Sport

Icardi pranë rikthimit në Serie A, por jo te Interi

Këtë herë jo te Interi, por te rivalët e Milanit.

Published

3 years ago

March 22, 2024

Betim Gashi

Mauro Icardi mund të rikthehet sërish në Milano. Këtë herë jo te Interi, por te rivalët e Milanit. Tani për tani, ky transferim është vetëm një hipotezë, por asgjë nuk është e pamundur, duke parë situatën.

Për Milanin lind problemi i zëvendësimit të “numrit 9”. Sesko, David dhe Zirkzee janë në krye të preferencave, por ato kushtojnë shumë dhe për t’i sjellë në Serinë A duhet mposhtur konkurrenca e fortë.

Nga ana tjetër, Icardi në moshën 31-vjeçare do të mbërrinte për një kosto më të ulët. Madje për t’u rikthyer në Milano, ai mund të ulë edhe kërkesat për pagën, që aktualisht te Galatasaray arrin në shifren e 10 milionë eurove.

Milani mendon për këtë dhe po vlerëson lëvizjen, por është ende herët për të planifikuar sezonin e ardhshëm dhe strategjitë e transferimit do të vendosen në marrëveshje me trajnerin./UBTNews/

Related Topics:inter Milan Serie A Mauro Icardi

Up Next

Shtyhet ndeshja kualifikuese e Botërorit, shkak bëhet një virus

Don't Miss

Real Madrid në sulm për yllin e Liverpoolit

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/