një vlerë neto të vlerësuar prej 195 miliardë dollarësh (155 miliardë paund).

Ai pasohet në vendin e tretë nga pronari i Amazon, Jeff Bezos.

Pasuritë e zotit Musk janë rritur 8% nga viti i kaluar, por kanë rënë në vlerën e tij neto në nëntor të vitit 2021, kur ai u bë personi i parë që ka pasur vlerë 300 miliardë dollarë (239 miliardë paund).

Gjithashtu në listën e Forbes i bashkohet legjenda e basketbollit Magic Johnson me një pasuri prej 1.2 miliardë dollarë (950 milion £) dhe producenti televiziv Dick Wolf, pas serialeve të SHBA “Law dhe Order” and “Chicago PD”, gjithashtu me 1.2 miliardë dollarë.

Chase Peterson-Withorn, redaktor i lartë për pasurinë për Forbes, tha se kishte qenë një vit “i mahnitshëm” për njerëzit më të pasur në botë.

Forbes tha se klasa e miliarderëve për vitin 2024 ishte 255% më e pasur se një dekadë më parë, tani me vlerë 2 trilion dollarë (1.59 trilion £) në total, që do të thotë se vetëm 0.5% e 2781 miliarderëve në botë mbajnë 14% të të gjithë pasurisë së miliarderëve.

Gjeografikisht, SHBA ka ende më shumë miliarderë se çdo vend tjetër, me një rekord prej 813 në listë. Kina mbetet e dyta, e ndjekur nga India.

32 miliarderë të tjerë vdiqën, duke përfshirë manjatin egjiptian Mohamed Al-Fayed, ish-kryeministrin italian Silvio Berlusconi, ish-presidentin kilian Sebastián Piñera dhe këngëtarin e Margaritaville Jimmy Buffett.

Vazhdo të lexosh

Kulturë, Lifestyle

​Këto janë dhjetë gratë më të pasura në botë

Shumica prej tyre vijnë nga Shtetet e Bashkuara të Amerikës.

Publikuar

2 muaj më parë

më

8 Mars, 2024

nga

Revista prestigjioze Forbes ka publikuar listën e grave më të pasura në botë, ku shumica prej tyre vijnë nga Shtetet e Bashkuara të Amerikës.

Faqja “World of Statistics” në platformën X ka publikuar këtë listë.

Francezja Francoise Bettencourt Meyers: 99.5 miliardë dollarë

Amerikanja Alice Walton: 64.8 miliardë dollarë

Amerikanja Julia Koch: 60.1 miliardë dollarë

Amerikanja Jacqueline Mars: 39.8b miliardë dollarë

Amerikanja MacKenzie Scott: 34.5 miliardë dollar

Amerikanja Miriam Adelson: 33.8 miliardë dollarë

Australianja Gina Rinehart: 30.2 miliardë dollarë

Indianja Savitri Jindal: 30.0 miliardë dollarë

Zvicerianja Rafaela Aponte-Diamant: 29.4 miliardë dollarë

Amerikanja Abigail Johnson: 28.6 miliardë dollarë

Vazhdo të lexosh

Kulturë, Lifestyle

Atletet e Michael Jordan shiten për 8 milionë dollarë në ankand

Seti përbëhej nga atletet Air Jordan VI (1991), Air Jordan VII (1992), Air Jordan VIII (1993), Air Jordan XI (1996), Air Jordan XII (1997) dhe Air Jordan XIV (1998).

Publikuar

3 muaj më parë

më

4 Shkurt, 2024

nga

Legjenda e basketbollit, Michael Jordan fitoi gjashtë kampionate NBA gjatë karrierës së tij të suksesshme sportive dhe një set prej gjashtë palë atleteve të yllit, të cilat i kishte mbathur gjatë atyre kampionateve, janë shitur në ankand me një çmim prej 8 milionë dollarësh. Sipas shtëpisë së ankandit Sotheby’s, kjo shitje shënoi rekord të ri global për atlete.

Seti përbëhej nga atletet Air Jordan VI (1991), Air Jordan VII (1992), Air Jordan VIII (1993), Air Jordan XI (1996), Air Jordan XII (1997) dhe Air Jordan XIV (1998).

“Ky set përfaqëson koleksionin më të vlefshëm dhe më domethënës të atleteve Air Jordan të sjellë ndonjëherë në treg”, njoftoi Sotheby’s./UBTNews/

Vazhdo të lexosh

Kulturë, Lifestyle

Fustani i princeshës Diana shitet për më shumë se 1 milion euro

Ky është rekordi për shitjen e pjesëve të modës të veshura nga princesha.

Publikuar

3 muaj më parë

më

29 Janar, 2024

nga

Një fustan i veshur nga princesha Diana në vitin 1985 u shit për 11 herë çmimin e tij origjinal. Fustani i zi i mbrëmjes u shit në një ankand në Hollywood për 1.150.000 euro. Ky është rekordi për shitjen e pjesëve të modës të veshura nga princesha.

Fustanin e vlerësuar rreth 100 mijë euro, princesha Diana e veshi në Firence në vitin 1985 në një darkë. Ajo ishte në shoqërinë e burrit të saj të atëhershëm, princit Charles, i cili tani është mbreti britanik.

Më pas ajo e veshi përsëri në një koncert të orkestrës simfonike në Vankuver, Kanada një vit më vonë. Ai është bërë nga një pëlhurë e përzgjedhur nga tregtari i famshëm i tekstilit Jakob Schlefr, mbi të cilin janë qëndisur me kujdes yjet. Fustani është punuar me dorë nga ekipi i dizajnit të krijuesit Jacques Azaguri./KultPlus.com

Vazhdo të lexosh

Të kërkuara